​ဖံ​ဖံ​အဲ​မၣ်

သီသံၣ်ကစၢၢ်အိၣ်သူၣ်လီၤအသးလၢကညီကီၢ်စဲၣ်ဒီးကရ့ၣ်နံၣ်ကီၢ်စဲၣ်အဆၢတီတီန့ၣ်လီၤ.လၢမုၢ်ထီၣ်တကပၤ
န့ၣ်ပှၢ်ဒိၣ်သ၀ီ,မုၢ်နုာ်တကပၤန့ၣ်လဲခံသ၀ီ,ကလံၤထံးတကပၤန့ၣ်ပဃိသ၀ီဒီးကလံၤစိးတကပၤန့ၣ်ဟံၣ်ဒီၣ်
ဃီၤသ၀ီတဖၣ်အိၣ်သူၣ်လီၤအသးန့ၣ်လီၤ.ကစၢၢ်သီသံၣ်ခိၣ်အံၤအကစီၤထီၣ်ထီလၢပီၣ်လဲၣ်အမဲာ်ဖံးခိၣ်၈၆၀၇
ခီၣ်ယီၢ်လီၤ.ကစၢၢ်အ၀ဲအံၤတၢ်စံး၀ဲလၢအသူအပှိၤဒီးအမံၤဟူသၣ်ဖျါ၀ဲလၢအမ့ၢ်ကစၢၢ်အသူအပှိၤလၢကညီကီၢ်
စဲၣ်အပူၤန့ၣ်လီၤ.လၢကစၢၢ်အံၤအတူၢ်လိၤအိၣ်ဒီးတၢ်သူတၢ်ပှိၤဒီးကညီသးပှၢ်လၢအမံၤဟူသၣ်ဖျါတနီၤအလီၢ်
အကျဲဒ်အမ့ၢ်ဖုကတၢၢ်လၢအမ့ၢ်ကညီသးပှၢ်လၢပျၢၤလၢအမဲာ်ထံၣ်ဒံး၀ံအလီၢ်အကျဲအိၣ်၀ဲစ့ၢ်ကီးလီၤ.

ဖုကတၢၢ်မ့ၢ်စ့ၢ်ကီး ဖုမီၢ်တီၢ်အဖိခွါသဒါန့ၣ်လီၤ. မ့ၢ်စ့ၢ်ကီးဖုကတၢၢ်ခူၣ်ဘီအလီၢ်,ဖုကတၢၢ်ဆဲးဘီအလီၢ်ဒီးဖုက
တၢၢ်သူၣ်ပလ့ၤဘိလၢအမ့ၢ် ၀ၣ်ြပံကဒံဖိတကလုာ်အလီၢ်န့ၣ်လီၤ. လၢညါပှၤလဲၤတၢ်က့ၤတၢ်လၢကစၢၢ်အံၤအ
လိၤပှၤနၢ်ဟူပှၤဆုအီၣ်ယီၢ်အီၣ်ဘုသီၣ်,ဆီအိၣ်အိသီၣ်,ဖိဒံဖိသၣ်ဂဲၤလိာ်ကွဲသီၣ်ဒီးတၢ်သီၣ်တၢ်သဲဒ်သ၀ီအိၣ်အ
သိးလီၤ,ဘၣ်ဆၣ်ပှၤတထံၣ်သ၀ီဘၣ်.လၢကစၢၢ်အံၤအတူၢ်လိၤအိၣ်စ့ၢ်ကီးဒီးကဆီ၀ါလၢအမ့ၢ်တၢ်သူတၢ်ပှိၤအ
လီၢ်အကျဲန့ၣ်လီၤ.ပှၤသါကမၤသံအီၤပှၤဆဲအီၤလၢမၢအလီၢ်,မၢန့ၣ်ကဲထီၣ်လၢလၢၢ်ဒီးအိၣ်တုၤမုၢ်မဆါတနံၤ
အံၤန့ၣ်လီၤ.

လၢကစၢၢ်အဒီခိၣ်န့ၣ်အိၣ်ဒီးတကီၤထူၣ်ဒီးတကျၢထူၣ်တဖၣ်လီၤဂာ်ဒံးပှၤသူၣ်ပာ်၀ဲ,ဒီးတၢ်ထူၣ်တၢ်ဘိတနီၤအိၣ်
ဒံး၀ဲတုၤခဲကနံၣ်အံၤန့ၣ်လီၤ. ဒ်န့ၣ်အသိးနိၣ်အလီၢ်အိၣ်၀ဲတဖျၢၣ်, လၢညါပှၤသးပှၢ်ဖဲန့ၣ်တဖၣ်တဲ၀ဲထံအိၣ်ထီ
လၢအလိၤလီၤ.ဘၣ်ဆၣ်တုၤကီၤလၤ၀ါသုးဟဲထီၣ်အိၣ်တဘျီနိၣ်အံၤလီၤသံးကွံာ်၀ဲဒၣ်န့ၣ်လီၤ.ကစၢၢ်သီသံၣ်အံၤ
မ့ၢ်ကစီၤထီၣ်ထီ၀ဲ၈၆၀၇ခီၣ်ယီၢ်ဘၣ်ဆၣ်ထံထီၣ်ပၢၢ်အိၣ်လၢအပျိၢ်ခိၣ်လီၤ.ကစၢၢ်အံၤအလိၤအိၣ်စ့ၢ်ကီးဒီးဆူဂီၤ, ဆူဘီလၢအမ့ၢ်တၢ်သူတၢ်ပှိၤတကလုာ်န့ၣ်လီၤ. လၢအပူၤကွံာ်ပှၤသးပှၢ်တဖၣ်တဲ၀ဲသံၣ်ဖိဖီဖိလၢအအိၣ်လၢက
စၢၢ်ဒီခိၣ်န့ၣ်နကွၢ်ဃံလၤဘၣ်ဆၣ်နဟဲက့ၤစိာ်သူၣ်အီၤလၢဟံၣ်တန့ၢ်ဘၣ်. နမ့ၢ်ဟဲက့ၤစိာ်နဟဲက့ၤကျဲတဘၣ်
လၢၤဘၣ်, နမ့ၢ်ပာ်ကွံာ်အီၤမးနဟဲက့ၤဆူဟံၣ်ဘၣ်လီၤ.


သီသံၣ််ခိၣ််အတၢ်ဘၣ်ထွဲွဲဒီးကညီဖိလၢကၠီၠီၣ်တဲၣ်ကီၢ်
ဖါတံၢ်မူစီး, လၢမဲးခးပူသ၀ီ, ကံၢ်မဲကီၢ်ရ့ၣ်အံၣ်အုထီၣ်အထါခံဆၢဒ်
အံၤ,
သီသံၣ်ခိၣ်ဒီးလီၤလၢယိၤ, ယိၤမၤကၤကျိၣ်မၤကၤမိၤ
သီသံၣ်ခိၣ်ဒီးလၢပယီၤ, ပယီၤမၤကၤအီၣ်ကဆီ
သီသံၣ်ခိၣ်ဒီးလီၤလၢဘှဲ, ဘှဲအိၣ်ဘှဲမၤလိၢ်မၤလဲ
သီသံၣ်ခိၣ်ဒီးလီၤမုၢ်နုာ်, ကညီအိၣ်ဖဲးသံၣ်ဖဲးခုး
သီသံၣ်ခိၣ်ဒီးထီၣ်ဒီးဆှဲ, ပှီၤဂီၤခိၣ်ဒီးထီၣ်ဒီးဆှဲ
ပှၤမှံၤလဲၤပှၤမှံၤစးကျဲ, ပှၤပှၢ်လဲၤပှၤပှၢ်စးကျဲ
တၢ်တစးကျဲမ့ၢ်ပဒဲ, လဲၤဒၣ်၀ဲဟးဖျိးဒၣ်၀ဲ

ဖါတံၢ်မူစီးစံး၀ဲဒၣ်လၢကညီဖိမ့ၢ်အိၣ်ြပံအိၣ်ြပါသနာ်က့အခီၣ်ထံးခီၣ်ဘိန့ၣ်ဟဲဒၣ်လၢသီသံၣ်ပှီၤဂီၤန့ၣ်လီၤ. ဒ်ထါတၢတဆၢပာ်ဖျါ၀ဲအသိးကညီဖိတဖၣ်
အတၢ်လုၢ်အီၣ်အသးသမူန့ၣ်မ့ၢ်တၢ်ဖဲးခုးဖဲးသံၣ်န့ၣ်လီၤ.ကညီဖိဒီးတၢ်ဖဲးခုးဖဲးသံၣ်န့ၣ်အိၣ်စဲဘူးလိာ်အသးန့ၣ်
လီၤ.အ၀ဲမ့ၢ်တလဲၤထံၣ်ဘၣ်သီသံၣ်ပှီၤဂီၤနီတဘျီၣ်နာ်သက့ဖဲအ၀ဲသ့ၣ်မၤတၢ်လုၢ်တၢ်ပါ်အခါယၢၤထီၣ်ဘၣ်သီ
သံၣ်ခိၣ်အမံၤန့ၣ်လီၤ.အ၀ဲပာ်လီၤအသးလၢအကလဲၤဟးဆူသီသံၣ်ခိၣ်န့ၣ်လီၤ.တၢ်ကီတၢ်ခဲမ့ၢ်အိၣ်ထဲလဲၣ်နာ်
သက့,အ၀ဲစံး၀ဲလကဘၣ်လဲၤတခီခီသံကွၢ်သံဒိးတၢ်တခီခီဒ်ထါလၢထးပာ်ဖျါ၀ဲအသိးန့ၣ်လီၤ.လၢတၢ်န့ၣ်အဃိ
ကစၢၢ်သီသံၣ်အံၤမ့ၢ်စဲဃဲၤကစၢၢ်အကါဒိၣ်တဖျၢၣ်လၢကညီဖိခဲလၢာ်အဂီၢ်န့ၣ်လီၤ.မ့ၢ်လၢကညီအလုၢ်လၢ်တၢ်ဆဲး
တၢ်လၤအိၣ်စဲဘူးအသးဒီးကစၢၢ်တဖျၢၣ်အံၤအဃိန့ၣ်လီၤ.

ဟံးန့ၢ်အီၤလၢကညီတၢ်စံၣ်ဃဲၤတဲဃဲၤလံာ်အပူၤ