​ဖံ​ဖံ​အဲ​မၣ်

ဟံး​န့ၢ်​အီၤ​လၢကညီတၢ်ဒုၣ်တၢ်ထုဒီးတၢ်စူၢ်တၢ်နာ်တဖၣ်လံာ်​ပူၤလၢ​ကျိၣ်​တၢ်​ရၤ​လီၤ​လံာ်​လဲၢ်​က​ရူၢ်​ထုး​ထီၣ်​.

ကညီဖိတဖၣ်အတၢ်စူၢ်တၢ်နာ်,အတၢ်ဒုၣ်တၢ်ထုတဖၣ်န့ၣ်နတဲအီၤလၢမ့ၢ်တၢ်အဘၣ်ဒီးပာ်ဖျါထီၣ်ဒ်စဲအ့ၣ်အကျဲ (တၢ်လၢအမၤသးနီၢ်ကီၢ်အိၣ်ဒီးအဂ့ၢ်အ၀ီ)ထီဘိတသ့ဘၣ်.တၢ်စူၢ်တၢ်နာ်ဒီးတၢ်ပနီၣ်လၢတၢ်နာ်တ့ၢ်လံအီၤတ ဖၣ်န့ၣ်မ့ၢ်ခီဖျိပပှၤကညီထူလံၤဖိလၢပျၢၤသ့ၣ်တဖၣ်န့ၣ်ဘၣ်အိၣ်မူဘၣ်ဒိးသန့ၤထီၣ်အသးလၢန့ဆၢၣ်အဖီခိၣ်အ ဃိထီဘိဘၣ်ကွၢ်ဒီးပာ်သူၣ်ပာ်သး၀ဲန့ဆၢၣ်,.

ဖီဘီခိၣ် ပှၤတဒူၣ်လၢတၢ်လီၤဘၣ်အီၤလၢကဘၣ်အီၣ်ဘှးန့ၣ်အ၀ဲသ့ၣ်ဒ်အတၢ်နာ်ဒီးတၢ်လီၤစၢၤအသိးဘၣ်ဘုၣ်ပာ်၀ဲ ထိးမိၢ်ခိၣ်မ့တမ့ၢ်ဆီမိၢ်ခိၣ်ဒ်တၢ်လီၤဘၣ်အီၤလၢတၢ်ကဘၣ်အီၣ်ဘှးအဂီၢ်န့ၣ်လီၤ.ဒီးပှၤတဒူၣ်လၢအကဘၣ်အီၣ် ဘှးန့ၣ်ကၤထီၣ်ဆ့ပျိၢ်ဖးထီတဘ့ၣ်၀ံၤကျ့ထီၣ်အဃဲာ်,အဒီကိးထီၣ်၀ဲအဖိခွါတဂၤဂၤလၢအအဲၣ်ဒိးကိး၀ဲ၀ံၤလဲၤ ကျီန့ၢ်၀ဲယာ်ပျိၢ်ဒီးအလၣ်နွံဘ့ၣ်စုာ်စုာ်၀ံၤကျီတဲာ်၀ဲနွံာ်ကဒါ၀ံၤဒီးလဲၤကျီ၀ၣ်ဖိတဘိန့ၣ်လီၤ.ဒီး၀ၣ်တဘိလၢအ ကျီန့ၢ်၀ဲန့ၣ်အဆိကျီန့ၢ်၀ဲ၀ၣ်ခံကပိာ်ဒီးကိလီၤ၀ဲခံခီအဒိၣ်တခီအဆံးတခီဒီးကျီန့ၢ်ကဒီး၀ဲမီခံဒူဒီးမီတဒူန့ၣ်ကျီ ဃူ၀ဲအခိၣ်ဒီးမီအဂၤတဒူန့ၣ်ကျီပဲာ်စွၤ၀ဲအခိၣ်တစဲးဒီးကျီန့ၢ်၀ဲပခွံလၣ်သၢဒ့ဒီးထိးခံဆွံတဘိန့ၣ်လီၤ.သတးဒီး ယာ်လၣ်န့ၣ်ဘၣ်၀ံ၀ဲလၢကုပူၤဒီးမ့မ့ၢ်ထိးခံဆွံဒီး၀ၣ်ဆှါတဖၣ်ဘၣ်စိာ်၀ဲလၢအစုလီၤ.ဒီးဖဲအဟဲက့ၤ၀ဲလၢဟံၣ်အ ခါန့ၣ်သပၢၤအီၣ်မ့ၤမ့ၢ်အိၣ်လၢလၢၢ်ဆီခိၣ်န့ၣ်ဟဲက့ၤ၀ဲတသ့ဘၣ်.ပှၤမ့ၢ်စိာ်လီၤသပၢၤအီၣ်မ့ၤမးဟဲက့ၤ၀ဲသ့ဒီး ပှၤအိၣ်လၢဟံၣ်ပူၤန့ၣ်ကဘၣ်ဟံးထီၣ်ယာ်လၣ်တခီဒ့ဒီးဟၢၣ်လီၤ၀ဲဆူမ့ၤခိၣ်န့ၣ်လီၤ.ဒီးဟံၣ်ခိၣ်အံၤအမါဟ့ၣ် လီၤအီၤထိးဆၣ်ဒီးဟံၣ်ခိၣ်အံၤဖီၣ်ထီၣ်ထိးဒီးဃ့တံၢ်၀ဲအစုအခီၣ်ဒီးဃ့တံၢ်၀ဲထိးအဒ့လၢဆှါခံဘ့ၣ်,အစုခံဘ့ၣ်အ ခီၣ်ခံဘ့ၣ်ဒီးထိးအသးခံဘ့ၣ်န့ၣ်လီၤ..

ပဒိၣ်မါရှၣ်လါဖါအိၣ်ဖျဲၣ်ထီၣ်၀ဲဖဲ၁၉၄၃နံၣ်,လါယူၤလံ၅သီ,လၢအ့ၣ်ယၣ်၀တံၣ်ကီၢ်ခီ,ပါတနီၣ်ကီၢ်ဆၣ်,တီကၠီသီ ၀ီန့ၣ်လီၤအပၢ်မ့ၢ်၀ဲမါဘးသီၢ်ဒီးအမိၢ်မ့ၢ်၀ဲဂါနးတ့ၣ်န့ၣ်လီၤ့အဒီပုၢ်၀ဲၢ်အိၣ်၂ဂၤ,ဒီးမ့ၢ်ဖိခွါခံဂၤတဂၤန့ၣ်လီၤ.အမံၤ နီၢ်ကီၢ်မ့ၢ်၀ဲမါခၠံးရွ့ၣ်ဒီးအမံၤလၢတၢ်ပၢၢ်ဆၢအပူၤမ့ၢ်၀ဲမါရှၣ်လါဖါန့ၣ်လီၤ.အ၀ဲစးထီၣ်မၤလိတၢ်ဖဲယ့တဲၣ်ကိတီၤ ခၢၣ်သးကၠိပါတနီၣ်ကီၢ်ဆၣ်,စးထီၣ်လၢ၁၉၅၉၆၀နံၣ်ဒီးဖျိထီၣ်တီၤဖုၣ်ဒီးတီၤခၢၣ်သးဖဲန့ၣ်လီၤ.၀ံၤအလီၢ်ခံဆဲး မၤလိကဒီးတၢ်ဖဲပါတနီၣ်တီၤထီကိၠတုၤ၈တီၤ၀ံၤဖျိ၀ဲဂ့ၤဂ့ၤဘၣ်ဘၣ်ဒီးလဲၤမၤလိက့ၤတၢ်လၢ၀့ၢ်တကူၣ်န့ၣ်လီၤ. ဖဲအ၀ဲမၤလိဒံးတၢ်လၢဖၠၣ်စိမိၤ,လၢ၀့ၢ်တကူၣ်အဆၢကတီၢ်အ၀ဲနုာ်လီၤဟူးဂၤဲစ့ၢ်ကီးလၢ.

.

​ဟံး​န့ၢ်​ကွဲး​ကူ​န့ၢ်​အီၤ​လၢ​ကွဲၤ​က​လုၢ်တၢ်​က​စီၣ်ပှာ်ယဲၤ​သ​န့ပ.

စိၤအတၢ်လဲၤထီၣ်လဲၤထီအါထီၣ်ဒီးတၢ်ဆီတလဲသးတဆီဘၣ်တဆီအသိးတိစ့ၢ်ကီးတၢ်ကိးအမံၤအါထီၣ်ဒီး တၢ်နီၤဖးအကလုာ်အါထီၣ်၀ဲဒၣ်လီၤ.စးထီၣ်လၢပျၢၤဒီးတုၤခဲကနံၣ်အံၤတၢ်ဂဲၤကလံၣ်တိအမံၤအကလုာ်အိၣ် ၀ဲဒၣ်(၁၀)​ ကလုာ်န့ၣ်လီၤ. ၁.တိလၢပျၢၤ(မ့)တိသးပှၢ်(တိရှၣ်ထူၣ်)​ မ့​ (တနရှၣ်လဖျိး) တိလၢပျၢၤ-တၢ်ဂဲၤကလံၣ်အီၤသ့ဒၣ်ထဲလၢပှၤသးပှၢ်လၢအနံၣ်အိၣ်(၄၀)ဒီးဆူအဖီခိၣ်န့ၣ်လီၤ.အ၀ဲသ့ၣ်အတၢ်ဂဲၤကလံၣ်ဒီး တၢ်သး၀ံၣ်အဖျၢၣ်တဖၣ်စ့ၢ်ကီးဒုးနဲၣ်တဲဖျါ၀ဲဒၣ်တၢ်လၢပျၢၤတၢ်လၢအပူၤကွံာ်လံၤလံၤသ့ၣ်တဖၣ်န့ၣ်လီၤ ၂.တိထီၣ်ပူ(တိထီၣ်ပိး) -တိတၤအုး(တိစအီး) -တိပနၢ်(တိပနါ) -တိတရဲၢ်(တိတရဲ) -တိတမၣ်(တိသမ) တိထီၣ်ပူအံၤတၢ်ဂဲၤကလံၣ်အီၤဒ်အမ့ၢ်တၢ်ဒုးနဲၣ်တၢ်လိတၢ်တဲာ်တခါဒီးဖျီၣ်၀ဲဒၣ်အခိၣ်သၣ်ဃံဒီးတၤအုး,ပနၢ်, တရဲၢ်ဒီးတမၣ်သ့ၣ်တဖၣ်န့ၣ်လီၤ. ၃.တိဖဲဒၣ်သး(တိစီၣ်ကဒဲ) တိအံၤတၢ်ဂဲမကလံၣ်အီၤဖဲဒၣ်ဘၣ်သးဂဲၤကလံၣ်တလိၣ်လၢအဃူအဖိးဘၣ်.အဲၣ်ဒိးဆၢထၢၣ်တနီၤဆၢထၢၣ်, ဆ့ၣ်နီၤတနီၤဆ့ၣ်နီၤ,လဲၤထီၣ်တနီၤလဲၤထီၣ်,အိၣ်တ့ၢ်တနီၤအိၣ်တ့ၢ်,ဖျီၣ်ခိၣ်တနီၤဖျီၣ်,သိးတၢ်ကူတၢ်သိးစ့ၢ် ကီးဖဲအဲၣ်.

တၢ်​ကွဲး​တ​ခါ​အံၤ​ဟံး​န့ၢ်​ကွဲး​ကူ​အီၤ​လၢ​ကွဲၤ​က​လုၢ်​ပှာ်​ယဲၤ​သ​န့​ပူၤ​လၢဆ့ပျိၢ်ဖိလၢ​အ​ကွဲး​ကျိာ်​ထံ​က့ၤ​စီၤ​ဘး​အူ​ကၠံ​အ​တၢ်​ကွဲး​လၢပ​ယီၤ​ကျိာ်​ “ခိုင်ခန့်တည်ြမဲေသ၁်အစိုးရ” ဖဲ​က​ညီ​ပှၤ​ဒူ​ပှၤ​ဃိၤ​မုၢ်​နံၤ​ပှဲၤ​ထီၣ်​ ​၅၆​ ​ဝီ​တ​ဝီ​ ​ဖဲ​ ​၁၂.၈. ၂၀၀၆​.

မိၢ်ပပၢ်ဖံဖုလၢပျၢၤတဖၣ်မ့ၢ်သိၣ်ဖိသိၣ်လံၤန့ၣ်တနီၤတတဲ၀ဲလိၤလိၤဘၣ်. သိၣ်၀ဲခီဖျိတၢ်ဃဲၤပူ, လုၢ်ဖိထါဖိ, တၢ်အိၣ်မူအတၢ်ဖံးအီၣ်မၤအီၣ်သ့ၣ်တဖၣ်လီၤ.အ၀ဲသ့ၣ်ပာ်လီၤစ့ၢ်ကီး၀ဲတၢ်ဒုၣ်တၢ်ထုတဖၣ်လၢဖိလံၤတဖၣ် ကလူၤပိာ်မၤထွဲ၀ဲဒ်သိးအသုတထံၣ်ဘၣ်တၢ်ကီတၢ်ခဲအဂီၢ်န့ၣ်လီၤ.အဃိသိၣ်လိ၀ဲလၢထါဒ်အံၤ,ပှၤဒုၣ်တၢ် န့ၢ်-ပှၤဃ့ၢ်တၢ်ဖျဲးန့ၣ်လီၤ.သးပှၢ်လၢပျၢၤတဖၣ်တဲ၀ဲတၢ်ဒုၣ်တၢ်ထုန့ၣ်လီၤဂာ်ဒီးကရၢၢ်တၢၣ်န့ၣ်လီၤ. ကရၢၢ်တၢၣ်န့ၣ်ဒီသဒၢပှၤကညီတဖၣ်လၢတၢ်အၢတၢ်သီဒ်အမ့ၢ်ကျီၢ်ပနၢ်တဖၣ်အသုတဟဲမၤတံာ်တာ်အီၤတ ဂ့ၤန့ၣ်လီၤ.ပမ့ၢ်ထုးကွံာ်ပတၢ်ဆဲးတၢ်လၤတမံၤဘၣ်တမံၤန့ၣ်ကလီၤဂာ်ဒ်ပထုးထီၣ်ကွံာ်ပကရၢၢ်တၢၣ်တဘိ ဘၣ်တဘိဒီးညီလၢတၢ်ကမၤဟးဂီၤအီၤအဂီၢ်န့ၣ်လီၤ.   ပကထံၣ်ဘၣ်လၢခ့ခါဆၢကတီၢ်ခဲအံၤဖိဒံဖိသၣ်,သူၣ်စၢ်သးဘီၣ်ဒီးသးပှၢ်တနီၤဒၣ်လဲာ်တအဲၣ်ဒိးလူၤပိာ်မၤထွဲ တၢ်ဒုၣ်တၢ်ထုတဖၣ်အံၤဘၣ်ဒီးအဲၣ်ဒိးလူၤပိာ်ထွဲထဲဒၣ်စိၤခဲအံၤအတၢ်သ့ၣ်ညါနၢ်ပၢၢ်ဒီးထံၣ်ဆံးက့ၤပမိၢ်ပပၢ်ဖံ ဖုအတၢ်လုၢ်တၢ်လၢ်တဖၣ်လီၤ.ဘၣ်ဆၣ်ဖဲပိာ်ပှၤဂၤအခံပကဘၣ်ကွၢ်ပိာ်ကွၢ်ပိာ်မ့ၢ်လၢပတၢ်အိၣ်သးတၢ်ဟဲလီၤ စၢၤလီၤသွဲၣ်တဖၣ်ထီဘိတလီၤဂာ်ဒီးပှၤဂၤဘၣ်အဃိလီၤ.တၢ်တဲ၀ဲလၢပှၤကညီလၢပျၢၤတဖၣ်ကတိၤတၢ်တ မံၤမံၤကနၣ်လိာ်အသးဒီးဃူလိာ်ဖိးလိာ်အသးဒိၣ်မးလီၤ.  တၢ်စံး၀ဲတဘျီပှၤအဂၤသၢဆံဟဲက့ၤလၢခုးထံၣ်၀ဲသ့ၣ်ကမိာ်ဒီးတဂၤစးထီၣ်တဲ၀ဲတၢ်တခါအံၤပျံာ်ယူၤလီၤမး လဲၣ်.အဂၤတဂၤစံးကဒီး၀ဲ,အၣ်နၤမ့ၢ်စဲဃဲၤမ့ၢ်ဒါခီပျံာ်ယူၤမးလဲၣ်.သၢဂၤတဂၤတဲ၀ဲ,စဲဃဲၤပျံာ်ယူၤတဘ့ၣ်အိၣ် လၢသ့ၣ်ကပၤဒါခီ.တဲ၀ဲဒ်အံၤတုၤအပှဲၤထီၣ်အဂၤသၢဆံဒီးသ့ၣ်ကမိာ်တခါအံၤကဲထီၣ်စဲဃဲၤပျံာ်ယူၤဒီး ယူၤထီၣ်ကွံာ်၀ဲလီၤ.အဃိမၤ၀ဲလၢထါဒ်အံၤ,.

ပှၤကညီတဖၣ်လၢမိၢ်လုၢ်ပၢ်လၢ်န့ၣ်မ့ၢ်ပှၤအီၣ်ဃဲအီၣ်ဘှးတဖၣ်န့ၣ်လီၤ.လီၢ်ခံတၢ်ဘူၣ်တၢ်ဘါအကလုာ်ကလုာ် ဒ်ခရံာ်ဖိ,ဘူးဒး, မူးစလ့ၣ်ဒီးတၢ်ဘါအဂုၤအဂၤတဖၣ်ဟဲနုာ်လီၤ၀ဲဆူပှၤကညီကလုာ်အကျါအဃိအ၀ဲသ့ၣ်စ့ၢ် ကီးလုၢ်ပိာ်ထွဲ၀ဲတၢ်ဘူၣ်တၢ်ဘါတဖၣ်အံၤအခံလီၤ.ဘၣ်ဆၣ်ပှၤကညီဖိတဖၣ်နာ်၀ဲလၢတၢ်ခဲလၢာ်န့ၣ်အိၣ်ဒီးအ ကစၢ်ဒ်အမ့ၢ်သ့ၣ်ကစၢ်,၀ၣ်ကစၢ်,ထံကစၢ်,ကီၢ်ကစၢ်,ကစၢၢ်ကလိကစၢ်,ထံကျိထံကွာ်ကစၢ်,သံခိၣ်မုၢ်ဃါဒီးတၢ် သူတၢ်ပှိၤတဖၣ်န့ၣ်လီၤ. .

ကညီဖိတဖၣ်အတၢ်ဖံးအီၣ်မၤအီၣ်အခိၣ်သ့ၣ်န့ၣ်မ့ၢ်၀ဲတၢ်ဖဲးအီၣ်ခုးဖဲးအီၣ်သံၣ်န့ၣ်လီၤ.ကညီဖိတဖၣ်လုၢ်အီၣ်အ သးသမူလၢတၢ်လူၤအီၣ်ပှၢ်ဒီးတၢ်ဃုက၀ဲၤအီၣ်ဒ့ၣ်ဖိညၣ်ဖိတဖၣ်စ့ၢ်ကီးန့ၣ်လီၤ.တၢ်အံၤမ့ၢ်တၢ်ဖံးအီၣ်မၤအီၣ် လၢအလီၤစၢၤတ့ၢ်လံလၢမိၢ်ပၢ်ဖံဖုအစိၤလၢပျၢၤလံၤလံၤဒီးတုၤလီၤလၢမုၢ်မဆါတနံၤအံၤန့ၣ်လီၤ.ကညီဖိတ ဖၣ်အတၢ်ဖံးအီၣ်မၤအီၣ်လၢအမ့ၢ်တၢ်ဖဲးအီၣ်ခုးသံၣ်ဒီးတၢ်လူၤအီၣ်ပှၢ်န့ၣ်ဒိးသန့ၤထီၣ်အသးလၢသ့ၣ်ပှၢ်တၢ်အိၣ် ယၢၤဒီးန့ဆၢၣ်ခိၣ်ဃၢၤတဖၣ်န့ၣ်လီၤ.တၢ်မူတၢ်အိၣ်ယၢၤဒ်အမ့ၢ်ဆၣ်ဖိကီၢ်ဖိဒီးတၢ်မဲတၢ်မါတဖၣ်မ့ၢ်တၢ်အကါ ဒိၣ်လၢကညီဖိတဖၣ်အတၢ်လုၢ်အီၣ်သးသမူအဂီၢ်စ့ၢ်ကီးလီၤ. က.တၢ်မၤခုးမၤသံၣ် ဖဲတၢ်မၤခုးမၤသံၣ်အခါကဘၣ်ကွၢ်နီၣ်ကွၢ်ဃါဒီးကနၣ်ဃုာ်စ့ၢ်ကီး၀ဲတၢ်သီၣ်တၢ်သဲအကလုာ်လုာ်ဒီးမၤခုးမၤ သံၣ်န့ၣ်လီၤ.ဖဲခ့ခါအဆၢကတီၢ်န့ၣ်တၢ်ဆၢကတီၢ်ဘၣ်လိာ်ဘၣ်စးဒီးခီဖျိပပှၤကလုာ်တဖၣ်ဒိၣ်ထီၣ်လၢခုးကျါ သံၣ်ကျါ,ခိခိၣ်ပှၢ်လၢ်ကျါအဃိမၤလိန့ၢ်တၢ်လၢန့ဆၢၣ်ခိၣ်ဃၢၤဒီးတၢ်မူတၢ်မဲတဖၣ်အအိၣ်န့ၣ်လီၤ.ညီနုၢ်တၢ်နာ် သ့ၣ်တဖၣ်တမ့ၢ်တၢ်နာ်မူသူအီၤနါစိၤဘၣ်.ခီဖျိတၢ်ကနၣ်အီၤအနံၣ်ယံာ်ထီၣ်အလါအါထီၣ်ဒီးကဲထီၣ်ကဒါက့ၤ တၢ်စူၢ်တၢ်နာ်ဒီးတၢ်ပနီၣ်သ့ၣ်တဖၣ်လီၤ. လိၣ်လွဲၣ်န့ၣ်ကိး၀ဲတနံၣ်ခံဘျီလီၤ.တၢ်စူၤလီၤသီဒီးလိၣ်လွဲၣ်မ့ၢ်ကိးန့ၣ်တၢ်စူၤကအါထီၣ်ဒီးတုၤလၢတၢ်ယီၤအ ကတီၢ်မ့ၢ်ကိးကဒီးန့ၣ်မူခိၣ်ထံကစှၤလီၤ၀ဲလီၤ. ထိၣ်ကွၤ(ထိၣ်ကျိၤ,ကီၢ်ကၠိရိကနၢ)မ့ၢ်ကိးသီၣ်န့ၣ်မ့ၢ်ဆၢကတီၢ်လၢတၢ်ယီၤထီၣ်မူၢ်မူၢ်နီၢ်နီၢ်လံဒီးပှၤစးထီၣ်က တဲာ်ကတီၤအသးလၢကဖဲးအီၣ်ခုးသံၣ်န့ၣ်လီၤ. သရ့ၤမ့ၣ်လဲး(သရ့ၣ်ကနၢ)ဒီးကွဲကၠီၢ်မ့ၢ်ပှ့ၤန့ၣ်တၢ်ဆၢကတီၢ်တုၤလီၤလၢတၢ်ဖဲးခုးဖဲးသံၣ်၀ံၤဒီးတၢ်ဆူးခုးဒွဲၣ်ခုး အဆၢကတီၢ်န့ၣ်လီၤ. တုၤအံးမ့ၢ်ကိးထီၣ်န့ၣ်မ့ၢ်တၢ်ဆၢကတီၢ်လၢပှၤထၢဖှိၣ်က့ၤဘုလၢခုးဒဲပူၤလီၤ. ဒ့ၣ်ဖှီဒီးဃဲမိၢ်ရၤမ့ၢ်ကိးထီၣ်န့ၣ်မ့ၢ်တၢ်စးထီၣ်ထိၣ်ခုးအဆၢကတီၢ်လီၤ. ဒ့ၣ်ဘီခီၣ်ဒီးဒ့ၣ်ကွီၣ်မ့ၢ်ပှ့ၤထီၣ်န့ၣ်မ့မ့ၢ်တၢ်ကျီနီၣ်ဖျးမံၤအဆၢကတီၢ်ဒီးမုၢ်ဘၣ်၀ဲလံန့ၣ်လီၤ. လၣ်လၣ်အူမ့ၢ်ကိးထီၣ်န့ၣ်တၢ်စူၤလီၤသီအဆၢကတီၢ်လီၤ. ယုၢ်ကွဲးမ့ၢ်ကိးန့ၣ်ပှၤဖဲးခုးဖဲးသံၣ်လံ. ယုၢ်ကွဲး(ပုစှ့်းရင်ကွဲ)န့ၣ်မ့ၢ်တၢ်ဖိဃၢ်တကလုာ်န့ၣ်လီၤ.တၢ်မ့ၢ်ခံးလီၤအဆၢကတီၢ်ကိးသီၣ်၀ဲြကံြကံ ြကါြကါလီၤ. သံၣ်သွ့ကိးအဆၢကတီၢ်မ့ၢ်တၢ်ဖဲးခုးဖဲးသံၣ်အဖၢမုၢ်ဒီးဖဲကိးအဆၢတတဲာ်လၢၤဘၣ်ဒီးကိးလီၤတုၤလၢထံနံၤ လံန့ၣ်.

ကစၢၢ်ဒိၣ်အိၣ်၀ဲအလီၢ်ဖဲကီၢ်ပယီၤကလံၤထံးကီၢ်တနီသရံၣ်အပူၤဖဲတနီသရံၣ်ထံကျိထၣ်န့ၣ်လီၤ.ဘၣ်ဃးဒီး ကစၢၢ်ဒိၣ်တၢ်ဂ့ၢ်တၢ်ကျိၤတဖၣ်အါမံၤဘၣ်တၢ်စံးကတိၤ၀ဲလၢတၢ်လီၤဆီလီၤလးအဂ့ၢ်န့ၣ်လီၤ.လၢအပူၤကွံာ် နံၣ်တကယၤဘျဲၣ်ဒီးဆူညါခီအဆၢကတီၢ်,ကစၢၢ်ဒိၣ်မုၣ်ဃံလၤဖိတဖၣ်ကူသိး၀ဲပှၤကညီဖိဆ့မိၢ်၀ါ,ဒီးလဲၤလီၤ လုၣ်ထံဖဲပီၣ်လဲၣ်ထံကၢၢ်ခိၣ်ဒီးထံကျိလၢထံလီၤဆူအိၣ်၀ဲတၢ်လီၢ်တဖၣ်န့ၣ်လီၤ. ကစၢၢ်ဒိၣ်မုၣ်ဃံလၤဖိတဖၣ်ဖဲအလုၢ်ထံအခါတပာ်ဖျါထီၣ်အသးလၢပှၤအါအါဂီၢ်ဂီၢ်အမဲာ်ညါဘၣ်,လီၤဆီဒၣ် တၢ်ဖဲပှၤအိၣ်တဂၤဖိခံဂၤဖိအဆၢကတီၢ်န့ၣ်,ပာ်ဖျါထီၣ်အသးအဃိဘၣ်တၢ်ထံၣ်အီၤခဲအံၤခဲအံၤစ့ၢ်ကီးလီၤမုၣ် ဃံလၤဖိတဖၣ်ညီနုၢ်လဲၤလုၢ်ထံဖဲထံကျိအိၣ်၀ဲတယံၤတဘူးဒီးသ၀ီတဖျၢၣ်လၢအမ့ၢ်ပှၤကညီအိၣ်၀ဲဆိး၀ဲသ၀ီ န့ၣ်လီၤ.မုၢ်အိၣ်၀ဲတနံၤဖဲသ၀ီတဖျၢၣ်အံၤအပူၤဖိၣ်သၣ်ခွါဖိတဂၤလဲၤတုၤ၀ဲဖဲထံကျိတဘိအနံၤဒီး,.

လၢသ၀ီပူၤတခီဖိၣ်သၣ်ခွါသၢဆံအခိၣ်ထီပျီၤဖီကမၢကမၣ်ဘၣ်အီၤဒိၣ်မးဒီးဆိကမိၣ်၀ဲ, တၢ်အံၤမ့ၢ်တၢ်ဒ်လဲၣ်, တၢ်တဘၣ်အခ့အခါလီသီၣ်လီဖျးတၢ်,ထိၣ်ကံၣ်ကိး,ထိၣ်ကံၣ်ြတးတဘၢးဘၢးအံၤမ့ၢ်အဘၣ်မနုၤလဲၣ်.ယက သံကွၢ်ကွၢ်ယဂိၤမီၣ်ခွါတဘီနဲာ်,ယမ့ၢ်တသံကွၢ်ဘၣ်ဒီးယတသ့ၣ်ညါတၢ်မၤအသးအံၤအဂ့ၢ်ဘၣ်ဒီးသံကွၢ်၀ဲ လၢထါတနၢ်အပူၤလီၤ. ြကူၤနၤ,.

ပှၤခံဒူၣ်အံၤအတၢ်အိၣ်တၢ်ဆိးတယံၤလိာ်အသးအါအါဘၣ်. လဲၤအိၣ်သကိးလိာ်အသးတုၤဒၣ်ထီဘိလီၤ. မ့မ့ၢ်တုၤအံၣ်မီလ့ဒိၣ်ထီၣ်ဒီးအပၢ်က့ၤအိၣ်က့ၤဆိး၀ဲလၢကိၤကျိကီၤကျိအ၀ၢ်ဘးခီဒီးအတနၢ်တဖျၢၣ်န့ၣ်လဲၤ ပာ်၀ဲဒၣ်လၢနီၢ်အံၣ်မၢၤအဒၢးဒီးနီၢ်အံၣ်မၢၤအပၢ်ဟ့ၣ်အီၤလၢတဃ့ၤတဆိလၢတၢ်သ့ၣ်နီၣ်အဂီၢ်လီၤ. တုၤအံၣ်မီလ့ဒိၣ်ထီၣ်ဖိၣ်သၣ်ခွါထီၣ်ဒီးအပၢ်မၢအလဲၤကူၣ်လဲၤမၤကၤတုၤအသ့ဒိၣ်သ့ထီလံဒီးဘၣ်အသးလၢ အဖိခွါကလဲၤမၤလိတၢ်ကူၣ်ဘၣ်ကူၣ်သ့လၢလီလီၤ.အပၢ်စံးအီၤ,ဖိခွါဧၢ,နမ့ၢ်လီၤဘၣ်ဒုၣ်လီၤဘၣ်ဒါဒီးလဲၤမၤ လိတၢ်လၢလီတက့ၢ်.ဒီးအဖိခွါလဲၤမၤလိလီလီၤမၢ်နွံနံၣ်ညါလီၤ.အပၢ်မၤ၀ဲလၢထါဒီးဒ့ထီၣ်တနၢ်,- ြကူၤနၤ,.

နီၢ်အံၣ်မူဒ့တဂၤန့ၢ်ဘၣ်အ၀ၤလၢတလီအဖိခွါလီၤ.ဒီးဒၢထီၣ်အဖိယံာ်ယံာ်ကလဲာ်ပှဲၤထီၣ်သၢနံၣ်,တဆံးစၢ်ဘၣ် အဖိဘၣ်. ဆိကမိၣ်၀ဲလၢအသး, တၢ်အံၤပကဘၣ်လဲၤသံကွၢ်လၢ၀ံဒီးမၢအ၀ၤလဲၤသံကွၢ်လၢ၀ံလီၤ. စံးဘၣ်အ၀ၤန့ၣ်လၢထါတဃ့ၤအပူၤဒ်အံၤ,- ခဲၤငဲၤ, ြခဲၤငဲၤ, ြခဲၤငဲၤ ယဒၢယဖိသၢနံၣ်အံၤဧါ, သၢနံၣ်တထံၣ်အမဲာ်ဘၣ်, ယဒၢယဖိသၢနံၣ်အံၤဧီၢ်, သၢနံၣ်တထံၣ်အမဲာ်လီၣ်, သၢနံၣ်တထံၣ်အမဲာ်မး, လဲၤစးကွၢ်လၢ၀ံန့ၣ်မး, သၢနံၣ်တထံၣ်အမဲာ်ဧီၢ်, လဲၤစးကွၢ်လၢ၀ံန့ၣ်မီၣ်. ၀ၤတလီဖိခွါဧီၢ်ခွါဧီၢ်ခွါ အ၀ၤတလီအဖိခွါတခီတ၀ံခိၣ်ဒိၣ်ခံဃၢဘၣ်,.

လၢပျၢၤပှၤဒီမိ၀ၤခံဂၤ,အိၣ်ဃုာ်၀ဲဒၣ်ထွဲဘၣ်ထွဲဘၣ်တုၤအဘၣ်မုၢ်ဘၣ်လါဒီးအမါတဂၤဆံးစၢ်ထီၣ်အဖိမုၣ်တဂၤ ဒီးအပၢ်သံသဒၣ်ကွံာ်အီၤလီၤ.ဖိမုၣ်တဂၤအံၤယုၢ်န့ၢ်၀ဲအမံၤလၢနီၢ်ဘီယုၢ်ယ့ၤလီၤ.တုၤအသ့ဃ့ၢ်သ့ဟးသ့ထီၣ် တစဲးဒီးအမိၢ်သံသဒၣ်ကဒီးအီၤဒီးအဖါတံၢ်စီၤပၤတဂၤကွၢ်လုၢ်ဖိက့ၤအီၤလီၤ.အဖါတံၢ်တခီမ့ၢ်လၢအတၢ်ဆိ ကမိၣ်ဆိကမးတလၢတပှဲၤဘၣ်အဃိတအဲၣ်တကွံအီၤဘၣ်.တုၤအမုၣ်ကနီၤထီၣ်ဒီးအဖါတံၢ်စံးအီၤ,နအိၣ်ဒီး ယၤအံၤမၤခုမၤဆှါနသးဒီးယကမၢပှၤဆးန့ၢ်နဆ့ကူယၣ်သိးလီၤ.ဖိသၣ်မုၣ်တဂၤအံၤတုၤအမုၣ်ကနီၤထီၣ် နီၢ်နီၢ်တဘျီဒိၣ်တၢ်ဂ့ၤမးတုၤဖိၣ်သၣ်ခွါတဖၣ်ထံၣ်ဘၣ်အီၤဒီးတမဲာ်ဘၣ်သးစီၣ်အီၤန့ၣ်တအိၣ်နီတဂၤဘၣ်, လဲၤအိၣ်သကိးအီၤကိးမုၢ်ဟါဒဲးလီၤ.ယံာ်ယံာ်ဒီးအဖါတံၢ်စံးအီၤ,ဖိဒိၣ်မုၣ်ဧၢ,နအိၣ်ဒီးယၤအံၤလၢာ်ဂီၤကသံၣ် ဖိညါသူးဖိ,မ့ၣ်ဒၢဖၣ်ဒၢ,တရံးခိၣ်ဖးနးမးယတူၢ်တပှဲၤလၢၤဘၣ်.ဒီးအဖါတံၢ်ဟီထီၣ်ကွံာ်အီၤလီၤ.တၢ်အံၤမ့ၢ်ဒ် ပှၤသးပှၢ်စံး၀ဲ,- .