အဲကလံးတဖၣ်ပာ်လီၤအသးလၢကဒိၣ်စိဒိၣ်ကမီၤလၢမုၢ်ကျိၤ၀ဲၤကွာ်ဒီးထံဂ့ၢ်ကီၢ်ဂ့ၢ်လၢကီၢ်ပယီၤအဖီခိၣ်ထဲတ
ဒူၣ်ဧိၤ,ဘၣ်ဆၣ်မ့ၢ်လၢကီၢ်ပယီၤစီၤပၤပဒိၣ်အတၢ်ရ့လိာ်အသးဒီးြဖၣ်စ့ၣ်ယံာ်ထီၣ်အါထီၣ်ဒိၣ်ထီၣ်အဃိအဲကလံး
တဖၣ်ပာ်လီၤအသးလၢကဒုးန့ၢ်ကွံာ်ကီၢ်ပယီၤဒီဘ့ၣ်လၢအဂီၢ်လီၤ.ဒ်န့ၣ်အသိးအဲကလံးပှၤကၤတၢ်ဖိတဖၣ်စ့ၢ်
ကီးဟ့ၣ်ဂံၢ်ဟ့ၣ်ဘါ၀ဲဒ်သိးအဲကလံးပဒိၣ်ကမၤန့ၢ်၀ဲကီၢ်ပယီၤဒီဘ့ၣ်အဂီၢ်လၢကဒိၣ်စိဒိၣ်ကမီၤလၢမုၢ်ကျိၤ၀ဲၤကွာ်
အဂီၢ်န့ၣ်လီၤ.အဆၢကတီၢ်ဖဲန့ၣ်အဲကလံး(company) ခီပနံၣ်တခါလၢအမ့ၢ် (ဘုံေဘဘားမား)အခီပနံၣ်ဟုၣ်
ပယီၤပလိၣ်အသ့ၣ်အဃိကီၢ်ပယီၤအီၣ်လီးစ့(၂၃)ကလီၢ်အဃိအဲကလံးအခီပနံၣ်တမံသူၣ်မံသးလၢတၢ်ဂ့ၢ်အံၤ
အဖီခိၣ်ဘၣ်အဃိအဲကလံးစီၤပၤခၢၣ်စး(ေလ့ာဒပ်ဖရင်)ခါလီၤအကလုၢ်ဆူပယီၤစီၤပၤအပဒိၣ်အအိၣ်ဒ်အဖီ
လာ်အံၤအသိးန့ၣ်လီၤ.
၁.ဘၣ်ဃးသ့ၣ်တၢ်ဂ့ၢ်တမံၤအံၤန့ၣ်ပှၤကဘၣ်ဆၢတဲာ်တၢ်မ့ၢ်၀ဲအဲကလံးစီၤပၤအခၢၣ်စးတဖၣ်လီၤ.
၂.ခၢၣ်စးတဖၣ်အံၤဖဲအိၣ်ဆိးလၢကီၢ်ပယီၤစီၤပၤပဒိၣ်ဟီၣ်က၀ီၤအခါတၢ်ကဘၣ်ဟ့ၣ်အခွဲးလၢအဲကလံးအသုး
၃.အဲကလံးခထၣ်စးတဖၣ်မ့ၢ်နုာ်လီၤဆူပယီၤစီၤပၤအမဲာ်ညါန့ၣ်တၢ်ကဘၣ်ဟ့ၣ်အခွဲးလၢကဘၣ်ဒိးခီၣ်ဖံးဒီးစိာ်
၄.မ့တမ့ၢ်လၢအဲကလံးပဒိၣ်ဟ့ၣ်အခွဲးဘၣ်န့ၣ်ကီၢ်ပယီၤအစီၤပၤတဘၣ်ရ့လိာ်အသးဒီးထံကီၢ်အ
ဂၤနီတဘ့ၣ်ဘၣ်.
တၢ်ကလုၢ်လွံၢ်ထံၣ်တုၤမ့ၢ်အတုၤဆူပယီၤစီၤပၤအအိၣ်ဒီးပယီၤစီၤပၤစံၣ်ညီၣ်၀ဲလၢဘၣ်ဃးစ့အီၣ်လီး၂၃ကလီၢ်
အံၤမ်အဲကလံးသုတဟ့ၣ်လၢၤတဂ့ၤမ့မ့ၢ်တၢ်ရ့လိာ်သးဒီးထံဂၤကီၢ်ဂၤအဂ့ၢ်န့ၣ်ထံဂၤကီၢ်ဂၤတဘ့ၣ်ဘ့ၣ်မ်အ
ဆၢတဲာ်န့ၢ်ပှၤတက့ၢ်.ပယီၤစီၤပၤဟံးထီၣ်ဖီၣ်ထီၣ်တၢ်ဂ့ၢ်အံၤမ့ၢ်လၢအဲကလံးပဒိၣ်တသသးမံဘၣ်အဃိအဲက
လံးအသုးတဖၣ်လဲၤထီၣ်ဒုးကီၢ်ပယီၤအ၀့ၢ်ခိၣ်၀့ၢ်မါဒလ့ဖဲ(၁၈၈၅)နံၣ်,နံၣ်ကတၢၢ်ဒီးမၤန့ၢ်ပယီၤအစီၤပၤ(သီေပါ)
သံၣ်ပီ ဒီးနီၢ်ပၤမုၣ်(စုဖုရ၁းြကီး) စူးဖယါကၠံဒီး (စုဖရ၁းလတ်) စူးဖယါလးဒီးကီၢ်ပယီၤအနီဒီဘ့ၣ်အဃိစးထီၣ်
(၁၈၈၆)နံၣ်လါယနူၤအါရံၤ(၁)အနံၤန့ၣ်ကီၢ်ပယီၤဒီဘ့ၣ်ကဲထီၣ်အဲကလံးအခီလနံၣ်ဒီးအဲကလံးပၢဘၣ်ကီၢ်ပ
ယီၤဒီတဘ့ၣ်လီၤ.
