လါအီကူာ် ၁၂ သီ မ့ၢ်ကညီမၤထူရၤမုၢ်နံၤလၢ တြကၢးပသးပ့ၤနီၣ်အီၤဘၣ်

ပှၤတီၣ်ထီၣ်တၢ်ကွဲး : သူလ့ၤမဲာ်ထံ

ဆူယပှၤကလုာ်လၢ ဟီၣ်ခိၣ်ဒီဖျၢၣ်ညါ လါအီကူာ် (၁၂) သီ မ့ၢ်ကညီဒီကလုာ်ပှၤဒူပှၤဃိၤအမုၢ်နံၤ‚ မ့ၢ်မုၢ်နံၤလီၤသအုးသပှီၤ‚ မ့ၢ်မုၢ်နံၤတနံၤလဲၤဒီးမဲာ်ထံမဲာ်နိ‚ ခီဖျိ ခိၣ်နၢ်အါဂၤ ဒီးသိၣ်ဒူစိအါမး ဘၣ်လုၢ်ထီၣ်ကွံာ်အသးသမူလၢ တအိၣ်ဒီးတၢ်မၤန့ၢ်ကျိၣ်စ့‚ ဘူးလဲဘၣ်န့ၣ်လီၤ. ဘၣ်ဆၣ်အ၀ဲသ့ၣ်တမ့ၢ်ပှၤအဲၣ်လီၤအသး‚ အဲၣ်ဒိးအိၣ်ဘီၣ်အိၣ်ညီ‚ ကွၢ်တၢ်လၢနီၢ်ကစၢ်အဂီၢ်ဘၣ်.မ့မ့ၢ်အ၀ဲမ့ၢ် ပှၤသ့ၣ်တဖၣ်လၢ‚ တအဲၣ်ဒိးထံၣ် ဘၣ်အပှၤကလုာ် တဖၣ်ဘၣ်တၢ်မၤအၢမၤနး‚ ဘၣ်တၢ်မၤတရီတပါ‚ မူၤဆူၣ်ကဲကုၢ်အီၤဘၣ်.. အ၀ဲသ့ၣ်မ့ၢ်ပှၤလၢ‚ အဲၣ်အပှၤကလုာ်‚ ဆၢလၢပှၤကလုာ် ကအိၣ်ဒီးတၢ်သဘ့ျ‚ ပှၤကလုာ်တၢ်ပၢလီၤသးဒၣ်၀ဲ‚ ခိးြတီကွံာ် ဒုၣ်ဒါတၢ်မၤအၢမၤနးပှၤ (ပပှၤကလုာ်) တုၤဒၣ်လဲာ် ဘၣ်ဟ့ၣ်လီၤ က့ၢ်ဂီၤလၢအဃံလၤ‚ ဒီး သးသမူလၢအလုၢ်ဒိၣ်ပှ့ၤဒိၣ်န့ၣ်လီၤ. နၤယၤကိးဂၤမ့ၢ်အိၣ်ဘၣ်မုာ်ခုၣ်‚ သူၣ်ဖှံသးညီ‚ အီၣ်ဘၣ်ကူကူ လၢလၢဘၣ်ဆၣ် သါပ့ၤနီၣ််ကွံာ် ပပှၤကလုာ်အတၢ်တူၢ်ဘၣ်ခီၣ်ဘၣ််အၢအၢသီသီ ဖီှၣ်ဖှီၣ််နးနး ဒီး တၢ်မဲာ်ထံမဲာ်နိ တဂ့ၤ. ပမ့ၢ်အိၣ်နာ်သက့လၢ ထံလီၢ်ကီၢ်ပူၤမ့ၢ်ဂ့ၤ‚ ကီၢ်ဆၢမ့ၢ်ဂ့ၤ‚ ကီၢ်ချၢမ့ၢ်ဂ့ၤ‚လၢတၢ်လီၢ်တပူၤဂ့ၤတပူၤဂ့ၤ, သ့ၣ်နီၣ်က့ၤသးသမူ ဒီး က့ၢ်ဂီၤဃံလၤလၢအဘၣ်လုၢ်ထီၣ်တ့ၢ် အသးလၢ ပဃိတက့ၢ်.

http://www.karenfamily.org/profiles/blogs/4941369:BlogPost:143781?xg_source=activity