​ဖံ​ဖံ​အဲ​မၣ်

တၢ် စံး ၀ဲ ဒၣ် လၢ ညါ န့ၢ် သ ၀ီ ဖိ အိၣ် ၀ဲ ဒၣ် တ ဖျၢၣ် , မ့ၢ် သ ၀ီ လၢ အဃံ လၤ ၀ဲ ပှဲၤ ဒီး န့ ဆၢၣ် တၢ် မဲ တၢ် မါ ဒီး အ တၢ် အိၣ် ယၢၤ သ့ၣ် တ ဖၣ် န့ၣ် လီၤ.

လၢ သ ၀ီ တ ဖျၢၣ် အံၤ အ ပူၤ အိၣ် စ့ၢ် ကီး ဒီး အ သ ၀ီ သး ပှၢ် ဒ် သိိး အ က ရၢ က ရိ ဒီး ဟံး စု နဲၣ် ကျဲ အ ဖိ အ လံၤ အိၣ် စ့ၢ် ကီး လီၤ.တၢ် စံး ၀ဲ လၢ သ ၀ီ တ ဖျၢၣ် အံၤ မ့ၢ် သ ၀ီ လၢ အ မၤ က လုၢ် အီၣ် က စု စ့ၢ် ကီး န့ၣ် လီၤ. ဒီး မၢ် စ့ၢ် ကီး ပှၤ လၢ အ ကွဲး တ သ့ ဖး တ သ့ ဘၣ် န့ၣ် လီၤ.လၢ တၢ် န့ၣ် အ ဃိ အ ၀ဲ သ့ၣ် တ ဖၣ် ဘၣ် ဖဲး အီၣ် ခုး မၤ အီၣ် ဒၣ် စံၢ် ဧိၤ ပှဲၤ ဧိၤ န့ၣ် လီၤ.မၤ သ ကိး ၀ဲ ဒီး လဲၤ သ ကိး ၀ဲ ပှဲၤ ၀ဲ မး ဒီး တၢ် သူၣ် ဖှံ သး ညီ ဒီး ဖျါ လီၤ ဂာ်မး လၢ တၢ် ဃူ တၢ် ဖိး ဒီး တၢ် မုၢ် တၢ် ခုၣ် အ လီၢ် ခိၣ် သ့ၣ် မး တ တီၤ လၢ ဟီၣ် ခိၣ် ချၢ န့ၣ် လီၤ.

ဖဲ အါ နံၣ် အါ လါ ပူၤ ကွံၢ် အ ဆၢ က တီၢ် , တၢ် စံး ၀ဲ ဒၣ် လၢ ပှၤ လၢ တ ခီ ထံ တ ခီ ကီၢ် ဟဲ ဘၣ် သ ဃိာ် ဒီး အ ၀ဲ သ့ၣ် ဒီး ကွၢ် ထံ ၀ဲ ပှၤ သ ၀ီ တ ဖျၢၣ် အံၤ တၢ် အိၣ် သး ဒီး ဘၣ် သူၣ် ဘၣ် ၀ဲ ဒိၣ် မး န့ၣ် လီၤ.အ ၀ဲ သ့ၣ် ကွၢ် ၀ဲ ပှၤ သ ၀ီ တ ဖျၢၣ် အံၤ အ တၢ် အိၣ် သး ကွၢ် ကွၢ် ဒီး လၢ အ ကျါ ထံၣ် ၀ဲ အ တၢ် ဂံၢ် စၢ် လၢ အ ဒိၣ် အ မုၢ် အိၣ် ၀ဲ တ ခါ လီၤ.

ၱ တၢ် တ ခါ န့ၣ် မ့ၢ် မ တ့ၤ လဲၣ်. မ့ၢ် ၀ဲ ဒၣ် အ ကွဲး တ သ့ ဖး တ ဘၣ် န့ၢ် လီၤ.ဖဲ အ ၀ဲ သ့ၣ် ထံၣ် ၀ဲ ဒၣ် တၢ် ဂံၢ် ဒိၣ် ဒိၣ် မုၢ် မုၣ် တ ခါ အံၤ အ ခါ , လၢ အ သး ပူၤ ဟဲ ပၢၢ် ထီၣ် ၀ဲ သ တူၢ် က လာ် လၢ အ က လံၣ် အီ လံၣ် အီ ၀ဲ ဒၣ် သ ၀ီ ပု အံၤ အ မဲာ် ညါ က ကျဲး စၢၤ မၤ လီၤ မုၢ် လီၤ ဖး သ ၀ီ တ ဖျၢၣ် အံၤ န့ၣ် လီၤ.လၢ တၢ် န့ၣ် အ ဃိ အ ၀ဲ သ့ၢ် ကူၣ် ထီၣ် ဖး လီၤ ၀ဲ တ ကူၣ် သ့ၣ် န့ၢ် ဒီး ထံၣ် ၀ဲ လၢ ကျဲ လၢ အ ဂ့ၤ က တၢ် , က သူ က့ၤ ၀ဲ ပှၤ သ ၀ီ ဖိ သ့ၣ် တ ဖၣ် ဒံး သိး ကုၢ် ပှၤ အ သိး န့ၣ် လီၤ.

ဒီး ဒံး ပှၤ တ ခီ ထံ တ ခီ ကီၢ် တ ဖု အံၤ ကူၣ် ထီၣ် ဖး လီၤ ၀ဲ ဒၣ် အ သိး အ ၀ဲ သ့ၣ် ကျဲး စၢၤ ၀ဲ ဒၣ် ဒီး အ တၢ် မၤ အံၤ ကဲ ထီၣ် လိၣ် ထီၣ် ၀ဲ ဒၣ် တ စါ လီၤ.တုၤ လၢ ပှၤ တ ဒူၣ် အံၤ ဒုး လီၤ နၢ် လီၤ ဖး , ဒုး မၢ ကဲ ကုၣ် ၀ဲ ဒၣ် ပှၤ သ ၀ီ တ ဖျၢၣ် အံၤ အ ခါ , အ ကျါ ဟ့ၣ် စ့ၢ် ကီး ၀ဲ ကျိၣ် စ့ ဒ် သိး အ တၢ် ကုၢ် လိာ် က့ၤ အ သး တ မုာ် လၢၤ တ ဂ့ၤ အ ဂီၢ် လီၤ.

ဖဲ တၢ် မၤ အ သး ဒံး အံၤ တ ဘျီ ပှၤ သူၣ် က့ သး ပှၢ် ဒီး သ ၀ီ ခိၣ် နၢ်တ ဖၣ် ဆိ က မိၣ် ၀ဲ တ ဘၣ် လၢၤ ဘၣ် , ဘၣ် ဆၣ် ဒီး ဃိ ထံ စီၤ ကွၢ် က့ၤ အ တၢ် အိၣ် မူ လီၤ တံၢ် လီၤ ဆဲး ဒီး ထံၣ် က့ၤ ၀ဲ လၢ ပ ၀ဲ သ့ၣ် တ ဖၣ် အံၤ ပ တ သ့ လံာ် သ့ လဲၢ် ဘၣ် ဒီး ပှၤ သ့ၣ် တ ဖၣ် အံၤ လံၣ် န့ၢ် လီ န့ၢ် ပှၤ သ့ ညီ က ဒၣ် န့ၣ် လီၤ.

တုၤ န့ၢ် တ ဘျီ ပှၤ သူၣ် က့ သး ပှၢ် အံၤ ဖဲ အ သ့ၣ် ညါ တၢ် မၤ အ သး ဒ် အံၤ အ ဃိ အ ၀ဲ သ့ၣ် တ ဖၣ် ကျဲး စၢၤ ဃု ကျဲ ဃု က ပိၤ ဒ် သိး က ဒိး န့ၢ် က့ၤ ပှၤ ဟီၣ် ခိၣ် ဖိ ခွဲး ယာ် ဒီး အါ န့ၣ် အ န့ၣ် က ဒုး အိၣ် ထီၣ် က့ၤ ပှၤ လၢ ခံ တ စိၤ လီၤ ဒီ ဒၣ် တၢ် ဖိ သၣ် အ ခွဲး ယာ် က အိၣ် ထီၢ် အ ဂီၢ် န့ၣ် လီၤ.ပ က စံး လၢ အ ဖုၣ် လၢ ခံ န့ၢ် မၤ သး ပှၢ် အံၤ ထံၣ် န့ၢ် ၀ဲ လၢ ပှၤ အ ဂၤ တ ဒူၣ် ဟဲ စ့ၢ် ကီး လၢ အ အိၣ် တၢ် ဆိး တၢ် အ လီၢ် ၀ဲ အံၤ ဒီး တၢ် စံး ၀ဲ လၢ ပှၤ တ ဒူၣ် အံၤ လီၤ ဆီ န့ၢ် ဒံး ပှၤ လၢ ညါ တ ဒူၣ် ဃီ လၢ အ မၢ ကဲ ကုၣ် အ ၀ဲ သ့ၣ် , ဒီး လၢ အ သး ပူၤ န့ၣ် ဟဲ ထီၣ် ၀ဲ ဒီး အ သး န့ၣ် ထူ ပၢၢ် ထီၣ် ၀ဲ ဒၣ် လၢ ပှၤ တ ဒူၣ် အံၤ ယ မ့ၢ် အဲၣ် ဒိး က့ၤ တၢ် မၤ စၢၤ သ့ ၀ဲ လီၤ.စီ ဖါ လၢ အ ဖျါ လီၤ ဂာ်လၢ အ အိၣ် ဒီး အ တၢ် ကူၣ် ဘၣ် ကူၣ် သ့ လၢ ပဲှၤ မး ဒီး မ့ၢ် စ့ၢ် ကီး ပှၤ လၢ အ ကူၣ် ဘၣ် ကူၣ် သ့ မး တံ ဒူၣ် တ ထၢ လီၤ.

တၢ် စံး စ့ၢ် ကီး ၀ဲ ဒၣ် လၢ သ ၀ီ သး ပှၢ် လၢ အ ဘၣ် တၢ် မၢ ကဲ ကူၣ် အီၤ သ့ၢ် တ ဖၣ် အံၤ ဖဲ အ ၀ံ သ့ၣ် ထံၣ် ၀ဲ ပှၤ တ ဒူၣ် အံၤ က မၢ် ပှၤ လၢ အ မၤ စၢၤ အီၤ သ့ ၀ၢ ဒီး , ဖဲ အ ချုး ဒီး အိၣ် ဒီး တၢ် ဆၢ က တီၢ် အ ခါ အ ၀ဲ ကိး ဖှိၣ် လိာ် သး ဖဲ ထဲ အ သူၣ် က့ သး ပှၢ် သ့ၣ် တ ဖၣ် , ဖဲ အ န့ၢ် တ ကွဲ သး န့ၢ် လီၤ.၀ံၤ ဒီး အ ၀ဲ သ့ၣ် လဲၤ ဟး အိၣ် သ ကိး ဟး အိၣ် သ ကိး ၀ဲ ဒၣ် ပှၤတ ဒူၣ် တ က ရၢ အံၤ လီၤ.

ဒီး ဘၣ် ဖဲ မုၢ် တ နၤ ဒီး တ ဟါ န့ၢ် ဖဲ တၢ် ဆၢ က တီၢ် ဂ့ၤ မး လၢ အ ဂီၢ် လၢ က ပိာ် သ ကိး တဲ သ ကိး တၢ် ဒီး ပှၤ တ ဒူၣ် အံၤ အ ခါ အ ၀ဲ သ့ၣ် လၢ အ ကျါ တ ဂၤ လၢ အ မ့ၢ် ပှၤ လၢ အ သး ပှၢ် ဒိၣ် က တၢၢ် ဒီး မ့ၢ် စ့ၢ် ကီး လၢ ညါ သ ၀ီ သး ပှၢ် အ ခိၣ် အ နၢ် တ ဂၤ တဲ ထီၣ် ၀ဲ ဒၣ် တၢ် က တိၤ လၢ အ အိၣ် ဒီး အ လုၢ် အ ပှ့ၤ အါ န့ၢ် အ န့ၢ် မုာ် လၢ ပ နၢ် ဒီး ဆၢ လၢ ပ သး တ ထံၣ် လၢ အ မ့ၢ် ၀ဲ “သ ရၣ် ဧၢ - က ဃ့ ၀ံ သး စူၤ နၤ လၢ န က သါ က ညီၤ ပှၤ ဒီး ၀ံ သး စူၤ ဒုး အိၣ် ထီၣ် န့ၢ် ပှၤ ပ လံာ် ပ လဲၢ် ပ ကျိာ် ပ ကျာ် မ့ၢ် က သ့ ဧါ ” ဒီး ပှၤ သး ပှၢ် တ ဒူၣ် အံၤ စံး ဆၢ အီၤ ပ တ မ့ၢ် တ ဒူၣ် ဃီ တ ထၢဃီ ဘၣ် အ ဃိ အ ၀ဲ သ့ၣ်တ ဖၣ် အ မၢ ကဲ ကုၢ် ပှၤ , မၤ လီၤ မုၢ် လီၤဖး ပှၤ ဒိၣ် မး လီၤ. တၢ် ဂံၢ် စံး ဘါ စၢ် လၢ အ ဒိၣ် အ တၢ် တ မံၤ လၢ အ အိၣ် ဒီး ပှၤ န့ၢ် , ခီ ဖျိ လၢ ပ တ သ့ လံာ် သ့ လဲၢ် , ပ တ အိၣ် ဒီး ပ လံာ် ပ လဲၢ် ပ ကျိၢ် ပ ကျာ် ဘၣ် အ ဃိ န့ၢ် လီၤ.လၢ တၢ် န့ၣ် အ ဃိ , ပ ဆိ က မိၣ် လၢ ပ မ့ၢ် အိၣ် က့ၤ ဒီး ပ ကျိာ် ပ ကျာ် ဒီး ပ လံၢ် ပ လဲၢ် ဒု , ပ နာ် က့ၤ လၢ ပ က ဒိး နၢ် ဘၣ် က့ၤ ဟီၣ် ခိၣ် ဖိ အ ခွဲး အ ယာ် လၢ အ တုၤ သိး ထဲ သိး အါ နၢ် အ နၢ် က မ့ၢ် စ့ၢ် ကီး ကျဲ အ ဂ့ၤ က တၢ် တ ဘိ လၢ ပှၤ လၢ ခံ တ စိၤ ( ပှၤ ဖိ သၣ် ) အ ခွဲး အ ယာ် က အိၣ် ထီၣ် က့ၤ အ ဂီၢ် န့ၢ် လီၤ.လၢ တၢ် န့ၢ် အ ဃိ ပ လိၣ် ဘၣ် န တၢ် မၤ ဆၢၤ သ ပှၢ် က တၢၢ် လၢ န က ဒုး အိၣ် ထီၣ် က့ၤ န့ၢ် ပှၤ ပ လံာ် ပ လဲၢ် ပ ကျိၢ် ပ ကျာ် ဒ် သိး ပ က ပၢ် ကၢ် ပါ် ကျၢၤ အီၤ ဒီး က မ့ၢ် စ့ၢ် ကီး တၢ် တ ခါ လၢ အ က စိာ် က ဖီ ထီၣ် က့ၤ ပ ပှၤ က လုာ် န့ၣ် လီၤ.

ပ က စံး လၢ အ ဖုၣ်, ထဲ န့ၢ် တ ဘျီ ပှၤ တ ဒူၣ် အံၤ ဒုး အိၣ် ထီၣ် က့ၤ န့ၢ် ပှၤ ဒူ ဖိ သ ၀ီ ဖိ လၢ အ ကဲ ကုၢ် ကဲ ပှၤ လၢ ပှၤ လၢ အ ဘၣ် တၢ် မၤ အၢ မၤ နး အီၤ အ စု ဒုၢ် တီၤ အ ဖီ လာ် န့ၢ် လီၤ.

တုၤ မ့ၢ် ပှၤ တ ဒူၢ် အံၤ ( ဒူ ဖိ သ ၀ီ ဖိ ) အိၣ် က့ၤ ဒီး အ ကျိာ် အ ကျာ် ဒီး အ လံာ် အ လဲၢ် လၢ ပှၤ ကူၣ် ဘၣ် ကူၣ် သ့ တ ဖု အံၤ ထုး ထီၣ် န့ၢ် အီၤ တ ဘျီ , ဒံး ပှၤ သး ပှၢ် လၢ အ စံး တ့ၢ် ၀ဲ , က အိၣ် က့ၤ ဒီး ဟီၣ် ခိၣ် ဖိ အ ခွဲး အ ယာ် လၢ အ တုၤ သိး ထဲ သိး , အါ န့ၢ် အ န့ၢ် က ဒုး အိၣ် ထီၣ် က့ၤ ပှၤ လၢ ခံ တ စိၤ ( ပှၤ ဖိ သၣ် ) အ ခွဲး အ ယာ် အ သိး န့ၢ် ဒီး တၢ် ခဲ လၢၢ် ကဲ ထီၣ်၀ဲ အ နီၢ် ကီၢ် စၢ် ဒီး ထံၣ် က့ၤ ၀ဲ အ မိၢ် လံၤ မိၢ် ပှၢ် န့ၣ်လီၤ.

ဖဲ လၢ ပှၤ တ ဒူၣ် အံၤ အိၣ် က့ၤ ဒီး အ က စၢ် ကျိာ် အ ကျာ်, အ လံာ် အ လဲၢ် အ ခါ ပှၤ တ ဒူၣ် အံၤ မဲာ် က ပီၤ ထီၣ် က့ၤ လီၤ ဂာ်ဒ် သိး ဒီး ,ပ အိၣ် လၢ တၢ် ခံ ကျါ ဒီး ထံၣ် က့ၤ မုၢ် ဟဲ ထီၣ် ဒီး ပ သူၣ် ခု ဒိး မး န့ၢ် လီၤ.

ဖဲ န့ၢ် တ ဘျီ ပှၤ တ ဒူၣ် အံၤ တ တူၢ် ခီၣ် ဒီး ကဲ ကုၢ် ကၤ လၢ ပှၤ လၢ အ မၢ ကဲ ကုၢ် အီၤ တ ဒူၣ် အံၤ အ ဖီ လာ် လၢၤ ဘၣ်. အါ န့ၢ် အ န့ၣ် ပှၤ မၤ အီၤ မ့ၢ် တ ဘၣ် ဘၣ် ဒီး ထီ ဒါ ၀ဲ တ ဘျီ ဃီ ခီ ဖျိ လၢ အ သ့ၣ် ညါ ၀ဲ လၢ ဒံး န အိၣ် ဒီး န ခွဲး န ယာ် အ သိး ပ ၀ဲ စ့ၢ် ကီး ပ အိၣ် ဒီး ပ ခွဲး ပ ယာ် စ့ၢ် ကီး န့ၣ် လီၤ.

တုၤ န့ၣ် တ ဘျီ ပှၤ လၢ အ မၢ ကဲ ကုၣ် အီၤ တ ဒူၣ် အံၤ မၤ ဘူး က့ၤ အီၤ တ ဘူၣ် လၢၤ ဘၣ် ဒီး က ဘၣ် ပျၢ် စု ပျၢ် ခီၣ် က့ၤ ၀ဲ ဒၣ် န့ၣ် လီၤ.ဖဲ န့ၣ် မ ဘျီ ပှၤ တ ဒူၣ် အံၤ သူၢ် ခု သး ခု ဒီး စံး ဘျုး က့ၤပှၤ ကူၣ် ဘၣ် ကူၣ် သ့ တ ဖု လၢ အ ထုး ထီၣ် န့ၣ် ၀ဲ အ ကျိၢ် အ လံာ် လဲၢ် အ ဃိ န့ၣ် လီၤ.

တၢ် စံး ၀ဲ ဒၣ် လၢ ဖဲ အ ဒိး န့ၣ် ဘၣ် အ လံာ် အ လဲၢ် ဒီး က တဲာ် က တီၤ က့ၤ ၀ဲ , အါ န့ၣ် အ န့ၢ် သၣ် ညါ က့ၤ အ ခွဲး အ ယာ် လၢ အ အိၣ် ဒီး အီၤ ဒီး ခီၣ် ဆၢ က့ၤ ပှၤ လၢ အ မၢ ကဲ ကုၣ် အီၤ တ ဖု အံၤ ဒီး ထူၢ် ဖျဲး ထီၣ် က့ၤ လၢ ကုၢ် အ လီၢ် ဒီး အိၣ် ဘၢ် က့ၤ သ ဘျ့ အါ နၢ် အ န့ၢ် အိၣ် က့ၤ ဒီး နီၢ် က စၢ် တၢ် ပၢ လီၤ သး အ ခွဲး အ ယာ် န့ၣ် လီၤ.

ခီ ဖျိ လၢ အ အိၣ် က့ၤ လၢ တၢ် သ ဘျ့ အ ပူၤ အ က စၢ် ပၢ လီၤ ဒၣ် အ သး သ့ ဒီး ဒိၣ် ထီၣ် လဲၢ် ထီၣ် ၀ဲကွ့ၢ် ကွ့ၢ် ဒီး ဒုး အိၣ် ထီၣ် က့ၤ ပှၤ ဂ့ၣ် ၀ီ ခွဲး ယာ် , ဟီၣ် ခိၣ် ဖိ ခွဲး ယာ် ဒီး ဖိ သၣ် ခွဲး ယာ် ဒီး မၤ လိ က့ၤ ၀ဲ ဒံး သိး အ သု တၢ် တ ဘၣ် လံၣ် အီၣ် အီၤ ခံ ဘျီ တ ဘျီ လၢၤ တ ဂ့ၤ အ ဂီၢ် န့ၣ် လီၤ.ဒီး အိၣ် က့ၤ ဘၣ် က့ၤ ၀ဲ မုာ် မုာ် ခုၣ် ခုၣ် ဒံး အ သ ၀ီ ခီ ထံၣ် အ သိိး န့ၣ် လီၤ.တ ဘျီ အံၤ အိၣ် ဘၣ် က့ၤ ၀ဲမုာ် န့ၣ် အ လီၢ် ခီ ဖျိ လၢ အ အိၣ် က့ၤ ဒီးဒုး ဒိၣ် ထီၣ် လဲၢ် ထီ က့ၤ အ ဒူ အ သ ၀ီ ဒီး အ ထံ အ ကီၢ် န့ၣ် လီၤ.

 http://www.ksngkaren.org/2012/06/blog-post_11.html