​ဖံ​ဖံ​အဲ​မၣ်

သုးမုၢ်ဒိၣ်အမုၢ်နံၤ(၁၉၅၆နံၣ်လါယူၤလံ(၅)သီ)
သုးမုၢ်ဒိၣ်မ့ၢ်ပှၤစိာ်စုက၀ဲၤတဖုလၢအမၤတၢ်ဒီတဒၢထံကီၢ်ပှၤကလုာ်တဖၣ်န့ၣ်လီၤ.ဖဲတၢ်ပၢၢ်ဆၢတၢ်ဒုးစးထီၣ်
သီအခါပှၤစိာ်စုက၀ဲၤလၢကဒီသဒၢက့ၤကညီကလုာ်ဒီတကလုာ်အဂီၢ်အိၣ်၀ဲအါဖုဒ်အမ့ၢ်(၁(KNDO)ဒီးကညီ
စိာ်စုက၀ဲၤသုးကျိၤကလုာ်ကလုာ်ဒီးလၢဖဲ(၁၉၄၉)နံ့ၣ်လါယူၤ(၁၄)သီအခါကညီသုးပၢၤကီၢ်ကညီစိာ်စုက၀ဲၤ
လၢအဘၣ်ဃးဒီးသုး၀ဲၤကျိၤအကလုာ်တဖၣ်ခဲလၢာ်ခဲဆ့န့ၣ်တၢ်ဒုးကဲထီၣ်က့ၤအီၤလၢကီၢ်သူလ့ၤသုးမုၢ်ဒိၣ်ဒီး
ကီၢ်သူလ့ၤသုးခိၣ်ကျၢၢ်မ့ၢ်၀ဲသုးခိၣ်ကျၢၢ်မ့မီၣ်န့ၣ်လီၤ. 

ဖဲတၢ်ဒုးအိၣ်ထီၣ်ခ့ၣ်အဲၣ်ဒံၣ်အိၣ်လၢ၁၉၄၇နံၣ်အခါတၢ်နီၤလီၤသုးဟီၣ်က၀ီၤတဖၣ်လၢသုးဟီၣ်က၀ီၤတခါကမ့ၢ်
သုးက့တခါအသိးမုၢ်ထီၣ်အံၤသုးက့အိၣ်(၁)ကရ့ၣ်နံၣ်သုးက့(၂)​ တီအူသုးက့(၃)ချၢၣ်လွံၢ်ထူၣ်သုးက့(၄)သထူၣ်
သုးက့(၅)မီၣ်လမဲၠၣ်သုးက့တဖၣ်န့ၣ်လီၤ.မ့မ့ၢ်လၢထံထၣ်စွ့တခီဖဲ၁၉၄၉နံၣ်လါယူၤအလၢာ်ဃၣ်ဃၣ်တၢ်ဒုးအိၣ်
ထီၣ်ထံထၣ်စွ့သုးြတိၤဒီးတၢ်ဆီလီၤသုးက့တဖၣ်လၢအမ့ၢ်ထံထၣ်စွ့သုးက့

(၁) ညီၣ်တူ,ဒနူးဖၠူၣ်,ပါတနီၣ်
(၂) ပသံၣ်မၠီမၠးကီၢ်ရ့ၣ်
(၃) ဟၣ်သၣ်၀တံၣ်,မအူပ့ၣ်ကလံၤထံး
(၄) ဟီကတး,သၣ်ယၣ်၀တံၣ်ကီၢ်ရ့ၣ်ဒီးဖဲ၁၉၄၉နံၣ်ကလၢာ်တၢ်ဒုးအိၣ်ထီၣ်ထံထၣ်စွ့သုးက့
(၅) ဖၠၣ်ပူၣ်ကီၢ်ရ့ၣ်
(၆) ပကိရိမး
(၇) ထံထၣ်စွ့တၢ်ခၢၣ်သးတဖၣ်အပူၤန့ၣ်လီၤ.

ဖဲ၁၉၅၁နံၣ်လါနိၣ်၀့ဘၢၤဖဲခ့ၣ်ကၠံၣ်ဘံၣ်တၢ်အိၣ်ဖှိၣ်ခံဘျီအပူၤတၢ်ဆီလီၤက့ၤမုၢ်ထီၣ်သုးြတိၤ(၂)ြတိၤ,သုးြတိၤ
(၁)ခိၣ်မ့ၢ်၀ဲဘးလးခ့ၣ်ဒီးသုးြတိၤ(၂)ခိၣ်မ့ၢ်၀ဲသုးခိၣ်တၢ်ကပီၤန့ၣ်လီၤ. မ့မ့ၢ်လၢထံထၣ်စွ့သုးြတိၤ(၂)ြတိၤလီၤ. သုးြတိၤ(၁)ခိၣ်မ့ၢ်၀ဲသုးခိၣ်ကီၢ်ထူဒီးသုးြတိၤ(၂)ခိၣ်မ့ၢ်၀ဲဘိၣ်ပူးတဖၣ်န့ၣ်လီၤ.

ဖဲ၁၉၅၆နံၣ်တၢ်ပၢၢ်ဆၢအကျဲ(၂)ဘိတဘိအခါသုးတဖၣ်တၢ်ပာ်ပနီၣ်အီၤ(၃)ကလုာ်လၢအမ့ၢ်
၁. သုးမုၢ်ထီဘိ(KPLA)
၂. သုးမုၢ်တပျီၤ(KPGF)
၃. ဂၢၤသးသုးမုၢ်(KNDO) တဖၣ်န့ၣ်လီၤ.

ဖဲ၁၉၅၆နံၣ်ဒီကလုာ်ခီကရဲးတၢ်မၤအီၤဖဲမီကိၢ်(ဆီထံးကီၢ်ဆၣ်)ဖဲလါယူၤ(၂၆)သီန့ၣ်တၢ်ပာ်ဂၢၢ်ပာ်ကျၢၤတၢ်ဒုး
အကျဲကပူၤပၣ်ဃုာ်ဒီးကီၢ်သူလ့ၤသုးမုၢ်တၢ်ကရၢကရိ(စစ်ေရးလမ်းစှ့်နှင့်တပ်မေတ၁်ဖွဲ့စည်းပုံ)ဒီးမုၢ်တနံၤလၢ
တၢ်ပာ်ဂၢၢ်ပာ်ကျၢၤတၢ်ဒုးသုးအကျဲကပူၤဒီးသုးမုၢ်ဒိၣ်အတၢ်ကရၢကရိလါယူၤလံ(၅)သီအနံၤအံၤဘၣ်တၢ်တူၢ်
လိာ်အီၤဒ်အမ့ၢ်ကီၢ်သူလ့ၤသုးမုၢ်ဒိၣ်အမုၢ်နံၤဒီးဘၣ်တၢ်ပာ်ကဲမၤလၤကပီၤအီၤတုၤမုၢ်မဆါတနံၤအံၤန့ၣ်လီၤ.