​ဖံ​ဖံ​အဲ​မၣ်

တၢ်ထီဒါအီၣ်ဆါအဲးတလံၣ်လံာ်ဃံးဃာ်အံၤမ့ၢ်လၢ
၁. ဖဲပှၤလဲၤမၤလံာ်ဃံးဃာ်အံၤအခါကညီတပၣ်ဃုာ်နီတဂၤ
၂. တၢ်တဟံးန့ၢ်ကညီအတၢ်ဘၣ်သး
၃. တၢ်ဒုးအိၣ်ထီၣ်ထံကီၢ်သဲစးဘျီၣ်ဒိၣ်ပူၤ ကညီခၢၣ်စးစှၤ
၄. တၢ်တပာ်လၢၤကညီသုးမုၢ်နံၤ ဒ်လၢညါအသိးလၢၤဘၣ်
၅. တၢ်တပာ်ဖျါန့ၢ်ကညီကီၢ်လၢအဃ့၀ဲန့ၣ်နီတမံၤ
အဃိခ့ၣ်အဲၣ်ယူၣ်ကညီဒီကလုာ်စၢဖှိၣ်ကရၢတၢ်အိၣ်ဖှိၣ်(၁)ဘျီတၢ်စံၣ်ညီၣ်တဲာ်လၢတၢ်ကပာ်ဖျါဆူအဲကလံးပဒိၣ်
အိၣ်လၢကညီဖိတဖၣ်အတၢ်အၢၣ်လီၤဘၣ်သးတဖၣ်ဒီးလါမၢ်ရှး(၃၁)သီအနံၤအဲကလံးပဒိၣ် မ့ၢ်တစံးဆၢ၀ဲန့ၣ်

၁. စီၤဘးအူကၠံကဟးထီၣ်လၢကိတိာ်လီၢ်မ့ၢ်ဟးထီၣ်၀ံၤတၢ်စံးဆၢမ့ၢ်တဟဲဘၣ်ဒီး
၂.ကညီဖိတဖၣ်ကထီဒါခိၣ်ခံ(သပိတ်ေမှ၁က်)ဘျီၣ်ဒိၣ်တၢ်ဃုထၢအိၣ်ဒီးတၢ်ဃ့ထီၣ်ဆူ(ဖဆပလပ)ဒိၣ်အိၣ်ဒ်တၢ်
ဂ့ၢ်လၢလာ်တဖၣ်အံၤန့ၣ်လီၤ.

၁. ကီၢ်ရ့ၣ်လၢတန့ၢ်အခွဲးလၢကဃုထၢကညီဘျီၣ်ဒိၣ်ခၢၣ်စးဒ်အ့စ့ၣ်,ပကိ,ဟၣ်သၣ်၀တံၣ်,ဖၠၣ်ပူၣ်,
ဒ၀ဲၢ်ဘျံးတဖၣ်တၢ်ကဟ့ၣ်အါထီၣ်ဘျီၣ်ဒိၣ်ခၢၣ်စးခဲလၢာ် (၁၇)ဂၤ
၂. တၢ်ဃုထၢဘျီၣ်ဒိၣ်ခၢၣ်စးပူၤကညီခၢၣ်စးကဘၣ်ပၣ်၀ဲ (၂၅)ဂၤ
၃. တၢ်ကပာ်လီၤဆီကညီသုးဒ်လၢညါအသိး
၄. တၢ်ကအၢၣ်လီၤလၢတၢ်ကဟ့ၣ်ကညီကီၢ်
၅. လၢတၢ်ပၢတၢ်ြပးပူၤတၢ်ကဟ့ၣ်ကညီဖိတဖၣ်ဒ်ကညီနီၣ်ဂံၢ်အိၣ်၀ဲအသိးလၢ၀ဲၤကျိၤခဲလၢာ်
၆. တၢ်ကထၢကညီဖးဖီမုၢ်စရီ

တၢ်ဃ့ထီၣ်အံၤတၢ်စံးဆၢဟဲက့ၤဘၣ်ဆၣ်တကဲထီၣ်တၢ်သးမံလၢကညီဖိဂီၢ်ဘၣ်အဃိဖဲ  (၁၉၄၇)
နံၣ်လါအ့ြဖ့း (၄) သီအနံၤစီၤဘးအူကၠံဟးထီၣ်လၢကိတိာ်အလီၢ်ဘၣ်ဆၣ်တၢ်တတဲတူၢ်လိာ်ကညီဖိအတၢ်ဃ့
ဘၣ်မ့မ့ၢ်တခီဖဆပလပဒိၣ်ပဲာ်အၢပဲာ်သီကညီဖိတဖၣ်လၢအမ့ၢ်အဲကလံးအနီၢ်လဲၢ်တၢ်ဃ့ထီၣ်အံၤတမ့ၢ်ဒီကလုာ်
အတၢ်ဘၣ်မ့ၢ်ဒၣ်ပှၤတစှီၤဖိအဃိကညီတဖၣ်တီၣ်ထီၣ်လံာ်ကဒီးဆူပယီၤပဒိၣ်အိၣ်ဖဲ၁၉၄၈နံၣ်လါဖ့းြဘူၤအါရံၤ
(၃)သီလၢတၢ်ကဟ့ၣ်ကညီကီၢ်ဒီးတၢ်ကဟ့ၣ်တၢ်စံးဆၢလၢတလါတီၢ်ပူၤတချုးလါမၢ်ရှး(၃)သီဘၣ်န့ၣ်လီၤ.

ဒ်သိးတၢ်ဃ့အတယၢၢ်ကဃၢဒီးဒ်သိးကညီဒီကလုာ်သးလီတ့ၢ်လံကညီကီၢ်အသိးန့ၣ်တၢ်နဲၣ်လီၤလၢကညီလၢ
ကီၢ်ဒီဘ့ၣ်ညါကထီၣ်ဒုး
၄. နဲၣ်သးလၢတၢ်သးလီကညီကီၢ်လၢခူ၀့ၢ်တဖၣ်အပူၤဖဲ၁၉၄၈နံၣ်လါဖ့ၤဘူၤအါရံၤ(၁၁)သီအနံၤ
န့ၣ်လီၤ့မုၢ်နံၤအ၀ဲန့ၣ်ကညီလၢကီၢ်ဒီတဘ့ၣ်ညါထီၣ်ဒုးနဲၣ်ပါ်ဖျါသးလၢတၢ်သးလီကညီကီၢ်အိၣ်ဒီးတၢ်ကိးသြတီ
(၄)ထံၣ်လၢအမ့ၢ်၀ဲ-

(၁) (ဟ့ၣ်ကညီကီၢ်တဘျီဃီ)
(၂) (ဒုးနဲၣ်ကညီတဘးပယီၤတဘး)
(၃) (ကလုာ်တၢ်သဘံၣ်သဘုၣ်ပတသးလီ)
(၄) (ထံလီၢ်ကီၢ်ပူၤတၢ်ဒုးတၢ်ယၤပတသးလီ)

တၢ်ဂ့ၢ်လံွၢ်ထံၣ်တဖၣ်ဒီးအခီပညီမ့ၢ်၀ဲတၢ်သဘျ့တၢ်ထဲသိးတုၤသိးဒီးတၢ်သးလီတၢ်မုာ်တၢ်ခုၣ်တဖၣ်လီၤ.ကညီဖိ
တဖၣ်လၢကဒုးနဲၣ်ဖျါထီၣ်အသးလၢ၀့ၢ်ပူၤအဂီၢ်တၢ်တံာ်တာ်အိၣ်လၢဖဆပလပဒိၣ်အတၢ်တဲပျံၤတဲဖုးအ၀ဲသ့ၣ်
တနီၤနီၤခီဖျိတၢ်မၤတံာ်တာ်အ၀ဲသ့ၣ်လၢတၢ်လဲၤတၢ်က့ၤဒ်အမ့ၢ်တၢ်ကးတံၢ်မီထိၣ်ကျဲဒီးလ့ၣ်မ့ၣ်အူကျဲလၢတၢ်
လဲၤတၢ်က့ၤအဃိဟဲပါ်ဖှိၣ်အသးတတုၤဘၣ်,ဘၣ်ဆၣ်ပှၤပာ်ဖျါထီၣ်သးကအိၣ်၀ဲ(၄)ကလီၢ်အဘျဲၣ်အဃိမ့ၢ်တၢ်
ထိၣ်ဃူထိၣ်ဖိးပါ်ဖျါထီၣ်သးပှၤအအါကတၢၢ်လၢကီၢ်ပယီၤအတၢ်စံၣ်စိၤတဲစိၤအပူၤန့ၣ်လီၤ.
မုၢ်နံၤတနံၤအံၤ


(၁)ထိၣ်ဂဲၤထီၣ်ကညီတဖၣ်လၢထံရူၢ်ကီၢ်သဲးတၢ်ထံၣ်ဒီးသးလၢတၢ်အဲၣ်ပှၤကလုာ်ထံကီၢ်ဒီးတၢ်သဘျ့
(၂) ဒုးရိၣ်ဖှိၣ်ဃူဖိးကညီတဖၣ်အါကတၢၢ်
(၃) ဒုးအိၣ်ထီၣ်ကညီတဖၣ်လၢတၢ်သူၣ်ဒူသးဒူ
(၄) ဒုးကဲထီၣ်တၢ်ဟံးန့ၢ်ဆိတၢ်ခွဲးတၢ်ယာ်လၢထံရူၢ်ကီၢ်သဲးတကပၤ
(၅)ဒုးဟူထီၣ်သါလီၤကညီတဖၣ်လၢဟီၣ်ခိၣ်ချၢအဃိပသးပ့ၤနီၣ်အီၤတသ့ဘၣ်ဒီးပသ့ၣ်နီၣ်မၤလၤကပီၤအီၤ
ထီဘိန့ၣ်လီၤ.