​ဖံ​ဖံ​အဲ​မၣ်

​ ပ​ပှၤ​က​လုာ်​က​ညီ​ဖိ​လၢ​အ​ဟံး​ဃာ်​ကျၢၤဒံး​ဝဲ​မိၢ်​လုၢ်​ပၢ်​လၢ်​အ​တၢ်​စူၢ်​တၢ်​နာ်​လၢ​ပျၢၤ​တဖၣ်​န့ၣ်​အ​ဝဲ​သ့ၣ်​အ​တၢ်​နာ်​ဆှၢ​အီၤ​လၢ,​ ​ပှၤ​က​ညီ​အံၤ​မ့ၢ်​သံ​သ​နာ်​က့​အ​သး​သ​မူ​န့ၣ်​တ​သံ​ဝဲ​ဘၣ်.​ ​က​အိၣ်​ဒံး​ဝဲ​ဒီး​အ​နီၢ်​ခိ​အ​က့ၢ်​အ​ဂီၤ​ဆူ​ညါ​တ​ပ​တီၢ်​လီၤ.​ ​နာ်​ဝဲ​ဒၣ်​လၢ​ပှၤ​ဟီၣ်​ခိၣ်​ဖိ​အံၤ​တၢ်​နီၤ​ဖး​အီၤ​သၢ​မံၤ​ ​လၢ​အ​မ့ၢ်​ဝဲ-က့ၢ်​ဂီၤ​နီၢ်​ခိ,​ ​သး​သ​မူ,​ ​ဒီး​အ​က​လၤ​န့ၣ်​လီၤ.​ ​စံး​ဝဲ​ဒၣ်​ပှၤ​ဟီၣ်​ခိၣ်​ဖိ​တ​ချုး​လၢ​အ​အိၣ်​ဖျဲၣ်​လီၤ​ဒံး​ဘၣ်​လၢ​တၢ်​လီၢ်​တ​ပူၤ​န့ၣ်​အ​က​လၤ​အိၣ်​ခိး​ပာ်​စၢၤ​လံ​အီၤ​လၢ​ဟီၣ်​ခိၣ်​ချၢ​လံ​န့ၣ်​လီၤ.​ ​ဒီး​အ​က​လၤ​န့ၣ်​မ့ၢ်​ယွၤ​ဆှၢ​ဆိ​ပာ်​စၢၤ​န့ၢ်​အီၤ​ဖဲ​အ​က​ဘၣ်​အိၣ်​ဖျဲၣ်​ထီၣ်​ဝဲ​အ​တၢ်​လီၢ်​န့ၣ်​လီၤ.​ အက​လၤန့ၣ်​ဟဲ​ဃုာ်​သ​ကိး​တ​ပူၤ​ဃီ​ဒီး​အ​နီၢ်​ခိဆူဟီၣ်​ခိၣ်​ချၢ​အံၤ​ဒီး​အိၣ်​ဆိးဝဲ​ဒီး​အီၤ​တုၤ​အ​သံ​တ​စု​လီၤ.​တုၤ​အ​သံ​တ​စု​န့ၣ်​အ​ကလၤ​လီၤ​ဖးကွံာ်​ဒီး​အီၤ​လီၤ. မ့​မ့ၢ်​အ​သး​သ​မူ​န့ၣ်​အိၣ်​မူ​ဒၣ်​တၢ်​လၢ​တၢ်​လၢ​တၢ်​အိၣ်​ဘှံး​အ​လီၢ်​တ​တီၤ​ဒီး​တ​သံ​ဝဲ​ဒၣ်​ဘၣ်.
​
တ​မ့ၢ်​ထဲ​ပှၤ​က​ညီ​အိၣ်​ဒီး​အ​က​လၤဧိၤ​န့ၣ်​ဘၣ်.​ ဆ​ၣ်ဖိ​ကီၢ်​ဖိ,​သ့​မုၢ်​ဝၣ်​ဘိ​ဒီး​လၢၢ်ဧိၤ​လ့ဧိၤ​စ့ၢ်​ကီး​အ​က​လၤ​အိၣ်​ဝဲ​လီၤ.​ ​တုၤ​မ့ၢ်​ဆၣ်​ဖိ​ကီၢ်​ဖိ,​ ​သ့ၣ်​မုၢ်​ဝၣ်​ဘိ​ဒီး​လၢၢ်ဧိၤ​လ့ဧိၤ​တ​ဖၣ်​အံၤ​အ​က​လၤတ​အိၣ်​လၢၤ​ဘၣ်​ဒီး​သံ​ဝဲ​ဟး​ဂီၤ​ဝဲ​မ့​တ​မ့ၢ်​ဟါ​မၢ်​ကွံာ်​ဝဲ​ဒၣ်​လီၤ.​ ​စံး​ဝဲ​ပှၤ​က​ညီ​အ​သး​သ​မူ​ ​န့ၣ်​မ့ၢ်​တၢ်​လၢ​အ​သ့​သ့ၣ်​ညါ​နီၤ​ဖး​တၢ်​ဂ့ၤ​ဒီး​တၢ်​အၢ​သ့​ဝဲ​န့ၣ်​လီၤ.​ ​အ​သး​သ​မူ​အံၤ​မ့ၢ်​သံ​ဒီး​အ​က​လၤ​န့ၣ်​ဘၣ်​က့ၤ​ဝဲ​ဆူ​ပျုၤ​ပူၤ​ ​(တၢ်​သံ​အ​ကီၢ)်​ ​န့ၣ်​လီၤ. 

ပ​ပှၤ​က​ညီ​က​လုာ်​အံၤဒ်​အ​မ့ၢ်​ပှၤတ​က​လုာ်​လၢ​ ​အ​ဟဲ​လီၤ​စၢၤ​လၢ​တ​ရူး​ကီၢ်​အ​သိး​န့ၣ်​တၢ်​လုၢ်​တၢ်​လၢ်​လၢ​အ​ဘၣ်​ဃး​ဒီး​တၢ်​ပာ်​ဒိၣ်​ပာ်​ထီ​အ​ဖံ​အ​ဖု​အ​လုၢ်​အ​လၢ်​န့ၣ်​အိၣ်​စ့ၢ်​ကီး​လၢ​အ​ဝဲ​သ့ၣ်​အ​သိး​အ​ကျါ​န့ၣ်​လီၤ.​ ​တုၤ​မ့ၢ်​အ​ဖံ​အ​ဖု​အ​မိၢ်​ဒိၣ်​ပၢ်​ဒိၣ်​တ​ဖၣ်​မ့ၢ်​သံ​ဒီး​ကုၢ်​ဃိ​ဝဲ​လၢ​မ့ၢ်​အူ,​ ​ဟံး​န့ၢ်​ပာ်​ဂ့ၤ​ဃာ်​ဝဲ​အ​ဃံ​ဒီး​ ​အ​ဖၣ်​ဆါ​တ​ဖၣ်​ဝံၤ​ဒီး​လဲၤ​စိာ်​ဝဲ​ဆူ​အ​လိ​ထံး​ ​အ​သွၣ်​ခိၣ်​ ​ဒီး​ခူၣ်​လီၤ​ဘါလီၤ​ဖိး​ဘၢ​ဝဲ​လၢ​လၢၢ်​လၢ​လ့​ဝံၤ​ဘှီ​ထီၣ်​န့ၢ်​ဝဲ​အ​ဒဲ​ဖိ​တ​ဖျၢၣ်,​ ​တ့ထီၣ်​န့ၢ်​ဝဲ​အ​သ​လ့​ ​တ့​န့ၢ်​ဝဲ​သၣ်​ဒီး​ကၣ်​ကူၣ်​လၢ​သ့ၣ်​ ​ဒီး​ပာ်​လီၤ​န့ၢ်​ဝဲ​အ​ကူ​အ​ကၤ​အ​တၢ်​ပီး​တၢ်​လီ​တ​ဖၣ်​ဖဲ​ဒဲ​တ​ဖျၢၣ်​န့ၣ်​အ​ပူၤ​လီၤ.​ ​အ​ခိၣ်​အ​နၢ်​တ​ဖၣ်​မ့ၢ်​သံ​ဒီး​မၤ​ဝဲဒ်​န့ၣ်​စ့ၣ်​ကီး​လီၤ,​ ​မၤ​ဝဲဒ်​အံၤ​န့ၣ်​တ​မ့ၢ်​လၢ​အ​က​ဘူၣ်​ထီၣ်​ဘါ​ထီၣ်​ဝဲ​အ​ဂီၢ်​ဘၣ်,​ ​မ့ၢ်​ဒၣ်​အ​ဝဲ​သ့ၣ်​မၤ​န့ၢ်​တၢ်​သ့ၣ်​နီၣ်​အ​တၢ်​ပ​နီၣ်​အ​လီၢ်​လၢ​ဖံ​ဖု​ခိၣ်​နၢ်​တ​ဖၣ်​အ​ဂီၢ်​ဒီး​ပာ်​တၢ်​သ့ၣ်​နီၣ်​ယူး​ယီၣ်​ပာ်​ကဲ​က​တီၤ​ဂ့ၤ​ဃာ်​ဝဲဧိၤ​န့ၣ်​လီၤ.
 
​ပ​ပှၤ​က​လုာ်​က​ညီ​လၢ​အ​ဟံး​ဃာ်​ကျၢၤဒ်​ဝဲ​မိၢ်​လုာ်​ပၢ်​လၢ်​တ​ဖၣ်​ ​ဆှၢ​လီၤ​ပှၤ​သံ​န့ၣ်​မၤ​ဝဲ​ခံ​က​လုာ်​လီၤ,​ ​တၢ​တ​က​လုာ်​န့ၣ်​ ​ခုၣ်​လီၤ​ဘါ​ဘၢ​ဝဲ​ဆူ​ဟီၣ်​ခိၣ်​လၢ်,​ ​ဒီး​ ​ခံ​က​လုာ်​တ​က​လုာ်​န့ၣ်​ ​ကုၢ်​စီ​မ့ၣ်​ဝဲ​လၢ​မ့ၣ်​အူ​န့ၣ်​လီၤ.​ ​ဖိ​ဒံ​ဖိ​သၣ်,​ ​ပှၤ​သူၣ်​စၢ်​သး​ဘီၣ်​ ​ဒီး​ ​ပှၤ​သံ​ဆူၣ်​သံ​စီး​တ​ဖၣ်​ ​မ့ၢ်​သံ​န့ၣ်​ပှၤ​ဘၣ်​ခူၣ်​လီၤ​ဝဲ​ဆူ​ဟီၣ်​ခိၣ်,​ ​ပှၤ​တ​ဘၣ်​ကူၢ်​အီၤ​ဘၣ်​ ​မ့​မ့ၢ်​ပှၤ​သူၣ်​က့​သး​ပှၢ်​တ​ဖၣ်​န့ၣ်​ ​တၢ်​ဘၣ်​ကူၣ်​စီ​မ့ၣ်​အီၤ​လၢ​မ့ၣ်​အူ​န့ၣ်​လီၤ.​ ​တၢ်​ဆှၢ​လီၤ​ပှၤ​သံ​လၢ​တၢ်​ကူၣ်​စီ​မ့ၣ်​အီၤ​လၢ​မ့ၣ်​အူ​တ​က​လုာ်​အံၤ​န့ၣ်​ ​ညီ​နုာ်​တၢ်​မၤ​အီၤဒ်​အံၤ,- ပှၤ​မ့ၢ်​ပာ်​အ​စိၣ်​လၢ​ဟံၣ်​တ​သီ​ ​ဒီး​ ​တုၤ​ပှၤ​ဟူ​ထီၣ်​က့ၤ​အ​ဃံ​န့ၣ်​ပှၤ​မၤ​ဝဲ​ခံ​သီ,​ ​ပှၤ​မ့ၢ်​ပာ်​အ​စိၣ်​ခံ​သီ​ဒီး​ ​ဘၣ်​ဟူ​ထီၣ်​အ​ဃံ​လွံၢ်သီ,​ ​မ့ၢ်​ပာ်​အ​ဝဲ​အ​စိၣ်​လၢ​ဟံၣ်​ပူၤ​ ​သၢ​သီ​ဒီး​ ​ဘၣ်​ဟူ​ထီၣ်​အ​ဃံ​န့ၣ့်​ ​ဃု​သီ​လီၤ.

​အ​ခီၣ်​ထံး​တ​သီ​ (တၢ်​လ့​မ့ၣ်)
တုၤ​မ့ၢ်​ပှၤ​သး​ပှၢ်တ​ဂၤ​သံ​လံ​ဒီး​ပှၤ​ဘၣ်ဒုး​လုၢ်​ကွံာ်​ဝဲ​အ​ထံ​အ​နိ​ဒုး​ကူ​ဒုး​သိး​ထီၣ်​က့ၤ​အ​တၢ်​ကူ​တၢ်​ကၤ​ဂ့ၤ​ဂ့ၤ​ဘၣ်​ဘၣ်​ဝံၤ​ဘၣ်​ပာ်​လီၤ​အ​စိာ်န့ၣ်​လၢ​ဘျီၣ်​အ​ပူၤ​မ့​တ​မ့ၢ်​လၢ​ဟံၣ်​ပူၤ​တၢ်​လီၢ်​တ​တီၤ​တီၤ​လီၤ.​ မ့​မ့ၢ်​ပှၤ​ပိၣ်​မုၣ်​န့ၣ်​ဘၣ်​ပာ်​လီၤ​န့ၢ်​ဝဲ​ဟု​သး​လၢ​အ​ခိၣ်​ထး​တ​စဲး​လီၤ.လၢ​အ​တ​ရ့ၤ​ထံး​တ​ခီ​န့ၣ်​ဘၣ်​ပာ်​လီၤ​န့ၢ်​ဝဲ​ဃ့ၢ်​တ​ဖျၢၣ်​ဒီး​လၢ​ဃ့ၢ်​အ​ပူၤ​တ​ခီ​ဘၣ်​ထၢ​နုာ်​လီၤ​န့ၢ်​ဝဲ-သ​ပၢၤ,​ ​ဆၢၣ်​တိၢ်,​ ​နီၣ်​ဒိ​ကွာ်,​ ​ထံ​တၢၢ်,​ ​ဃဲာ်,​ (မ့​ဒ်​သိး​က​က့ၤ​ဖီ​အီၣ်​မ့ၤ​ဖီ​အီၣ်​ထံ​လၢ​ကျဲ​က​သ့​အ​ဂီၢ််​)န့ၣ်​လီၤ.​ ​လၢ​တၢ်​သံ​စိာ်​အ​ဖီ​ခိၣ်​တ​ခီ​ပှၤ​ဘၣ်ဘျး​လီၤ​စဲၤန့ၢ်​အနံၣ်​အ​ဆ့​အ​တၢ်​ကူ​တၢ်​ကၤ​တ​ဖၣ်​လၢ​က​က့ၤ​ကၢၢ်​က​ဒၢ​အ​သး​လၢ​ချၢၣ်​ခီၣ်​ထံး​လၢ​ကျဲ​အ​ဂီၢ်​လီၤ.ပှၤ​သံ​မ့​မ့ၢ်​အ​ပိ​ခွါ​န့ၣ်​ပှၤ​ဘၣ်​ပာ်​လီၤ​န့ၢ်​အီၤ​ချံၣ်,​ ​အ​ပျၢ်,​ ​အ​လၢ​ပီၤ,​ အ​ကွဲၤ​ဒီး​ဘျး​လီ​က​စဲၤ​န့ၢ်​ဝဲ​အ​ယၣ်​ဒီး​အ​ဆ့​ပျိၢ်​လၢ​က​က့ၤ​ဃု​ဆဲး​အီၣ်​ခး​အီၣ်​တၢ်​လၢ​ကျဲ​ဒီး​က​ဘျး​က​ဒၢသး​အဂီၢ်​လီၤ.​ တၢ်​န့ၣ်​ဝံၤ​အ​လီၢ်​ခံ​ပှၤမၢ​ဖိ​သၣ်​နီၢ်​ဆံး​တဖၣ်​က့​နုာ်​အိၣ်​ဆူ​ဟံၣ်​ပူၤ,​ ​မ့​မ့ၢ်​ပှၤ​နီၢ်​ဒိၣ်​တ​ဖၣ်​လဲၤ​ဆူ​ပှၤ​သံ​စိာ်​အအိၣ်ဒီး​တ​တၢၤ​ထီၣ်​အ​ဆ့​အ​ယၣ်ထၢ​နုာ်​န့ၢ်​တၢ်​ဆူ​အ​ဆ့​အ​ယၣ်​က​တၢၤ​ပူၤ​ဒီး​ဘၣ်​စံး​ဝဲ​တ​ခီ​ခီ“​ြပု​က​လၤ​ဟဲ​က့ၤ​ဟဲ​က့ၤ..”​န့ၣ်​လီၤ.​ ​မၤ​တၢ်ဒ်​န့ၣ်​အ​ခီ​ပ​ညီ​မ့ၢ်​ဝဲ​ဘၣ်​ယိာ်​တၢ်​လၢ​ဖိ​သၣ်​ဆံး​တ​ဖၣ်​အ​က​လၤ​က​က့ၤ​ပိာ်​ဘၣ်​ဖုး​ပှၤ​သံ​အ​ခံ​အဃိ​ကိး​က့ၤ​ဝဲအ​က​လၤ​န့ၣ်​လီၤ.
 
မၤဝဲဒ်​န့ၣ်​ဝံၤဘၣ်​ဟံး​န့ၢ်​က​ဒီး​ဝၣ်​သၢ​ကူၣ်(အ​ထီ​ဘၣ်​အိၣ်​ဝဲ​ခံ​ပျၢ်​စုာ်​စုာ်)ဘၣ်​တိ​သ့ၣ်​ဖး​ဝဲ​ဝၣ်​သၢ​ကူၣ်​န့ၣ်​ခံ​က့​စုာ်​စုာ်,​ ​ဝံၤ​ဘၣ်​ြတံာ်​ဃာ်​ဝဲ​ဝၣ်​န့ၣ်​လၢ​ပှၤ​သံ​စိၣ်​အ​ခိၣ်​တ​တီၤ,​ ​ဖဲ​အ​သး​တ​က့​ၤထံး​တ​တီၤ,​ ​လၢ​အ​ခီၣ်​တီၤ​ဝံၤ​ဘၣ်​ဒွဲၣ်​ထီၣ်​ပ​နဲ​သၢ​ဘိ​ဒီး​ဘၣ်​ဆီ​လီၤ​ဝဲ​ပ​နဲ​တၢၣ်လၢဝၣ်​သၢ​က့​န့ၣ်​အ​လိၤ​လီၤ.​ ဖဲ​န့ၣ်​ပှၤ​ပိာ်​ခွါ​ခံ​ဂၤ​ဘၣ်​အိၣ်​လၢ​ပှၤ​သံ​စိာ်​အ​က​ပၤ​တ​ခီ​တ​ဂၤ​ဂၤ,​ ​တ​ဂၤ​ဘၣ်​ဟံး​ထီၣ်​န့ၢ်​ပ​နဲ​တၢၣ်​အိၣ်​လၢ​တၢ်​သံ​စိာ်​အ​ခိၣ်​တ​ဘိ​ဒီး​အ​ခီၣ်​တ​ဘိ​လီၤ.​ ဘၣ်​တံ​ဃာ်​ဝဲပ​နဲ​တ​ဘိ​လၢ​အ​စု​မုၢ်​ခၢၣ်​သး​ဒီး​အ​ဂၤ​တဂၤ​လၢ​အ​စု​ဒဲးလၢ​အ​စု​ဒဲး​က​ဆူးလၢ​အ​စု​ချၢတ​က​ပၤ​ဝံၤ​လဲၤ​ဆူ​ပှၤ​သံ​စိာ်​အ​ခိၣ်​ထး​ဘၣ်​ယူာ်​ဃီၤ​ဟ့ၣ်​က့ၤ​ဝဲ​ဆူ​အ​တ​ဂၤအ​အိၣ်​ဒီး​ဘၣ်​စံး​ဝ​ ဲ​ ​“န​မုၢ်နုာ်​အိၣ်​လၢ​လဲၣ်”​ အ​ဂၤတ​ဂၤ​ဟံး​န့ၢ်​ပ​နဲ​လၢ​အ​စု​ချၢ​ဒ်​အီၤ​အ​သိး​ဒီး​ဘၣ်​စံး​ဆၢ​က့ၤ​ဝဲ​ ​ “​န​မုၢ်​နုာ်​အိၣ်​လၢ​န့ၣ်”​ ​ဒီး​ဘၣ်​ဒုး​နဲၣ်​ဝဲ​ဆူ​မုၢ်​ထီၣ်​တ​ခီ​ပၤ​န့ၣ်​လီၤ.​ ဒီး​သံ​ကွၢ်​က​ဒီး​ဝဲမုၢ်​ထီၣ်​အိၣ်​ဖဲ​လဲၣ်,​ ​ဒီး​အ​ဂၤ​တ​ဂၤ​စံ​ဆၢ​က့ၤ​အီၤ​အိၣ်​ဆူ​န့ၣ်​ဒီး​ဘၣ်​ဒုး​နဲၣ်​ဝဲ​ဆူမုၢ်​နုာ်​တ​ပၤ,​ ​သံ​ကွၢ်​က​ဒီး​ဝဲ​က​လံၤ​ထ​ံး​အိၣ်​ဖဲ​လဲၣ်,​ ​က​လံၤ​စိး​အၣ်​ဖဲ​လဲၣ်ဒီး​အ​ဝဲ​တ​ဂၤ​ဘၣ်​ဒုး​နဲၣ်​တကွံ(ခိၣ်ခံ)ဝဲဒ်အခီၣ်ထံးအသိးလီၤ.​ သံ​ကွၢ်​က​ဒီး​ဝဲ​န​သ့ၣ်​စီး​အိၣ်​လၢ​လဲၣ်,​ ​ဒီး​အ​ဂၤ​တဂၤ​ဟံး​န့ၢ်ခီ​ပ​တာ်​ပ​နဲလၢ​ပှၤ​သံ​စိာ်​အ​ဖီ​ခိၣ်​ဒီး​စံး​အိၣ်​လၢ​န့ၣ်​ဒုး​နဲၣ်​ခိၣ်​ခံ​ဝဲ​ဆူ​ဟီၣ်​လိၤ​လီၤ.​ ဒ်​န့ၣ်​အ​သိးသ့ၣ်​ခ​ီၣ်ထံး​န့ၣ်​ဒုး​နဲၣ်​ခိၣ်​ခံ​ဝဲ​ဆူ​သ့ၣ်​ခိၣ်​စိး​န့ၣ်​လီၤ.​ ​ဝံ​ဒီး​ပ​နဲ​တၢၣ်​ခံ​ဘိ​န့ၣ်​ဘၣ်​စူး​ကွံာ်​ဝဲ​ဒၣ်,​ ​မ့​မ့ၢ်​ပ​နဲ​တၢၣ်​အိၣ်​လၢ​ပှၤ​သံ​စိာ်​အ​သး​နါ​ပှၢ်​တ​ဘိ​န့ၣ်​ဘၣ်​ဒုး​က​ပီၤ​ဃာ်​ဝဲဒ်​န့ၣ်​တုၤ​အ​လၢၣ်​ဒီး​လီၤ​ပံာ်​ကွံာ်​ဝဲ​တ​စု​န့ၣ်​လီၤ.​ တၢ်​အံၤ​ပှၤ​ကိး​လၢ​ “​ပှၤ​လ့ၣ်​မ့ၣ်”​ ​လီၤ.​ ​တၢ်​အံံၤ​ဝံၤ​ပှၤ​သး​ပှၢ်​တ​ဂၤ​ခံ​ဂၤ​လဲၤ​တ​ရံး​ပှၤ​သံ​စိာ်​ဒီး​ဘၣ်​အုၣ်​ဝဲ​ထါဒ်​အံၤ_
 
၁. မ့ၣ်​ကဲၤ​လၢ​ပျုၤ​ခိၣ်​ဂီၤ​ဂီၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ၂. မ့ၣ်​ကဲၤ​လၢ​ပျုၤ​ခိၣ်​ဝါ​ဝါ
​ ​ ​ ​ မ့ၣ်​ကဲၤ​လၢ​ပျုၤ​ခိၣ်​ဂီၤ​ဂီၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ မ့ၣ်​ကဲၤ​လၢ​ပျုၤ​ခီၣ်​ဝါ​ဝါ
​ ​ ​ ​ ​မ့ၣ်​ဒွဲၣ်​ဖံး​လဲ​လိာ်​ယၢ်​ခီ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​မ့ၣ်​ဒွဲၣ်ဖံးလဲ​လိာ်​ယၢ်​ပၤ
​ ​ ​ ​ ​လီၤ​လၢညါ​အီး​စ့​အ​ဖီ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​              လီၤ​လၢ​ညါ​အီး​စ့​အ​ဖီ
​ ​ ​ ​ ​လီၤ​လၢ​ညါ​အီး​ထူအ​ဖီ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​လီၤ​လၢ​ညါ​အီး​ထူ​အ​ဖီ
​ ​ ​ ​ ​ကၢၢ်​န​ခိၣ်​လၢ​တီၣ်​လုၣ်​ဂီၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ကၢၢ်​န​ခိၣ်​လၢ​တီၣ်​လုၣ်​ဝါ
​ ​ ​ ​ ​အီး​ထီၣ်​တ​ဂ့ၤ​ပှၤ​အ​ဖီ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ အီး​ထီၣ်​တ​ဂ့ၤ​ပှၤ​အ​ဝါ
 
ဒီး​ထါ​အ​ဂၤ​တ​ဖၣ်​န့ၣ်​လီၤ.
​ပှၤ​သံ​အ​စိၣ်​အံၤ​ဖဲ​အိၣ်​ဒံး​လၢ​ဟံၣ်​ပူၤ​အ​ဖၢ​မုၢ်​ပှၤ​ဟး​ဆှၣ်​တ​ရံး​ဒီး​မၤ​လုၢ်​အုၣ်​ထါ,​ ​ပှီၢ်​ကျိၣ်​သ့​သ့​နံၤ​သီ​သီ​နၤ​န့ၣ်​လီၤ.

​ခံ​သီ​တ​သီ​ (တၢ်​ကုၢ်​စီ​မ့ၣ်​ပှၤ​သံ​စိၣ်)
​လၢ​ခံ​တ​နံၤ​ပှၤ​ဘှီ​ထီၣ်​န့ၢ်​အ​တ​လါ​ (ကျူာ်)​ ​ဒီး​ပှၤ​ဘၣ်​က​တဲာ်​က​တီၤ​ပာ်​ပျံၤ,​ ​ဆှီၣ်,​ ​နီၣ်​ယိး​ဘိ,​ ​လၢ​ပှၤ​က​လဲၤ​ယိး​လီၤ​ပှၤ​သံ​စိၣ်​န့ၣ်​ဆူ​တၢ်​သွၣ်​ခိၣ်​အ​ဂီၢ်​လီၤ.​ ​တ​ချုး​လၢ​ပှၤ​လဲၤ​ယိး​လီၤ​ပှၤ​သံ​စိၣ်​ဆူ​တၢ်​သွၣ်​ခိၣ်​ဒံး​ဘၣ်​အ​ခါ​ပှၤ​ဘၣ်​လဲၤ​ကျဲ​မၤ​ဆိ​ပာ်​သ့ၣ်​မုၣ်​ဃိၣ်​၀ၣ်​ဖဲ​ ​တၢ်​သွၣ်​ခိၣ်​လၢ​တၢ်က​ကုၢ်​ပှၤ​သံ​စိၣ်​အ​ဂီၢ်​န့ၣ်​လီၤ.​ ဖဲ​န့ၣ်​ဝံၤ​ပှၤ​လဲၤ​ယိး​လီၤ​ပှၤ​သံ​စိၣ်​ဆူ​တၢ်​သွၣ်​ခိၣ်​လီၤ.​ ​ပှၤ​လဲၤ​ယိး​လီၤ​ပှၤ​သံ​တ​ဖၣ်​ ​ဖဲ​အ​လဲၤ​တုၤ​ဆူ​တၢ်​သွၣ်​ခိၣ်​န့ၣ်​ပှၤ​လၢ​အ​လဲၤ​တုၤ​ဆိ​ပာ်​စၢၤ​လၢ​အ​ဝဲ​သ့ၣ်​အ​မဲာ်​ညါ​တ​ဖၣ်​ဘၣ်​ဟံး​ထီၣ်ဟီၣ်​ခိၣ်​ကိၣ်​လိၣ်​ဒီး​ကွံာ်​စိ​အ​ဝဲ​သ့ၣ်​ဒီး​ဘၣ်​သံ​ကွၢ်​ဝဲ​ “​ ​ပှၤ​လၢ​က​ဟဲ​အိၣ်​ဒံးဧါ”​ ​ဖဲ​န့ၣ်​က​မျၢၢ်​တ​ဖၣ်​ဘၣ်​စံး​ဆၢ​က့ၤ​ဝဲ​ “​ ​တ​အိၣ်​လၢၤ​ဘၣ်”​ ​န့ၣ်​လီၤ.​ ​ဖဲ​န့ၣ်​ပှၤ​ပာ်​လီၤ​က့ၤ​ပှၤ​သံ​စိၣ်​အ​တ​လါ​ဆူ​ဟီၣ်​ခိၣ်​လိၤ​ဒီး​ဘၣ်​က​တဲာ်​က​တီၤ​ထီၣ်​မ့ၣ်​အူ​ပူၣ်​လၢ​က​ကုၢ်​ပှၤ​သံ​အ​စိၣ်​အ​ဂီၢ်​လီၤ.
ပှၤ​ဘၣ်​က​တဲၤ​က​တီၤ​ထီၣ်​မ့ၣ်​အူ​ပူၣ်​ခံ​ပူၣ်​ခံ​ပူၣ်,​ ​အ​ဒိၣ်​တ​ပူၣ်​ဒီး​အ​ဆံး​တ​ပူၣ်​လီၤ. မ့​အူ​အ​ဆံး​တ​ပူၣ်​န့ၣ်​သ့ၣ်​မုၣ်​က​အိၣ်​ဒၣ်​ခံ​ခီ​သၢ​ခီ​ဒီး​ကိး​ဝဲ​လၢ​ “​ပှၤ​သံ​တ​ဂၤ​န့ၣ်​အသွၣ်​ခိၣ် ”​ဒီး​မ့​မ့ၢ်​မ့ၣ်​အူ​ပူၣ်​လၢ​အ​ဒိၣ်​တ​ပူၣ်​န့ၣ်​မ့ၢ်​ပှၤ​က​ကုၢ်​ပှၤ​သံ​စိာ်​အ​ဂီၢ်​ဒီး​ကိး​ဝဲ​လၢ​ “​ပှၤ​သံ​တ​ဂၤ​န့ၣ်​အ​စံာ်​လီၢ်​ခုး​လီၢ်”​ ​န့ၣ်​လီၤ.

လၢ​တၢ်​က​ကုၢ်​ပှၤ​သံ​စိာ်​အ​ဂီၢ်​ပှၤ​လွံၢ်​ဂၤဘၣ်​စိာ်​ထီၣ်​ဝဲ​ပှၤ​သံ​အ​တ​လါ​န့ၣ်​လၢ​အ​စု​လိၤ​ဒီး​လၢ​တ​လါ​အ​မဲာ်​ညါ​န့ၣ်​ပှၤ​တ​ဂၤ​ဘၣ်​ဆၢ​ထၢၣ်​စိာ်​စဲၤ​ခိၣ်​လီၤ​လာ်​ဃာ်​ဝဲ​ဃဲာ်​တ​ဘ့ၣ်​လၢ​အ​စု​လိၤ,​ ​ဖဲ​န့ၣ်​ပှၤ​စိာ်​ဃာ်​ပှၤ​သံ​တ​လါ​တ​ဖၣ်​ဘၣ်​လဲၤ​ထံးပှၤသံ​တ​လါလၢ​အ​ခိၣ်​တ​ပၤ​ဒီး​ဃဲာ်​က​နၣ်​န့ၣ်​သၢ​ဘီ​ဘၣ်​ထံး​က​ဒီး​ဝဲ​ပှၤ​သံ​တ​လါ​လၢ​အ​ခီၣ်​တ​ပၤ​ဒီး​ဃဲၣ်​က​နၣ်​န့ၣ်​သၢ​ဘီ​ဝံၤ​ဘၣ်​ပာ်​လီၤ​က့ၤ​ဝဲ​တ​လါ​န့ၣ်​ဆူ​ဟီၣ်​ခိၣ်​လိၤ​ဒီး​အိး​ထီၣ်​က့ၤ​တ​လါ​ဒီး​ဘၣ်​ပျၢ်​န့ၢ်​ပှၤ​သံ​စိာ်​တ​ဂၤ​န့ၣ်​အ​မဲာ်​လၢ​ထံ​န့ၣ်​လီၤ.(တမ့ၢ်​ပျၢ်​ဝဲဒ်​ညီ​နုာ်​ပျၢ်​ဝဲ​အ​သိး​ဘၣ်,​ ​မ့ၢ်​ဒၣ်​ဖှံ​စီၣ်​ဝဲ​ပှၤ​သံ​စိၣ်​အ​မဲာ်​န့ၣ်​လၢ​ထံ​ခံ​ဘီ​သၢ​ဘီ)န့ၣ်​လီၤ. မၤ​ဝဲဒ်​န့ၣ်​ဝံၤ​ဒီး​ဘၣ်​ကျၢၢ်​လီၤ​ဘၢ​​​​​​​​​​​​​​​​​​ပှၤ​​​​​​​​​​​​​​​​​​​​​​​​​​​​​​​​​​​​​​​​​​​​သံ​​​​​​​​​​​​​​​န့ၣ်​ဆူသ့ၣ်​ပူၣ်​အ​ဖီ​ခိၣ်,​ ​ဖှီ​သ့ၣ်​ဖး​ကွံာ်​ဝဲ​အ​တၢ်​ကူ​တၢ်​ကၤ​အိၣ်​လၢ​အ​လိၤ​တ​ဖၣ်​ခဲ​လၢာ်,​ ​ဘၣ်​ပာ်​ဃၢ​ထီၣ်​သ့ၣ်​မုၣ်​ကျၢၢ်​ဖး​ဒိၣ်​တ​ဖၣ်​ဆူ​ပှၤ​သံ​စိာ်​တ​ဖၣ်​အ​ဖီ​ခိၣ်​ဒီး​ဆိး​ကဲၤ​ထီၣ်​ဝဲ​မ့​အူ​ဘၣ်​ကုၢ်​ပှၤ​သံ​စိာ်​န့ၣ်​တုၤ​မ့ၣ်​အူ​အီၣ်​စီ​ကွံာ်​အီၤ​ခဲ​လၢာ်​တ​စု​န့ၣ်​လီၤ.

​ ​ဖဲ​လၢ​ပှၤ​ကုၢ်​ပှၤ​အ​စိာ်​တ​ချုး​ဝံ​ဒံး​ဘၣ်​အ​ခါ​န့ၣ်​ပှၤ​အ​ခိၣ်(သရၣ်)တ​ဂၤ​ထီ​ဘိ​ဘၣ်​အိၣ်​ဝဲ​လၢ​မ့ၣ်​အူ​ဆံး​တ​ပူၣ်​အ​က​ပၤ​ဒီး​ဘၣ်​ထ့​န့ၢ်​ဝဲ​တၢ်​ပ​နီၣ်​လၢ​ဆှါ​က့​ဒီး​ဘၣ်​ဟ့ၣ်​ဝဲ​ဆူ​ပ​သံ​တ​ဂၤ​န့ၣ်​အ​ဘူး​အ​တံၢ်​တ​ဂၤ​ဂၤ​အ​စု​ပူၤ​ဒီး​ဘၣ်​လဲၤ​ဆှၣ်​ဝဲ​ဆူ​ပှ​ၤသံစိာ်​အ​ခိၣ်​ထး,​ ​အ​ခီၣ်​ဒီ​ပှၤ​အ​ခိၣ်(သရၣ်)န့ၣ်​ဘၣ်​နဲၣ်​ခိၣ်​ခံ​န့ၢ်​ပှၤ​သံ​တ​ဂၤ​န့ၣ်​အ​ကျဲ(မုၢ်​ထီၣ်​န့ၣ်​စံ​ဝဲ​လၢ​မုၢ်​နုာ်,​မုၢ်​နုာ်​န့ၣ်​စံ​ဝဲ​လၢ​မုၢ်​ထီၣ်,​က​လံၤ​ထ​ံး​န့ၣ်​စံး​ဝဲ​လၢ​က​လံၤ​စိး,​က​လံၤ​စိး​န့ၣ်​စံး​ဝဲ​လၢ​ထံး,​သ့ၣ်​ခီၣ်​ထံး​န့ၣ်​စံး​ဝဲ​လၢ​သ့ၣ်ခိၣ်​စိးဒီး​သ့ၣ်​ခိၣ်​စိး​န့ၣ်​စံး​ဝဲ​လၢ​သ့ၣ်​ခီၣ်​ထံး)ဘၣ်​နဲၣ်​ခိၣ်​ခံ​န့ၢ်​ဝဲ​ပှၤ​သံ​တ​ဂၤ​န့ၣ်​အ​ကျဲဒ်​န့ၣ်​သၢ​ဘျီ​လီၤ.မၤ​ဝဲဒ်​န့ၣ်​ဝံ​ဒီး​ဘၣ်​ဟဲ​က့​က​ဒါ​က့​ဆူ​မ့ၣ်​အူ​ပူၣ်​အ​ဆံး​တ​ပူၣ်​အ​ခီၣ်​ထံး​ဘၣ်​အိ​သ​ကိး​ဝဲ​သံး,​ဘၣ်​ပာ်​လီၤ​ဝဲ​တၢ်​အီၣ်​တ​အီဒ်​အမ့ၢ်​ဝဲ - နီ​ကွ့​အ့ၣ်​ (တ​ကၣ်​သံ)​ သ​ဘျုၣ်​သဲး​သၣ်​ညါ​သူး​ဒီး​စံ​ဘၣ်​ပှၤ​သံ​န့ၣ်​ “​ခွါဧၢ,​ ​ခဲ​အံၤ​ပ​ဟ့ၣ်​အီၣ်​နၤ​တၢ်,​ ​ဟဲ​အီၣ်​သ​ကိး​ဒီး​ပှၤ,​ ​ပ​တ​သး​ဘၣ်​အၢ​နၤ​ဘၣ်.​ ပ​ဟဲ​အီၣ်​ဃုာ်​တၢ်​ဒီး​နၤ​လီၤ”​ ​ဒီး​မၤ​န့ၢ်​လုၢ်​အုၣ်​ထါ​န့ၢ်​တၢ်​လၢ​ပှၤ​သံ​တ​ဂၤ​န့ၣ်​အ​ဂၤ​လီၤ.​ ဖဲ​န့ၣ်​အ​ဆၢ​က​တီၢ်​က​ယဲၢ်​မ့ၢ်​တၢ်​ဖိ​​​​​​​တၢ်​​​​​​​​​​​​​​​​​​လံၤလၢ​အ​​​​​ဘၣ်​​​​​ဃး​ဒီး​ပှၤ​သံ​တ​ဂၤ​န့ၣ်​အ​တၢ်​လၢ​အ​မ့ၢ်​ဝဲ - ဖီ​ကိ​လၢ​ပှၤ​ပာ်​န့ၢ်​အီၤ,​ ​သံး​ပ​လီ​လၢ​ပှၤ​ရဲၣ်​န့ၢ်​သံး​လၢ​အ​​​​​​​​​​ဂီၢ်,​ စ့​လီၤ​မှံၤ​လၢ​အ​တၢ်​လဲၤ​အ​ဂီၢ်,​ ​တၢ်​တ​ဖၣ်​န့ၣ်​ပှၤ​ဘၣ်​ကွံာ်​လီၤ​အီၤ​ခဲ​လၢာ်​ဆူ​မ့ၣ်​အူ​ပူၤ​န့ၣ်​လီၤ.
​ 
တ​ချုးဒ်​လၢ​တၢ်​အ​စိာ်​အူ​အီၣ်​လၢာ်ဒ်​ဘၣ်​န့ၣ်​သ​ရၣ်ဘၣ်​တ့​ထီၣ်​န့ၢ်​ဝဲ​ပှၤ​သံ​အ​ဂီၢ်​ဟံၣ်​ဖိ​ဆံး​ဆံး​တ​ဖျၢၢ်​လၢ​ဆှါ​ဃ့,​ ​တ​ဘူး​တ​ယံၤ​ဒီး​မ့​အူ​ပူၣ်​ဆံး​ဆံး​ဒီး​ဘၣ်​က​တဲာ်​က​တီၤ​ဃာ်​ဝဲ​ကီၢ်​လဲၢ်​တ​ဘ့ၣ်​လီၤ.​ လၢ​ကီၢ်​လဲၢ်​ပူၤ​န့ၣ်​ဘၣ်​ပာ်​လီၤ​ဝဲ​ထံ​တ​ခွး,​ ​သ့ၣ်​မုၣ်​ခံ​လၢ​အ​အိၣ်​ဒီး​မ့ၣ်​အူ​တ​ခီ,​ ​ဘၣ်​ရဲၣ်​လီၤ​ဝဲ​လုၣ််​သၢ​ဘိလၢ​ကီၢ်​လဲၢ်​ပူၤ,​ ​လၢ​လုၣ်​သၢ​ဘိ​အ​ဖီ​ခိၣ်​န့ၣ်​ဘၣ်​ပာ်​လီၤ​ဝဲ​ပှၤ​သံ​တ​ဂၤ​န့ၣ်​အ​ခိၣ်​ဖၢၣ်​က့​တ​က့,​ ​ဒီး​လၢ​ခိၣ်​ဖၢၣ်​က့​အ​ဖီ​ခိၣ်​န့ၣ်​ဘၣ်​ပာ်​လီၤ​ဝဲ​တိၢ်​တ​သံး,​ ​ဒီး​လၢ​တိၢ်​တ​သံး​အ​ဖီ​ခိၣ်​န့ၣ်​ဘၣ်​ပာ်​လီၤ​ဝဲ​ ပှၤသံတဂၤအခိၣ်ကုအဃံ(လၢဘၣ်တၢ်သွဲၣ်ကဝီၤ​ ဃာ်န့ၢ​်အီ​ၤဒ်စ့တသံးတဘ့ၣ်န့ၣ်အသိး)ဒီးဖဲပှၤခိၣ်ကုအဃံတခီတပၤပၤန့ၣ်ဘၣ်ပာ်လီၤဝဲသွဲၣ်လးတခီတ
လိၣ်မ့ၢ်ဒ်သိးတၢ်ပနီၣ်လၢအခိၣ်ဒီးအခီၣ်အဂီၢ်ဒီးဘၣ်ဘိၣ်ထီၣ်ဝဲဒ်ပှၤသံစိာ်အသိးဒီးကိးဝဲလၢ​ “တၢ်သံဘိၣ်ဖိ”​ န့ၣ်လီၤ.​ ဒီးဘၣ်တ့န့ၢ်ဝဲနီၣ်တံာ်တဘိဒီးချံၣ်နီၣ်ပုၣ်ဖိတခိၣ်ဘၣ်ပာ်လီၤဃာ်ဝဲဆူကီၢ်လဲၢ်ပူၤ​ န့ၣ်လီၤ.​​ တၢ်​ပီး​တၢ်​လီ​အိၣ်​လၢ​ကီၢ်​လဲ​ပူၤ​တ​ဖၣ်​အံၤ​အ​ခီ​ပ​ညီ​မ့ၢ်​ဝဲ​ပှၤ​ဖီၣ်​တ​ရံး​သွီ​နုာ်​က့ၤ​ပှၤ​သံ​တ​ဂၤ​အံၤ​အ​သး​လၢ​အ​ပူၤ​ဒီး​ပှၤ​ဘၣ်​မၤ​ခုၣ်​မၤ​က​ဘး​က့ၤ​အီၤ​လီၤ.​ ​တုၤ​ပှၤ​ကုၢ်​ပှၤ​စိာ်​ဝံ​ခဲ​လၢာ်​လံတ​ဘျီ​သ​ရၣ်​န့ၣ်​ထၢ​နုာ်​လီၤ​က့ၤ​ဝဲ​ “​တၢ်​သံ​ဘိၣ်​ဖိ”​ ​ဆူ​ကု​တ​ဒု​အ​ပူၤ​ဃုာ်​ဒီး​ပှၤ​သံ​တ​ဂၤ​န့ၣ်​အ​တၢ်​ဖိ​တၢ်​လံၤ​လၢ​အ​မ့ၣ်​ဝဲ​သ​ဒၢ​မုၢ်,​ ​ထၢၣ်,​ ​တ​ဒီး(အဲ​ခိၣ်)ဒီး​ဒုး​ဝံ​ထီၣ်​ဝဲ​ပှၤ​သံ​တ​ဂၤ​န့ၣ်​အ​ဘူး​အ​တံၢ်​လီၤ.​ ဒီး​ဟ့ၣ်​ဝဲ​ချံၣ်​ပ​တ့ၤ​ဖိ​ဆူ​အ​စု​ပူၤ​ဒီး​ဘၣ်​ဆၢ​​ထၢၣ်​ကွၢ်​တၢ်​လိၤ​လိၤ​ဆူ​မုၢ်နုာ်ဖဲ​ပှၤ​ကုၢ်​တၢ်​သံ​မ့ၣ်​အူ​ပူၣ်​ဖး​ဒိၣ်​အ​အိၣ်​လိၤ​လိၤ​ဒီး​ဘၣ်​ကိး​ထီၣ်​ဝဲ“​ယ​ခး​ထီၣ်​ဘီ​ဘၣ်​သံဧါ”​ ​ဒီး​ပှၤ​လၢ​အ​ဟဲ​ခူၣ်​လီၤ​ပှၤ​သံ​တ​ဖၣ်​ဘၣ်​စံး​ဆၢ​က့ၤ​ဝဲ​ ​“သံ”ထဲ​န့ၣ်​ဒီး​ပှၤ​ဟဲ​က့ၤ​ဆူ​ဟံၣ်​လီၤ.ကယဲၢ်​မ့ၢ်​ပှၤ​ဟဲ​က့ၤ​လၢ​တၢ်​သွၣ်​ခိၣ်​တ​၈ၤ​လၢ်​လၢ်​ဘၣ်​ဘိး​ကၢ်​န့ၢ်​ဝဲ​သ့ၣ်​ဒ့​ဖိ​တ​၈ၤ​တ​ဒ့​ကိး​၈ၤ​ဒဲး​ဒီး​ဘၣ်ဟဲ​က့ၤ​စိာ်​ဝဲ​ဆူ​ပှၤ​သံ​အ​ဟံၣ်​န့ၣ်​လီၤ.​ ပှၤ​လၢ​အ​ဟဲ​က့​လၢ​ကျဲ​တ​ဖၣ်​ဘၣ်​ပ​လီၢ်​သး​တ​ဘၣ်​ယီၢ်​ဘၣ်​လိာ်​သး​အ​ခီၣ်​နၢၣ်​ခံ​ဘၣ်.​ တ​ဘၣ်​က့ၤ​ကျဲ​အ​ဂၤ​စ့ၢ်​ကီး​ဘၣ်. ကဘၣ်​ဟဲ​က့ၤ​ဝဲ​ဆူ​ပှၤ​သံ​အ​ဟံၣ်​န့ၣ်​လီၤ.
​ 
ဟဲ​က့ၤ​တုၤ​ဆူ​ပှၤ​သံ​အ​ဟံၣ်​တ​ဘျီ​ပှၤ​လၢ​အ​ဟဲ​က့ၤ​လၢ​တၢ်​သွၣ်​ခိၣ်​တ​ဖၣ်​ဘၣ်​သ့​ကွံာ်​အ​ခီၣ်​ဒီး​အ​စု​လၢ​ဖိ​ဆံၣ်​ထံ​သ​ယီ​ထံ​လၢ​ဟံၣ်​က​စၢ်​က​တဲာ်​က​တီၤ​ပာ်​ဃာ်​န့ၢ်​အ​ဝဲ​သ့ၣ်​အ​ဂီၢ်​ဖဲ​ဃီ​ခီၣ်​ထံး​ဝံၤ​မး​ဘၣ်​ထီၣ်​ဝဲ​ဆူ​ဟံ​ဖီ​ခိၣ်​လီၤ.​ ပှၤ​ဘၣ်​ဘျး​လီၤ​စဲၤ​ကု​တ​ဒု​န့ၣ်​လၢ​တၢ်​ဒုး​လၢ​တၢ်​ဒုးခိၣ်​အ​ထူၣ်လၢ​အ​ခၢၣ်​သး​တ​ထူၣ်​အ​လိၤ,​ ​ဒီး​ဘၣ်​ပာ်​လီၤ​ထံ​သ​ပၢၤတ​ဖျၢၣ်(ထံ​အိၣ်​လၢ​အ​ပူၤ)လၢ​တၢ်​ဒုး​ခိၣ်​အ​ထူၣ်​ခီၣ်​ထံး,​ ​ဒီး​ဘၣ်​စဲၤ​လီၤ​လုၣ်​တ​ဘိ​လၢ​ကု​ပူၤ​ဆူ​ထံ​သ​ပၢၤ​ပူၤ​လီၤ.​ တၢ်​န့ၣ်​စံး​ဝဲမၢပှၤ​သံအက​လၤ​က​ဟဲ​လီၤ​အိထံ​ဒီ​လုၢ်​ထံ​လုၢ်​နိ​အ​ဂီၢ်​လီၤ.​ ​ဖဲ​န့ၣ်​ပှၤ​ဘၣ်​တ့​ထီၣ်​န့ၢ်​​ ”ဃိာ်​စီၤ”​ (ဟံၣ်​ဆံး​ဆံးဖိ)တ​ဖျၢၣ်​လၢ​ပှၤ​သံ​တ​ဂၤအ​က​လၤ​က​အိၣ်​ဝဲ​အဂီၢ်​လီၤ.​ ပှၤ​ဘၣ်​ထ့​ထီၣ်​ဝဲ​ဃၤ​ဖျၢၣ်​သ​လၢာ်​တ​ဖျၢၣ်​ပ​ကိးအီၤ​လၢ​ ”တၢ်​တ​စူၢ်”​ ​ဒီး​ပှၤ​ဘၣ်​ပာ်​လီၤ​န့ၢ်​ပှၤ​သံ​တ​ဂၤ​အံၤ​အ​ဟံၣ်​ဖိ​ဃီ​ဖိ​တၢ်​ကူ​တၢ်​ကၤ​အ​သီ​တ​ဖၣ်​လၢ​အ​ပူၤ​လီၤ.​ ပှၤ​ဘၣ်​တ့​န့ၢ်ချံ​ဆံးဆံး ဖိ​တ​ဘ့ၣ်​လၢ​ပှၤ​သံ​တ​ဂၤ​အံၤ​အ​က​လၤ​အ​ဂီၢ်,​ ဒီး​ပှၤဘၣ်​တ့​န့ၢ်​ “​ပှၤ​က​ညီ​မဲာ်​ဃး”​ ​ဒီး​ ​နါ​ဒိၣ်​မဲာ်​ဃး”​ ​အ​ဂီၤ,​ (မ့ၢ်​ဒၣ်​ပှၤ​မၤ​န့ၢ်​၀ၣ်​က့​ဖိ​ဒီး​ပှၤ​ဘၣ်​ဘံ​ပး​တ​ရံး​ထီၣ်​အီၤ​လၢ​လုၣ်​ဝါ​ဒီး​လုၣ်​သူဒ်​ပှၤ​က​ညီ​အ​မဲာ်​ချံ​က့ၢ်​ဂီၤ​အိၣ်​ဖျါ​အ​သိး)​​ ​ ​ဒီး​ကိး​ဝဲ​လၢ​ပှၤ​က​ညီ​မဲာ်​ဃး​တ​ခါ​ဒီး​နါ​ဒိၣ်(​ ​တၢ်​သံ​က​စၢ်) မဲာ်​ဃး​တ​ခါ​န့ၣ်​လီၤ.​ တၢ်​တ​ဖၣ်​န့ၣ်​ပှၤ​ဘၣ်​ဘျး​လီၤ​စဲၤ​ဃာ်​အီၤ​လၢ​တၢ်​ဒုး​ခိၣ်​အ​ဖီလာ်​လီၤ.​ ဟံၣ်​က​စၢ်​က​တဲာ်​က​တီၤ​ဃာ်​တၢ်​အီၣ်​တၢ်​အီ​မ့ၤ​ဖိ​ထံ​ဖိ​လၢ​ပှၤ​ကိး​ဂၤ​ဒဲး​အ​ဂီၢ်,​ ​ပှၤ​အီၣ်​တၢ်​ဝံၤ​မး​ပှၤ​တ​နီၤ​က့ၤ​ဆူ​အ​ဟံၣ်​ဒၣ်​ဝဲ​ဒီး​တ​နီၤ​အိၣ်​တ့ၢ်​အီ​သံး​အီၣ်​မ့ၤ​မၤ​လုၢ်​အုၣ်​ထါ​လၢ​ပှၤ​သံ​အဟံၣ်​န့ၣ်​လီၤ.

​သၢ​သီ​တသီ(တၢ်​ဘှါ​လီၤတၢ်​သံ​ဘိၣ်​ဖိ​ ​ဒုး​အီၣ်​ပှၤ​သံကလၤ​လၢ​မ့ၤ)
​ ​ ​ ​ ​ ​ ​ ​ ​ ​ ​ ​ ​ ​သၢ​သီ​တ​သီ​န့ၣ်​မ့ၢ်​တၢ်​ဘှါ​လီၤက့ၤ​တၢ်​သံ​ဘၣ်​ဖိ​ဒီး​ဘၣ်​ပာ်​မံ​လီၤ​အီၤ​ဆူဃိာ်(ဟံၣ်​ဖိ)အ​ပူၤ​န့ၣ်​လီၤ.​ ​လၢ​ဃိာ်​စီၤ​အ​ပူၤ​တ​ခီ​အိၣ်​ဒီး​တၢ်​အီၣ်​တၢ်​အီ​အ​ဘိၣ်​ဖိ​တ​ဖၣ်​န့ၣ်​လီၤ. တၢ်​က​တဲာ်​က​တီၤ​မၤန့ၢ်​အီၤတၢ် ပီး​​​​​​​​​​​​တၢ်​​​​​​​​​​​​​​​လီ​တ​ဖၣ်​အံၤ​အ​ခီ​ပ​ညီ​မ့ၢ်​ဝဲ​ပှၤ​သံ​တ​ဂၤ​အံၤ​ဖဲ​အ​က့ၤ​ဆူ​ပျုၤ​ပူၤ​ (တၢ်​သံ​အ​ကီၢ်)​ ​န့ၣ်​က​အိၣ်​ဘၣ်၀ဲ​ပှဲၤ​ဒီး​တၢ်​လၢ​တၢ်​ပှဲၤ,​ ​ကအိၣ်​က​ဒု​ဘၣ်​ဝဲဒ်​တၢ်​အိၣ်​ဖျါ​အ​သိး​အံၤ​အ​ဂီၢ်​န့ၣ်​လီၤ.လၢ​ဂီၤ​ခီ​ဆီဖါ​အိၣ်​အိ​ထီၣ်​န့ၣ်​ပှၤ​အ​ခိၣ်(သရၣ်)မၤ​န့ၢ်​မ့ၣ်​အူ​ခံ​တ​ခံ​ဒီး​ဝၣ်​နီၣ်​တံာ်​ဖိ​တ​ဘိ,​ ​ဘၣ်​တံာ်​ထီၣ်​န့ၢ်​ဝဲ​ပှၤ​သံ​အ​ခိၣ်​ကု​အ​ဃံ​လၢ​ဝၣ်​နီၣ်​တံာ်​ဖိ​န့ၣ်​ဝံၤ​ဘၣ်​သၣ်​ဝဲ​လၢ​မ့ၣ်​အူ​ဒီး​ဘၣ်​စံး​ဝဲ​ “​တၢ်​မ့ၢ်​ကိၢ်​န​သး​န့ၣ်​ဆူး​မ့ၣ်​အူ”​ ​မၤ​ဝဲဒ်​န့ၣ်​ဝံၤ,​ ​စု​ာ်လီ​က​ဒီး​ဝဲ​တၢ်​ခိၣ်​ဃံ​န့ၣ်​ဆူ​ထံ​သ​ကၢၤ​ပူၤ​လၢ​ထံ​ကျါ​ဒီး​စံး​က​ဒီး​ဝဲ​ “​တၢ်​မ့ၢ်​ဂိၢ်​န​သး​အီ​လုၢ်​ထံ”​ ​မၤ​ဝဲဒ်​န့ၣ်​ဝံၤ​ပာ်​က့ၤ​ဝဲ​ပှၤ​သံခိၣ်​ကုအ​ဃံ​ဆူ​အ​လီၢ်​န့ၣ်​လီၤ.​ တံာ်​န့ၢ်​က​ဒီး​ဝဲ​သွဲၣ်​လး​ဖိ​ခံ​လိာ်​န့ၣ်​မၤ​ဝဲဒ်​လၢ​ထး​အ​သိး​ဝံၤ​ရှိမ့ၣ်​အူ​ဆူ​ဃိာ်​စီၤ​အ​ဖီ​လာ်​ဒီး​စံး​ဝဲ​ “​ဆှါ​ဝံ​ဆှါ​က​လၤ”​ ရှိ​က​ဒီး​ဝဲ​မ့ၣ်​အူ​ခံ​ဆူ​ဃိာ်​စီၤ​အ​ပူၤ​ဒီး​စံး​ဝဲ​ “​ဆှါ​ဝံ​ဆှါ​က​လၤ”​ ​မၤဝဲဒ်န့ၣ်​ဝံၤ​ကွံာ်​ကွံာ်​ဝဲ​မ့ၣ်​အူ​ခံ​န့ၣ်​ဆူ​တၢ်​ပျီ​ပူၤ​လီၤ.​ ​တၢ်​အံၤ​ဝံၤ​ဘၣ်​ဟး​ဆှၣ်​တ​ရံး​ဝဲ​ဃိၣ်​စီၤ​ဒီး​မၤ​တၢ်​ဟူ​ထီၣ်​ပှၤ​ဃံ​အ​ထါ​လီၤ.​ ​ပှၤ​ဟူထီၣ်​ပှၤ​ဃံ​အ​ထါ​မ့ၢ်ဒ်​အံၤ-
 
၁.​ ​ဟံၣ်​ထူၣ်​တ​ဘိ​ပူၤ​လွဲၢ်​ဂီၤ​ ​ ​ ​ ​ ​ ​ ​ ​ ​ ​ ​ ​ ​ ​    ​၂.​ ဟံၣ်​ထူၣ်​တ​ဘိ​ပူၤ​လွဲၢ်​ဝါ
​   ဟံၣ်​ထူၣ်​ခံ​ဘိ​ပူၤ​လွဲၢ်​ဂီၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ဟံၣ်​ထူၣ်​ခံ​ဘိ​ပူၤ​လွဲၢ်​ဝါ
​   ရှၣ်တ​ရံး​အ​လီၢ်​လီၢ်​ဒီး​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ရှၣ်​တ​ရံး​အ​လီၢ်​လီၢ်​မး
​   တရံး​ရှၣ်​အ​လီၢ်​လီၢ်​ဒီး​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ တ​ရံး​ရှၣ်အ​လီၢ်​လီၢ်​မး
​
ဖီၣ်​န့ၢ်​ပျုၤ​အ​ဆီ​ဖါ​ဘီ ​ဖီၣ်​န့ၢ်​ပျုၤ​အ​ဆီ​ဖါ​ဝါ
​အိၣ်​အိ​က​လီၤ​မုၢ်​ဆ့ၣ်​ကီ အိၣ်​အိ​က​လီၤ​မုၢ်​ဆ့ၣ်​ဝါ
​ဖဲ​ပှၤ​ဟူ​ထီၣ်​ပှၤ​သံ​အ​ဃံ​အ​ဆၢ​က​တီၢ်​န့ၣ်​လၢ​အ​ဟံၣ်​ဖိ​ဃီ​ဖိ​အ​ကျါ​ပှၤ​တ​ဂၤ​ဂၤ​ဘၣ်​ပာ်​ထီၣ်​န့ၢ်​ပှၤ​သံ​တ​ဂၤ​န့ၣ်​အ​မ့ၤ,​ ​ဘၣ်​ဒုးအီၣ်​ဝဲ​ပှၤ​သံ​အ​က​လၤ​မ့ၤ​ဒီး​အ​က​စၢ်​ဘၣ်​အီၣ်​ဃုာ်​ဝဲ​မ့ၤ​တ​ပူၤ​ဃီ​ဒီး​ပှၤ​သံ​အ​က​လၤ​န့ၣ်​လီၤ.​ ​တၢ်​န့ၣ်​ဝံၤ​အ​လီၢ်​ခံ​ပှၤ​ဘၣ်​ကျီ​န့ၢ်​ဝၣ်​မီ​ဖိ​ (ဝၣ်​ပီၤ)​ ​လၢ​အ​အိၣ်​ထဲ​သိး​စု​မုၢ်​ဒိၣ်​ဃု​စု​မုၢ်​ဒိၣ်​လၢ​ပှၤ​က​အူ​မီ​စံာ်​ကျံၣ်အ​ဂီၢ်​န့ၣ်​လီၤ.​ ​တၢ်​တ​နံၤ​အံၤ​ပှၤ​မုၣ်​က​နီၤ​ဖိ​သၣ်​ခွါ​ဒီး​ပှၤ​နီၢ်​ဒိၣ်​တ​ဖၣ်​မၤ​လုၢ်​အုၣ်​ထါ​ဟး​ဂဲ​က​လံၣ်​ဆှၣ်​တ​ရံး​ဝဲ​ဃိၣ်​စီၤ(ပှၤ​သံ​အ​ဟံၣ်​ဖိ)တ​ဖျၢၣ်​ဒီးမ့မ့ၢ်ပှၤပိာ်ခွါတဖၣ်စံၣ်ကျံၣ်အူမီ​,​ ပှီၢ်ကျိၣ်,​​​​​​​​ထီ​ၣ်သ့ၣ်သၣ်န့ၣ် လီၤ.တၢ်မၤလုၢ်အုၣ်ထါဒီးတၢ်ဂဲၤကလံၣ်န့ၣ်ပိာ်မုၣ်ပိာ်ခွါုဂဲၤသကိးဝဲဘၣ်ဆၣ်မ့မ့ၢ်တၢ်စံၣ်ကျံၣ်တကလုာ်န့ၣ်ပှၤ
ပိာ်မုၣ်တစံၣ်ဝဲဘၣ်.​​​ တၢ်​စံၣ်​ကျံၣ်​အ​ခီ​ပ​ညီ​မ့ၢ်ဝဲ - 
ပှၤ​သံ​တ​ဂၤ​အံၤ​က့ၤ​ဆူ​ပျုၤ​ကီၢ်​အခါ​လၢအ​တၢ်​က့ၤ​ကျဲ​န့ၣ်​က​ဘၣ်​က့ၤ​ခီ​ဂာ်​ဝဲ​တၢ်​ကီ​တၢ်​ခဲ​တၢ်​တတၢာ်တ​နါအ​က​လုာ်က​လုာ်​န့ၣ်​လီၤ.​ ​က့ၤ​ခီ​ဝဲ​မ့ၢ်​တ​ပူၤ​တ​ခီ​အ​က​လၤ​က​ဘၣ်​အိၣ်​ထီ​ဃၣ်​ဝဲ​လၢ​ကျဲ​တီၤ​လိၤ​န့ၣ်​ဒီး​က့ၤ​ခီ​ဝဲ​မ့ၢ်​ပူၤ​တ​ခီ​က​အိၣ်​မုၣ်​အိၣ်​ပၢၤ​ဘၣ်​ဝဲ​လၢ​ပျုၤ​ပူၤ​န့ၣ်​လီၤ.​ ​ ​ ​ ​ ​ ​
 
လၢ​မုၢ်​ဟါ​လီၤ​တ​ခီ​ပှၤ​ဘၣ်​ထီၣ်​န့ၢ်​ဝဲ​ “​ပ့ၢ်​ပိၢ်​ဃၢၣ်”​ (မ့ၢ်တၢ်ဝဲာ်ပိၢ်ထီၣ်န့ၢ်ဘုတစဲးဒီးပအံတစဲး​ လၢသပၢၤ​ ဟီၣ်ခိၣ်ပူၤ)​ ဒီးဘၣ်လူလီၤဝဲဆူကီၢ်လဲၢ်တဘ့ၣ်န့ၣ်အပူၤလီၤ.မ့မ့ၢ်သပၢၤဟီၣ်ခိၣ်လၢအဝဲာ်ထီၣ်ပ့ၢ်ပိ​​​​ၢ်​ ဃၢၣ်ပိၢ်​ တဖျၢၣ်န့ၣ်ဘၣ်လဲၤစိာ်ထီၣ်၀ဲဆူဟံၣ်မဲာ်ညါဒီးဘၣ်ကွံာ်လီၤသ့ၣ်ဖးကွံာ်ဆူဟီၣ်ခိၣ်လိၤန့ၣ်လီၤ.အ​တၢ်​မ့ၢ်​တ​သ့ၣ်​ဖး​ဘၣ်​တ​ခီ​စံး​ဝဲ​လၢ​တ​ဂ့ၤ​ဘၣ်​န့ၣ်​လီၤ.ဖဲ​န့ၣ်​ဝံၤ​သး​ပှၢ်(သ​ရၣ်)တ​ဂၤ​ဘၣ်​သွဲၣ်​န့ၢ်​ဝဲ​ဝၣ်​က့​ဆံး​ဆံး​ဖိ​ခံ​ဘိ​ဘၣ်​တုၢ်​ထီၣ်​ဝဲ​သွဲၣ်​လး​ဒီး​ပ့ၢ်​ပိၢ်​လၢအ​လိၤ​ဒီး​စံး​ဝဲ​တ​န့ၣ်​မ့ၢ်​နါ​ဒိၣ်(တၢ်​သံ​ဒိၣ်​က​စၢ်)အ​မဲာ်​ချံ​ဒီး​ဘၣ်​စၢၢ်​လီၤ​စဲ​ၤဝဲလၢ​ဝၣ်​နီၣ်​ြတံာ်​အ​လိၤ​န့ၣ်​လီၤ.​ ​ဝံၤ​ဒီး​သး​ပှၢ်​အံၤ​ဟံး​ထီၣ်​ဝဲ​ကီၢ်​လဲၢ်​ဒီး​ဟး​ဖှံ​လီၤ​ဝဲ​ပ့ၢ်​ပိၢ်​ဃၢၣ်​ပိၢ်​တ​ဖၣ်​ဝး​တ​ရံး​ဟံၣ်​ဖိ​အ​က​ပၤ​န့ၣ်​လီၤ.​ ​ ​ပှၤ​အုၣ်​ထါ​ပ့ၢ်​​ပိၢ်​တ​နီၤ​မ့ၢ်ဒ်​အံၤ -

​ပ့ၢ်​ပိၢ်​ဘီ​ဘီ​ပ့ၢ်​ပိၢ်ဘီူ​​​​​​​​​​​​​​​​​​​​​​​​                       ပ့ၢ်​​ပိၢ်​​​​​​​ဝါ​​ဝါ​​​​​ပ့ၢ်​​​​​ပိၢ်​​​​​​​​​​​​​​​​​​​​ဝါ
​ပ့ၢ်​သွ့​ဘီ​ဘီ​ပ့ၢ်​သွ့​ဘီ                    ပ့ၢ်​သွ့​ဝါ​ဝါ​ပ့ၢ်​သွ့​ဝါ
​ပ့ၢ်​ပိၢ်​စှီၤ​လဲ​လိာ်​ယၢ်​ခီ                    ပ့ၢ်​ပိၢ်​စှီၤ​လဲ​လိာ်​ယၢ်​ပၤ
​ပ့ၢ်​သွ့​စှီၤ​လဲ​လိာ်​ယၢ်​ခီ                  ပ့ၢ်​သွ့​ဂီၤ​လဲ​လိာ်​ယၢ်​ပၤ
​ဖှံ​လီၤ​လၢ​​​ပျုၤခိၣ်ဟီၤဟီၤ              ဖံှလီၤ​လၢ​ပျုၤ​ခိၣ်​ဟၤ​ဟၤ
ဖှံလီၤလၢပျုၤခိၣ်ဟီၤဟီၤ              ဖှံ​လီၤ​လၢ​ပျုၤ​ခီၣ်​ဟၤ​ဟၤ
ခူၣ်သ့ၣ်မ့ၢ်မၤကိၢ်မၤဂီၤ                 ခူၣ်​သ့ၣ်​မ့ၢ်​မၤ​ကိၢ်​မၤ​နး
အီၣ်ဒုးနဲၣ်အပ့​ၢ်ပိၢ်ဘီ.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​အီၣ်​ဒုး​နဲၣ်​အ​ပ့ၢ်​ပိၢ်​ဝါ.

​ဖဲ​န့ၣ်​ဝံၤ​သး​ပှၢ်​အံၤ​ဘၣ်​ကိး​ထီၣ်ဝဲ​ “​ပ​က​အီၣ်​ထီၣ်​န့ၢ်​အ​တၢ်“​ ​ထဲ​န့ၣ်​တ​ဘျီ​ပှၤ​ဟဲ​စိာ်​ထီၣ်​ဝဲ​သံး​ဂၤကိ​ဂ​ၤ​ ကိ​ဖဲ​ဟံၣ်​ဖိ​အ​က​ပၤဝး​တ​ရံး,​ ​ပှၤ​ဘ့ၣ်​လီၤ​တၢ်​အီၣ်​တၢ်​​​အီ​အ​ဘိၣ်​တ​ဖၣ်​လၢ​အ​အၣ်​လၢ​ကီၢ်​လဲၢ်​ပူၤ,​ ​ထု​က​ဖၣ်​သၣ်​က​မဲၤ​တၢ်​ဝံၤ​ပှၤ​စံး​သ​ကိး​ဝဲ​ “​ဟဲ​အီၣ်တၢ်,​ ခဲ​အံၤ​ပ​ဟ့ၣ်​အီၣ်​နၤ​တၢ်​လီၤ”​ ​ဒီး​ပှၤ​ထၢ​နုာ်​န့ၢ်​အ​တၢ်​အီၣ်​ဆူ​ကု​ပူၤ,​ ​ထၢ​နုာ်​ဃုာ်​ဒီး​တၢ်​သံ​အ​ဘိၣ်​ဖိ​န့ၣ်ဆူ​ကု​ပူၤ​ဝံၤ​ပှၤ​စၢ​တံၢ်​ဃာ်​က့ၤ​ကု​အ​ခိၣ်​န့ၣ်​လီၤ.​ ဖဲ​ပှၤ​ထၢ​နုာ်​တၢ်​သံ​ဘိၣ်​ဖိ​ဒီး​တၢ်​အီၣ်​တၢ်​အီ​ဆူ​ကု​ပူၤ​ဒီး​စၢ​တံၢ်​ဃာ်က့ၤ​ကု​ခိၣ်​ဝံၤ​န့ၣ်​က​မျၢၢ်​တ​ဖၣ်​ဘၣ်​ဟီၣ်​သ​ကိး​န့ၢ်​ဝဲ​တၢ်​လၢ​ပှၤ​သံ​တ​ဂၤ​န့ၣ်​အ​ဂီၢ်​လီၤ.​ ပှၤ​အီၣ်​ထီ​တၢ်​ဝံၤ​ဒီး​ပှၤ​မုၣ်​က​နီၤ​ဖိ​သၣ်​ခွါ​တ​ဖၣ်​ဟံး​ထီၣ်​သ​ကိး​စု​စံၣ်​ဝးတ​ရံး​ဝဲ​ဟံၣ်​ဖိ​န့ၣ်​အ​လဲၤ​သၢ​ဝီ​အ​က့ၤ​သၢ​ဝီ​ဘၣ်​စံၣ်​ဆဲး​ထူ​ခီၣ်​ဆူၣ်​ဆူၣ်​ပှၤ​အ​စု​တ​ဘၣ်​ထူၣ်​ဖျဲး​နီ​တ​၈ၤ​ဘၣ်.​ ​ပှၤ​အ​စု​မ့ၢ်​ထူၣ်​ဖျဲး​က​ဘၣ်​စံ​က​ဒီး​ဝဲ​အ​သီ​တ​ဘျီ​က​ဒီး​လီၤ.​ ​ဖဲ​န့ၣ်​ဝံၤ​ကီၢ်​လဲၢ်​လၢ​ပှၤ​ထၢ​နုာ်​လီၤ​န့ၢ်​ပှၤ​သံ​တၢ်​အီၣ်​တ​ဘ့ၣ်​န့ၣ်​ပှၤ​ဘၣ်​လဲၤ​စိာ်​ဒွဲၣ်​အူ​ထီၣ်​ကွံာ်​ဝဲ​ဒီး​မ့ၣ်​အူ​လၢ​တၢ်​ပျီ​ပူၤ​န့ၣ်​လီၤ. အ​ဝဲ​အံၤ​မ့ၢ်​သၢ​သီ​တ​သီ​အ​တၢ်​ရဲၣ်​တၢ်​ကျဲၤ​န့ၣ်​လီၤ.

​လွံၢ်​သီ​တ​သီ(တၢ်​လဲၤ​ပာ်​လီၤ​က့ၤ​ပှၤ​သံ​အ​တၢ်​ဖိ​တၢ်​လံၤ​ဆူ​အ​လိ​ပူၤ)
လွံၢ်​သီ​တ​သီ​န့ၣ်ပှၤ​သး​ပှၢ်​တ​ဖၣ်​အုၣ်​ဝဲ​ထါ​စှၢၤ​လၢ​အ​မ့ၢ်​ဝဲ​ “​ထါ​ရာ်​နါ​ဒိၣ်”​ (ထါလၢတၢ်သံဒိၣ်ကစၢ်အဂီၢ်)​ န့ၣ်လီၤ.​ထါအံၤမ့ၢ်ပှၤဆိၣ်အၢဆိၣ်သီ,​ ကတိၤတရီပါတၢ်သံဒိၣ်(ခူၣ်​သ့ၣ်​ဃး​မီၤ)ဒီး​ဆၢ​သံ​ဆၢ​ပှၢ်​​​​​ရာ်​နါ​ဒိၣ်(တၢ်​သံ​ဒိၣ်​က​စၢ်)န့ၣ်​လီၤ.​ ထါ​ရာ်​နါ​ဒိၣ်(မ့​တ​မ့ၢ်)ထါ​ခူၣ်​သ့ၣ်​ဃး​မီၤ​တ​နီၤ​အ​ယၢၤ​မ့ၢ်ဒ်​အံၤ​ -
​
ခူၣ်​သ့ၣ်​တွံၢ်​နး​ယ​တွံၢ်​ဘီ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ခူၣ်​သ့ၣ်​ဒိၣ်​ကၤ​ယ​အီ​ကံ
​ခူၣ်​သ့ၣ်​ထုး​ခိၣ်​တ​လီၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ခူၣ်​သ့ၣ်​ကဲ​ယ​ကုၢ်​​​​​ခိၣ်​ခံ
ခူၣ်​သ့ၣ်​တွံၢ်​ဘီ​ယ​တွံၢ်​နး​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ခူၣ်​သ့ၣ်​ဒိၣ်​ကၤ​ယ​ဘံ​ကၤ
​ခူၣ်​သ့ၣ်​ယ​ထုး​ခိၣ်​လီၤ​လာ်.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ခူၣ်​သ့ၣ်​ကဲ​ယ​ကုၢ်​ယ​ပှၤ.
ခူၣ်​သ့ၣ်​အိၣ်​လၢ​သ့ၣ်​ဖျၢၣ်​ခံ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ခူၣ်​သ့ၣ်​ဒိၣ်​အ​လံၢ်​ကိၢ်​သွး
​ဃး​မီၤ​ဆိး​လၢ​သ့ၣ်​ဖျၢၣ်​​​​​​​​ခံ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ဃး​မီၤ​ဒိၣ်​အ​လံၢ်​ကိၢ်​သွး
လဲၤ​ဒၢၣ်​ထံ​စဲၤ​လီၤ​လၢ​ပျံၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ကိး​သ​ရၣ်​ယါ​အီၤ​တ​ဘျါ
​လဲၤ​ဒီၣ်​ဃိာ်​စဲၤ​လီၤ​လၢ​ပျံၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ကိး​သ​မါယါ​အီၤ​တ​ဘျါ
​ပျံၤ​မ့ၢ်​တဲာ်​ထံ​တၢၢ်​မ့ၢ်​ရံး​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ကိး​ကွၢ်​ကွၢ်​ပှၤဒ်​သိးယၤ
ခူၣ်​သ့ၣ်​ဒီး​ဒိၣ်​ဒီး​ဆံး.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ဖှှဲး​ခူၣ်​သ့ၣ်​အ​လံၢ်​လၢ​နး.

ခူၣ်​သ့ၣ်​ဒိၣ်​ဘှီ​အ​ဝ့ၢ်​အၢ ခူၣ်​သ့ၣ်​ပိာ်​ထး​ဂဲာ်​ကျီၢ်​နၢၤ
​ဃး​မီၤ​ဒိၣ်​ဘှီ​အ​ဝ့ၢ်​အၢ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ခူၣ်​သ့ၣ်​ဂဲာ်​လီၤ​တူၢ်​အ​စၢၤ
​ဘှီ​လၢ​သံၣ်​စံး​သ့ၣ်​တ​ကျၢၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ခူၣ်​သ့ၣ်​ဒူ​ဒူ​ယ​ဒူ​ယ​ဒူ​ဒူ
​ဘှီ​လၢ​ဝၣ်​စံး​ဝၣ်​တ​ကျၢၤ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ခူၣ်​သ့ၣ်​ယ​ဆှိ​လၢ​မ့ၣ်​အူ
​ဘှီ​လၢ​ဆံး​ဂုၤ​အ​စု​နၢ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ခူၣ်​သ့ၣ်​ဆှါ​ဆှါ​ယ​ဆှါ​ဆှါ
​ဆံး​ဂုၤ​ဆိၣ်​လီၤ​တူာ်​အ​စၢၤ.​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​  ခူၣ်​သ့ၣ်​ယ​ဖၢ​လၢ​ဖၣ်​ဆါ.
​​​​​
ဖဲ​ပှၤ​မၤ​ရၤ​နါ​ဒိၣ်​ထါ​အ​ဖၢ​မုၢ်န့ၣ်​ပှၤ​မၤ​ထါ​က​စၢ်​စိာ်​ဃုာ်​ဝဲ​ဒီး​မ့ၣ်​အူ​ခံ​တ​ခံ​လီၤ.​ တု​အ​မၤ​ထါ​ဝံၤ​တ​ဘျီ​ဃီ​ကွံာ်​ကွံာ်​မ့ၣ်​အူ​ခံ​အံၤ​ဆူ​တၢ်​ပျီ​ပူၤ​ဒီး​ဘၣ်​စံး​ထွဲ​ဝဲ​အခံ​ “​လူၤ​နါ​ဒိၣ်​တ​က့ၢ်”​ ​တုၤ​ပှၤ​မၤ​ထါ​ဝံၤ​လၢ​အ​ဟူ​ထီၣ်​ပှၤ​ဃံ​လၢ​ခံ​က​တၢၢ်​တ​နံၤ​န့ၣ်​ဘၣ်​တ​ယီာ်​လီၤ​က့ၤ​ဝဲ​အ​က​လၤ​လီၤ.​ “​ပှၤ​တ​ယီာ်​လီၤ​က့ၤ​ပှၤ​သံ​ကလၤ”​ ​န့ၣ်​ဘၣ်​မၤ​ဝဲဒ်​အံၤ​ -​ လၢ​မုၢ်​ထူၣ်​အ​က​တီၢ်​န့ၣ်​မၤ​န့ၢ်​ဝဲ​ဝၣ်​ဆံး​ကိာ်​ဖိ(မ့တ​မ့ၢ်)တ​ပိၢ်​ဖိ​ဂ့ၤ​ဂ့ၤ​တ​ဘိ​ဆဲး​တ​စွၤ​လီၤ​ဝဲ​ဆူ​ဃိာ်​စီၤ(ဟံၣ်ဆံးဆံးဖိ)အထူၣ်တထူၣ်အခီၣ်အခီၣ်ထံးဟီၣ်ခိၣ်လိၤဒီးလၢဝၣ်အခိၣ်စီးလိၤန့ၣ်စၢလီၤကစဲၤဝဲဒီး
လုၣ်တဘိလီၤ.​ လၢလုၣ်တဘိအလိၤန့ၣ်စၢဃာ်ဝဲပှၤသံအဃံသွဲၣ်လးတဆီ,​ ဘဲဘ့တဆီစၢဝဲဒ်န့ၣ်ယဲၢ်ဆီဃုဆီဝံၤ​​ လၢလုာ်အကတၢၢ်န့ၣ်စၢလီၤစဲကတၢၢ်က့ၤဝဲလၢထံဖှံၣ်တဘိလီၤ.​ ဝံၤအန့ၢ်ထိၣ်ဒ့ၣ်ဒံၣ်ချီမံတဖျၢၣ်ဒၢနုာ်ဃုာ်ဝဲ​ ဒီးမ့ၤပံပံာ်လၢခွးသလၢၣ်တဖျၢၣ်အပူၤဒီးပာ်လီၤဝဲလိၤလိၤလၢထံဖှံၣ်အဖီလာ်န့ၣ်လီၤ.​ ​တၢ်​အံၤ​ဝံၤ​ဒီး​ပှၤ​သံ​အ​ဘူး​အ​တံၢ်​တ​ဖၣ်​ဘၣ်​လဲၤ​ဆ့ၣ်​နီၤ​လၢ​ဃိာ်​စီၤ​က​ပၤ​ဒီး​ဘၣ်​အုၣ်​ထါဒ်​အံၤ​ -​

၁.​ သံ​ဒၣ်​ကီၢ်​လၢ​မှံၤ​အိၣ်​ရိ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​  ၂. သံ​ဒၣ်​ကီၢ်​လၢ​မှံၤ​အိၣ်​အါ
​​​ ​ ​ ​ ပှၢ်​ဒၣ်​ကီၢ်​လၢ​ပှၤ​အိၣ်​ရိ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ပှၢ်​ဒၣ်ကီၢ်​လၢ​ပှၤ​အိၣ်​အါ
   ဟီၣ်​အခိၣ်​ဆံ​ယဲၢ်​က​ထိ ​ ​ ​ ​ ​                           ဟီၣ်​အိ​ခၣ်​ဆံ​ယဲၢ်​က​ယၤ
​   ဟီၣ်​အ​ခိၣ်​ဆံ​ယဲၢ်​က​ထိ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ဟီၣ်​အ​ခီၣ်​ဆံ​ယဲၢ်​က​ယၤ
   ဟီၣ်​မ့ၢ်​ဝံၤ​အူ​ထီၣ်​ပီၤ​ဖိ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​​ ​ ​   ဟီၣ်​မ့ၢ်​ဝၤ​အူ​ထၣ်​ပိၤ​ဒွါ

အူ​မ့ၢ်​ဝံ​မၤ​ယုၢ်​မၤ​ယိၤ အူ​မ့ၢ်​ဝံၤ​မၤ​လုၢ်​အုၣ်​ထါ​ ​ဒီ​အ​ဂၤ​တ​ဖၣ်​န့ၣ်​လီၤ.

ဖဲ​ပှၤ​မၤ​လုၢ်​အုၣ်​ထါ​အ​ဖၢ​မုၢ်​ပှၤ​သံ​တ​ဂၤ​အံၤ​အ​ဘူး​အ​တံၢ်​တ​ဂၤ​ဘၣ်​ထိၣ်​တ​ရံး​ဝဲ​ထံ​ဖှံၣ်​တ​ဘိ​အံၤ,​ ​ဒီး​အ​ဘူး​အ​တံၢ်​အ​ဂၤ​တ​ဖၣ်​ဘၣ်​ဒိ​တ​ကျိာ်​ဝဲ​လီ​ခီ​အ​ခိၣ်​ဒူ​ဒီး​ဘၣ်​ကိး​ထီၣ်​ဝဲ​ပှၤ​သံ​တ​ဂၤအံၤ​အ​မံၤ​ဒီး​ဘၣ်​စံး​ဝဲ​ဒၣ် “ ----ဧၢ,​ ​ဟဲ​က့ၤ​လီၤ,​ဟဲ​က့ၤ​လီၤ​တက့ၢ်.​ သု​န​တ​အိၣ်​လၢၤ​တၢ်​ဖး​တၢ်​ဖး​ဖီ,​ ​သု​န​တ​အိၣ်​လၢၤ​လၢ​မံၤ​ခိၣ်​သိၣ်​လာ်​လၢၤ​တ​ဂ့ၤ,​ ​ဟဲ​က့ၤ​လီၤ​ဟဲ​က့ၤ​လီၤ.​ က့ၤ​က့ၤနဲ​ဆူ​န​သံၣ်​န​လိ,​ ​က့ၤ​က့ၤ​နဲ​ဆူ​တၢ်​မၣ်​တၢ်​ပၢၤ​အ​လီၢ်​ခဲ​က​နံၣ်​အံၤ​တ​က့ၢ်”​ ​ဘၣ်​ဒိ​တ​ကျိာ်​ဝဲ​လီ​ခီ​အ​ခိၣ်​ဒူ​တ​ခီ​ခီ,​ ​ဘၣ်​ထိၣ်​တ​ရံး​ဝဲ​ထံ​ဖှံၣ်​တ​ခီ​ခီ​ဒီး​ဘၣ်​တ​ယီာ်​လီၤ​က့​ၤ​ပှၤ​သံ​အ​က​လ​ၤ​န့ၣ်​လီၤ.
 
ပှၤ​တ​နီၤ​နီၤ​တ​ယီာ်​လီၤ​ပှၤ​သံ​အ​က​လၤဒ်​အံၤ​ဘၣ်​ဆၣ်​လီၤ​ဆီ​တ​ကဲ​ထီၣ်​အ​သးတၢ်​နီ​တ​မံၤ​ဘၣ်.​ ဘၣ်​ဆၣ်​ဒီး​တ​ဘျီ​ဘျီ​န့ၣ်ပှၤ​မ့ၢ်​တ​ယီၣ်​လီၤ​ပှၤ​သံ​အ​က​လၤဒ်​အံၤ​န့ၣ်​ဝၣ်​ဆံး​ဆံး​ဖိ​တ​ဘိ​န့ၣ်​က့ၣ်​လီၤ​ဒၣ်​အ​တၢ်,​ ​ဒီး​ထံ​ဖှံၣ်​တ​ဘိ​တ​ရံး​အ​သး​ဒၣ်​အတၢ်ဒ်​ယံာ်ဒ်​ခ့ျ​ထီၣ်,​ ​ဒံး​ယံာ်​ဒံး​ခ့ျ​ထီၣ်​တုၤ​လုၣ်​ထီၣ်​တဲာ်​မး​ြဖး​က​နာ်​ဖဲ​န့ၣ်​ပှၤ​ဘၣ်​ဘိး​ကၢ်​ကွံာ်​ဝၣ်​ဖိ​တ​ဘိ​န့ၣ်​ဒီး​ပှၤ​ဟီၣ်​မး​တၢ်​ဟၢၣ်​က​နာ်​ကိး​ဂၤ​ဒဲး​န့ၣ်​လီၤ.​ တၢ်​အံၤ​စံး​ဝဲ​လ​ၢ​ပှ​​ၤသံအ​က​လၤ​က့ၤ​တ​ပၢ​​ၢ်​ဒံး​ဘၣ်​ဒီး​ဟဲ​က့ၤ​လီၤ​က့ၤ​နၣ်​လီၤ.​ တၢ်​တ​မံၤ​အံၤ​လီၤ​လး​က​စီ​ဒီ​လီၤ.​ (လၢ​တၢ်​န့ၣ်​အ​ဃိ​ပှၤ​စူး​ကွံာ်​တၢ်​မၤ​တ​ခါ​အံၤ​တ​ကဲ​ဘၣ်​န့ၣ်​လီၤ)ဖဲ​န့ၣ်​ပှၤ​ဘၣ်​ချီ​န့ၢ်​ဆီ​ဒံၣ်​တ​ဖၣ်​ဟဲ​စိာ်​ဃုာ်​ဝဲ​ဒီး​မ့ၤ,​ ​ဘၣ်​အီၣ်​တၢ်​အီ​တၢ်​ဒီး​ပှၤ​သံ​အ​က​လၤ​လၢ​ဃိာ်​စီၤ​အ​ခီၣ်​ထ​ံး​လီၤ.ဘၣ်​ဒိ​သ့ၣ်​ဖး​ဝဲ​ဆီ​ဒံၣ်​ဘၣ်​အိး​ကွံာ်​ဝဲ​အ​ဖံး​ဝံၤ​ကိး​လီၤ​ပှၤ​သံ​က​လၤ​ဆူဃိာ်​စီၤ​အ​ပူၤ​န့ၣ်​ဝံၤ​ဘၣ်​စံး​ဝဲဒ်​အံၤ​ “​အ​အံၤ,​ ​နဲ​ဒၣ်​အံၤ​ပ​ဟဲ​အီၣ်​ယုၤ​က့ၤ.​ ပျံၤတၢ်တဂ့ၤဖုးတၢ်တဂ့ၤ,​ နဝံနကလၤန့ၣ်​ မ်အဟဲက့ၤအီၣ်မ့ၤအီထံတက့ၢ်”​ ဝံၤပှၤတ​ဖၣ်​န့ၣ်​သ့​အ​စု​ဝံၤ​အီၣ်​မ့ၤ​လီၤ.​ ​တုၤ​အ​အီၣ်​မ့ၤ​ဝံၤ​ဒီး​သ့​အ​စု​ဝံၤ​န့ၣ်​ဘၣ်​စံး​က​ဒီး​ဝဲ​ “​ ​နဲ​ဒၣ်​တ​ဂၤ​အံၤ,​ ​ခဲ​အံၤပ​အီၣ်​ယုၤ​န့ၢ်​န​မ့ၤ​န​ထံ​ဝံၤ​လံ​အိၣ်​လၢၤ​နဲ​လၢ​ဟီၣ်​ခိၣ်​ချၢ​အံၤ​လၢၤ​တ​ဂ့ၤ​ ​က့ၤ​က့ၤ​နဲ​ဆူ​မုၢ်​ဃိၣ်​မုၣ်​ဃါ,​ ​က​စၢ်​ထူ​က​စၢ်​ယွၤ​အ​အိၣ်​တ​က့ၢ်”​ ​ဝံၤ​စိာ်​ထီၣ်​ဃိၣ်​စီၤ​ဒီး​ဒုး​ဝံ​ထီၣ်​န့ၢ်​ကု​လၢ​အိၣ်​ဒီး​တၢ်​သံ​ဘိၣ်​ဖိ​တ​ဒု​န့ၣ်​လၢ​ပှၤသံ​တ​ဂၤ​အံၤ​အ​အူး​အ​တံၢ်​တ​ဂၤ​ဂၤ​ဒီး​ဘၣ်​လဲၤဆှၢ​လီၤ​က့ၤ​ဝဲ​ဆူ​ပှၤ​လိ​ပူၤ​ (တၢ်​သွၣ်​ခိၣ်)​ ​န့ၣ်​လီၤ.​ ​တုၤ​မ့ၢ်​အ​ဝဲ​သ့ၣ်​လဲၤ​တုၤ​ဆူ​တၢ်​သွၣ်​ခိၣ်​ဒီး​စံး​ဝဲ​ဒၣ်​ “​ ​ခဲ​က​နံၣ်​အံၤ​ပ​ဟဲ​ဆှၢ​က့ၤ​နၤ​တုၤ​ဆူ​န​သံၣ်​န​လိ​လံ,​ ​အိၣ်​တ့ၢ်​နဲ​ဖဲ​အံၤ”​ ​ဒီး​ဟဲ​က့ၤ​က့ၤ​ဝဲ​ဆူ​ဟံၣ်​န့ၣ်​လီၤ.
 
တၢ်​တ​စူၢ်​လၢ​အိၣ်​ဒီး​တၢ်​ကူ​တၢ်​ကၤ​အ​သီ​တ​ဘိၣ်​န့ၣ်​ပှၤ​ဃ့ၣ်​လီၤ​ကွံာ်​အီၤ​ဝံၤ​ပှၤ​ပာ်​ဂ့ၤ​ဃာ်​က့ၤ​အီၤ​လီၤ.​ ​မ့​မ့ၢ်​ပှၤ​ဖီ​အီၣ်​တၢ်​ဖၣ်​က​ပူၤ​ဒီး​ဃီ​လၢ​ပှၤ​စံၣ်​ထီၣ်​စံၣ်​လီၤ​လၢ​ဟံၣ်​ပူၤ​တ​ဘိ​န့ၣ်​ပှၤ​ဘၣ်​စူး​ကွံာ်​အီၤ​ဒီး​ဆီ​တ​လဲ​က့ၤ​အီၤ​လၢ​အ​သီ​န့ၣ်​လီၤ.​ ​တ​ဘျီ​အံၤ​လၢ​ဟံၣ်​ဝဲ​န့ၣ်​အ​ပူၤ​ပှၤ​တ​ဘၣ်​အုၣ်​လၢၤ​ထါပျှုၤ​ထါ​စှၢၤ,​ ​ပှၤ​တ​ဘၣ်​က​တိၤ​လၢၤ​တၢ်​သံ​တၢ်​ပှၢ်​အ​ဂ့ၢ်​လၢၤ​ဘၣ်.​ ​အ​အံၤ​မ့ၢ်​ပ​ပှၤ​က​လုာ်​က​ညီ​ဖိ​လၢ​အ​ဟံး​ဃာ်​ကျၢၤ​ဒံး​ဝဲ​မိၢ်​လုၢ်​ပၢ်​လၢ်​အ​တၢ်စူၢ်​တၢ်​နာ်​တ​ဖၣ်​ကုၢ်​စီ​မ့ၣ်​ပှၤ​သံ​အ​တၢ်​ ​လုၢ်​တၢ်​လၢ်​န့ၣ်လီၤ.