ပှၤဒူပှၤဃိၤမုၢ်နံၤ(၁၉၅၀နံၣ်လါအီကူာ်၁၂သီ)
ပှၤဒူပှၤဃိၤစံးတၢ်န့ၣ်လၢပှၤအါဂၤတၢ်ဘၣ်ဘျုးဂီၢ်မ့ၢ်ပှၤသ့ၣ်တဖၣ်လၢတၢၤကွံာ်နီၢ်ကစၢ်တၢ်ဘၣ်ဘျုးတကးဘၣ်
အသးသမူခဲလၢာ်ဟ့ၣ်လီၤ၀ဲကဲတဖၣ်လီၤ. တၢ်ဟံးန့ၢ်မုၢ်နံၤအံၤဖဲပကီၢ်ခိၣ်သးဘိစီၤဘးအူကံၠအနီၢ်ကစၢ်ဒၣ်၀ဲ
လၢကညီဒီကလုာ်ညါအဂီၢ်ဟ့ၣ်လီၤကွံာ်အသးသမူအမုၢ်နံၤန့ၣ်လီၤ.ပကီၢ်ခိၣ်စီၤဘးအူကၠံမ့ၢ်ပှၤကဲဒိၣ်အဖိခွါတ
ဂၤဒီးမ့ၢ်ပှၤတဂၤလၢမၤလိမၤဒိးဘၣ်တၢ်အပတီၢ်ထီၣ်ဘးလၢကညီဖိအကျါန့ၣ်လီၤ.ပမ့ၢ်ကွၢ်အ၀ဲအတၢ်အိၣ်မူတၢ်
ဘၣ်ကိၢ်ဘၣ်ဂီၤအလီၢ်တအိၣ်ဘၣ်ဒီးအီၣ်ကုာ်အီပှဲၤဂ့ၤမးလီၤ.ဖဲ(၁၉၄၅)နံၣ်တချုးကီၢ်ပယီၤန့ၢ်တၢ်သဘျ့အဆၢ
ကတီၢ်အ၀ဲတၢ်ဃုထၢထီၣ်အီၤဒ်အမ့ၢ်ကိတိာ်တဂၤလၢတၢ်ဘၢၣ်စၢၤပဒိၣ်အပူၤလီၤ.ဘၣ်ဆၣ်ဒီးဖဲကညီတဖၣ်ဂဲၤ
လိာ်လၢကန့ၢ်က့ၤကညီကီၢ်အဂီၢ်ဒီးဖဲတၢ်ထီဒါခိၣ်ချၢဘျီၣ်ဒိၣ်တၢ်ဃုထၢအခါလၢကညီတဖၣ်အဂီၢ်အ၀ဲတၢၤကွံာ်
အလီၢ်အလၤအတၢ်ဘၣ်ဘီၣ်ဘၣ်ညီလၢဒီကလုာ်အဂီၢ်ဟးထီၣ်ကွံာ်လၢကိတိာ်အလီၢ်ဖဲ(၁၉၄၇)နံၣ်လါအ့ြဖ့း(၄)
အနံၤန့ၣ်လီၤ. လၢခံအ၀ဲဟံးန့ၢ်မူဒါလၢဒီကလုာ်အဂီၢ်-
၁. စးထီၣ်ဖဲ၁၉၄၇နံၣ်လါအ့ြဖ့း(၁၇)သီဒ်ခ့ၣ်အဲၣ်ယူၣ်ကရၢခိၣ်တဂၤအသိး
၂. စးထီၣ်ဖဲ၁၉၄၇နံၣ်လါယူၤ(၄)သီဒ်ကီၢ်သူလ့ၤပဒိၣ်ကိတိာ်ခိၣ်ကျၢၢ်တဂၤအသိး
၃. စးထီၣ်ဖဲ၁၉၄၆နံၣ်လါစဲးပတ့ဘၢၣ်(၂၀)သီဒ်ကီၢ်သူလ့ၤသုးတၢ်ပၢတၢ်ြပးသုးခိၣ်ကျၢၢ်ကီၢ်ခိၣ်တ
ဂၤအသိး
ဒီးလၢခံဖဲ၁၉၅၀နံၣ်လါယူၤလံအပူၤဖၣ်ပူၣ်ခီကရဲး၀ံၤလၢတၢ်ကဒုးမူထီၣ်ဂဲၤထီၣ်က့ၤ(ခ့ၣ်အဲၣ်ယူၣ်ကရၢအဂီၢ်အ
၀ဲဟံးန့ၢ်မူဒါလၢကလဲၤလီၤကရၢကရိက့ၤတၢ်လၢမီၣ်လမၠဲၣ်တကပၤအခါအ၀ဲဒီးအသကိးတဖၣ်ဘၣ်တၢ်က၀ီၤ
အီၤလၢဒုၣ်ဒါဒီးတၢ်မၢအပာ်လီၤစုက၀ဲၤဒီးဒိးဖီၣ်အသးဘၣ်ဆၣ်အ၀ဲတဟ့ၣ်လီၤအသးဘၣ်ဒုးဆၢဒုၣ်ဒါဒူဒူဒီးဟ့ၣ်
လီၤအသးသမူလၢထံကီၢ်ဒီးအပှၤကလုာ်အဂီၢ်ဖဲ (၁၉၅၀)နံၣ်လါအီကူာ်(၁၂)သီဒ်ပှၤဒူပှၤဃိၤတဂၤအသိးန့ၣ်
လီၤ.
ပမ့ၢ်ကွၢ်က့ၤကီၢ်ခိၣ်စီၤဘးအူကံၠအတၢ်ဟ့ၣ်လီၤသးအံၤအ၀ဲမ့ၢ်ဒိးဖီၣ်အသးဒီးမ့ၢ်ပာ်လီၤတၢ်စုက၀ဲၤန့ၣ်တထံၣ်
ဘၣ်တၢ်ကီတၢ်ခဲဘၣ်ဒီးတၢ်သံတၢ်ပှၢ်စ့ၢ်ကိးဘၣ်,ဘၣ်ဆၣ်ဒီးသ့ၣ်ညါ၀ဲဒၣ်လီၤတံၢ်လၢတၢ်ကဖီၣ်ဃံးအီၤအက
လုာ်ကလုာ်ဒီးတၢ်ကသူက့ၤအီၤလၢတၢ်ကဒုးက့ၤကညီဒီကလုာ်အဃိအ၀ဲလၢအပှၤကလုာ်တၢ်ဘၣ်ဘျုးအ
ဂီၢ်န့ၣ်အ၀ဲဒၣ်ဟ့ၣ်လီၤကံွာ်အသးသမူန့ၣ်လီၤ.
တၢ်ပာ်ပနီၣ်စီၤဘးအူကၠံဒ်အမ့ၢ်ပှၤဒူပှၤဃိၤ(မၤထူရၤ)လၢကညီဒီကလုာ်အဂီၢ်ဒီးလၢအ၀ဲဟ့ၣ်လီၤအသးသမူ
အနံၣ်န့ၣ်တၢ်ပာ်ပနီၣ်ဒ်အမ့ၢ်ပှၤဒူပှၤဃိၤအမုၢ်နံၤဒီးတၢ်မၤလၤကပီၤအီၤတုၤမုၢ်မဆါတနံၤအံၤန့ၣ်လီၤ. ပှၤဒူ
ပှၤဃိၤအမုၢ်နံၤအံၤတမ့ၢ်ပမၤလၤကပီၤထဲကီၢ်ခိၣ်စီၤဘးအူကံၠဒီးသုးခိၣ်ကျၢၢ်စဲခ့ၣ်တဖၣ်ဘၣ်မ့ၢ်တၢ်သ့ၣ်နီၤမၤ
လၤကပီၤက့ၤကယဲၢ်မ့ၢ်ပပှၤကလုာ်ပှၤဒူပှၤဃိၤတဖၣ်လၢအဟ့ၣ်လီၤတ့ၢ်အသးသမူဂၢ်လီၤတ့ၢ်အသွံၣ်အစီၤ
ဟ့ၣ်လီၤတ့ၢ်လံအနီၢ်ခိက့ၢ်ဂီၤတဖၣ်လၢထံကီၢ်ဒီးပှၤကလုာ်အဂီၢ်တဖၣ်န့ၣ်လီၤ့မုၢ်တနံၤအံၤမ့ၢ်တၢ်သးအုးအ
မုၢ်နံၤအံၤလၢတၢ်ထုးထီၣ်နီၣ်တယၢ်တုၤတၢၣ်တ၀ာ်ဒီးတၢ်ပာ်ဖျါထီၣ်တၢ်သးအုးအပနီၣ်ဒီးပသ့ၣ်နီၣ်မၤလၤက
ပီၤက့ၤပပှၤကလုာ်ပှၤဒူပှၤဃိၤတဖၣ်န့ၣ်လီၤ.
ဖံဖံအဲမၣ်
တၢ်ကွဲးဘၣ်ဃး.... လုၢ်လၢ်ထူသနူ, ကလုာ်ဂ့ၢ်ဝီ, ထံရူၢ်ကီၢ်သဲး, ဒုးယၤဂ့ၢ်ဝီ ဒီးတၢ်စံၣ်စိၤတဲစိၤတဖၣ်လီၤ...
ဖးတၢ်ကွဲးအသီခီဖျိအံမ့
ကညီဒီကလုာ်နီၢ်တယၢ်
Ayar Font
ပယီၤလံာ်နံၣ်လံာ်လါ
ယေန့သည် ြဖစ်သည်။
တၢ်ကွဲးခိၣ်တီတဖၣ်
- ကညီကျိာ်သနူ ( )
- ကညီကၠိဖိပှာ်ဘျးစဲကရူၢ် ( )
- ကညီတၢ်ကတိၤဒိတဖၣ် ( )
- ကညီတၢ်စံၣ်ဃဲၤတဲဃဲၤတဖၣ် ( )
- ကညီတၢ်စံၣ်စိၤတဲစိၤ ( )
- ကညီတၢ်ဒုၣ်တၢ်ထုဒီးတၢ်စူၢ်တၢ်နာ် ( )
- ကညီတၢ်ပှိၤပှံပှိၤပှီၢ်တဖၣ် ( )
- ကညီတၢ်ပၢၢ်ဆၢတၢ်စံၣ်စိၤတဲစိၤ ( )
- ကညီဒီကလုာ်ခိၣ်နၢ်သးသမူဂ့ၢ်ကျိၤ ( )
- ကညီဒီကလုာ်တၢ်သး၀ံၣ် ( )
- ကညီဒီကလုာ်မုၢ်နံၤလီၤဆီတဖၣ် ( )
- ကညီဖိဒီးကျိာ်လံာ်လဲၢ် ( )
- ကညီဖိဒီးတၢ်ဘူၢ်တၢ်ဘါ ( )
- ကီၢ်ပယီၤတၢ်စံၣ်စိၤတဲစိၤ ( )
- ခ့ၣ်အဲၣ်ယူၣ်ကတိၤတၢ်မုာ်တၢ်ခုၣ် ( )
- ဂံၢ်ခီၣ်ထံးသဲစးတၢ်ဘျၢခိၣ်သ့ၣ် ( )
- စီၤအီၣ်လးတၢ်ကွဲးတဖၣ် ( )
- တၢ်ကတိၤလုၢ်ဒိၣ်ပှ့ၤဒိၣ်တဖၣ် ( )
- တၢ်ကွဲးထီရီၤတဖၣ် ( )
- တၢ်ကွဲးအကလုာ်ကလုာ် ( )
- တၢ်ဂီၤမူ ( )
- တၢ်ဂီၤသံ ( )
- တၢ်ဃုထံၣ်သ့ၣ်ညါ ( )
- တၢ်ထံၣ်တၢ်ကွဲး ( )
- တၢ်ထံၣ်လိာ်သံကွၢ်သနၢၣ် ( )
- တၢ်ပဲာ်ထံနီၤဖးသနၢၣ် ( )
- ထူသနူလုၢ်လၢ်ဆဲးလၤ ( )
- ထံၣ်သၣ်ပၠၣ်တၢ်ကွဲးတဖၣ် ( )
- ဒုးယၤဂ့ၢ်ဝီ ( )
- ဒဲကဝီၤတၢ်စံၣ်စိၤတဲစိၤ ( )
- နံၤကမှံသနၢၣ် ( )
- ပိာ်မုၣ်ပိာ်မၢၤသနၢၣ် ( )
- ဘလီးအမုၢ်နံၤ ( )
- မုၢ်ယဲၤဖဲတၢ်စံၣ်စိၤတဲစိၤ ( )
- လံာ်ကွဲမုာ် ( )
- လံာ်ဃံၤဃာ် ( )
- လံာ်ဘိးဘၣ်ရၤလီၤသနၢၣ် ( )
- လံာ်လဲၢ်တဖၣ် ( )
- လံာ်သံးစီရူး ( )
- လံာ်ဟ့ၣ်ယုၢ်သနၢၣ် ( )
- လုၣ်ဖိထါဖိသနၢၣ် ( )
- သူၣ်ဘီၣ်သးစၢ်သနၢၣ် ( )
- အဲကလံးကညီစှီၤလံာ်ခီယ့ၤ ( )
နီၢ်ဂံၢ်ရဲၣ်တဖၣ်
နုာ်လီၤကဲကရၢဖိ
တမှံၤထံကီၢ်တဖၣ်
ပှၤဟဲကွၢ်ခဲလၢာ်
