လၢ - နီၢ် တ ယၢ် ဂီၤ
(မဲၢ် လး က ညီ ကိၠ ဖိ ပှာ် ဘျး စဲ က ရူၢ်)
ဘၣ် တ ဟါ ဖဲ ယ ဆ့ၣ် နီၤ အိၣ် ဘှံး အိၣ် သါ ဖဲ သူ မှဲ ကျိ ကၢၢ် ခိၣ် ဒီး ကွၢ် ဃီၤ ယဲ ဒၣ် တၢ် ဆူ ယိၤ ကီၢ် တ က ပၤ ဒီး က လံၤ ဖိ
တ ဖၣ် ဟဲ အူ ဘၣ် ယၤ မုာ် ဒိၣ် မး ဒီး သ့ၣ် နီၣ် ထီၣ် က့ၤ ယဲ ဒၣ် ပှၤ လၢ ယ
အဲၣ် တ ဂၤအ ဂ့ၢ် အ ကျိၤ ဒီး အ တၢ် ပာ်သး တ ဖၣ် န့ၣ် လီၤ. မၤ အ သး ဒ် သိး
ဒီး တ ဟါ ဖဲ ပှၤ လၢ ယ အဲၣ် အီၤ တ ဂၤ က လီၤ ဖး ဒီး ယၤ န့ၣ် လီၤ.
သ့ၣ်
နီၣ် ထီၣ် က့ၤ ယဲ ဖဲ လၢ ယ ထီၣ် ကၠိ က တီၢ် န့ၣ် လီၤ. ယ ထီၣ် ကိၠ တ နံၣ်
အံၤ ယ ထံၣ် ဘၣ် ယဲ ဒၣ် မုၣ် လိၣ် ဘိ တ ဂၤ အံၤ လီၤ ထုး န့ၢ် သူၣ် ထုး န့ၢ် ယ
သး န့ၣ် လီၤ. ဒီး တ ဘျီ ဃီ ယ အဲၣ် ခူ သူၣ် ဘၣ် အီၤ လီၤ. ဒီး ယ မၢ ယ သ ကိး
တ ဂၤ ရဲၣ် ကျဲၤ န့ၢ် တၢ် လၢ ယ ဂီၢ် ဒ် သိး ယ က ဒီတၢ် အဲၣ် တီ ဒီး အီၤ
လီၤ. ဒ် ယ တၢ် ဆၢ မုၢ် လၢ် အ သိး က ယံာ် ၀ဲ တ လါအ ဘျဲၣ် ဒီး အီၤ ဒီး ယၤ ပ
ကဲ ထီၣ် နီၢ် ဒီ တၢ် အဲၣ် တီ လီၤ. ပ ကဲ ထီၣ် ဒီ တၢ် အဲၣ် တီ က ယံာ် ၀ဲ တ
လါ ခံ လါ ဒီး ယ သံ ကွၢ် အီၤ တၢ် က တိၤ တ ဖျၢၣ် နီၢ် ထူ ဧၢ - မ့ၢ် ခါ ဆူ ညါ
န တၢ် တိာ် န တၢ် မုၢ် လၢ် မ့ၢ် မ နုၤ လဲၣ်. ကွၢ် ဃီၤ ယ မဲာ် ဒီး အ ၀ဲ တဲ
ဆၢ ယၤ ခါ ဆူ ညါ ယ က မ့ၢ် ပှၤ လၢ အ မၤ စၢၤ တၢ် လၢ ယ ပှၤ က လုာ် တ ၀ၢ ပူၤ
လီၤ , ဒီး အ ဂၤ တ ခါ မ့ၢ် ၀ဲ ယ က ကဲ ပှၤ လၢ အ လဲၤ ဃုာ် တၢ်ဒီး နၤ လၢ ယ တၢ်
အိၣ် မူ အ ပူၤ လီၤ.
အ
၀ဲ သံ ကွၢ် ယၤ နၤ တ ခီ မီၤ - ယ တဲ ဆၢ အီၤ လၢ မ့ မ့ၢ် ယၤ ဒု တ လီၤ တံၢ်
ဘၣ် ယ က ကွၢ် လၢ ယ ပါ က ကျဲၤ န့ၢ် ယၤ လီၤ. ဒ် ယ ပါ မ့ၢ် ပှၤ လၢ မၤ တၢ် လၢ
သုး က သံၣ် သ ရၣ် တ ဂၤ အ သိး မ့ၢ် ယ က ဘၣ် ပိာ် ထီၣ် အ ခံ ဧါ. မ့ မ့ၢ် ယ
တၢ် ပာ်သး တ ခီ ယ အဲၣ် ဒိး မၤ တၢ် လၢ သုး ပ့ၢ် ဆါ တ က ပၤ လီၤ. အ ဂၤ တ ခါ ထီ ဘိ
ယ ဆၢ အိၣ် ဘူး ဒီး နၤ လီၤ. ယ တဲ တၢ် ဒီး အီၤ ၀ံၤ ဒီး ယ က့ၤ လၢ ယ ဟံၣ်
လီၤ. အီၤ စ့ၢ် ကီး က့ၤ က့ၤ ၀ဲ ဆူ အ ဟံၣ် လီၤ. မုၢ် ဂီၤ ထီၣ် ဒီး ယ လဲၤ
ထီၣ် ဆူ ကိၠ ဒိး ယ မၤ လိ တၢ် ဒီ တ နံၤ ကျၢၤ န့ၣ် လီၤ. မၤ က ဒီး လၢ ခံ တနံၤ
ဘၣ် ဖဲ မုၢ် လ့ၢ်ဧိၤ နံၤ ဂီၤ ခီ ယ ဂဲၤ ဆၢ ထၢၣ် ယ သး တ ဖှံ ဘၣ် ယ ထီၣ် ကိၠ
ဒီ တ နံၤ ကျၢၤ ယ သး တ အိၣ် တ မၤ လိ ဘၣ် တုၤ မုၢ် ဘၣ် လၢ ကိၠ ပျၢ် ဒီး ယ
ဟဲ က့ၤ လီၤ ဆူ ဟံၣ် ဒီး လံာ် ပ ရၢ တ ဘ့ၣ် ဟဲ တုၤ ဆိ လၢ ယ မဲာ် ညါ တ စဲး
လီၤ. ယ က့ၤ တုၤ ဒီး ယ မုဂါ ဟ့ၣ် လီၤ ယၤ ဒီး ယ အိး ထီၣ် ကွၢ် ဒီး ထံၣ် ယဲ
တၢ် ပ ရၢ တ ဘ့ၣ် ကွဲး အ သး ဒ် အံၤ လီၤ.
ဆူ
“ဖိ
ခွါ အိၣ် -- ခဲ အံၤ မ့ၢ် လၢ န ပၢ် တ ဂၤ တ ၢ် မုၢ် လၢ် လၢၤ လံ အ ဃိ န မ့ၢ်
ထံၣ် လီၤ တၢ် ပ ရၢ အံၤ ဟဲ က့ၤ လီၤ လၢ သ ၀ီ အံၤ လၢ အ ချ့ တ က့ၢ်. ပှဲၤ အံၤ
လီၤ. ခီ ဖျိ - န မိ”
တုၤ
မ့ၢ် ယ ဖး အီၤ ၀ံၤ ဒီး ယ တဲ ဘၣ် ယ မုဂါ တၢ် ဂ့ၢ် တၢ် ကျိၤ ၀ံၤ ဒီး ယ မၢ ယ
မု ဂါ ဃု န့ၢ် ယၤ သိ လ့ၣ် ဒီး ခဲ မုၢ် ဆ့ၣ် ယ က က့ၤ လီၤ ဆူ ယ မိ အ အိၣ်
လီၤ. မုၢ် ဟါ လီၤ ယ လဲၤ ဟး ဆူ နီၢ် ထူ အ အိၣ် ဒီး ယ တဲ ပၠး အီၤ တၢ် ဂ့ၢ် တ
ဖၣ် ၀ံၤ ဒီး ယ တဲ အီၤ ခဲ မုၢ် ဆ့ၣ် ယ က က့ၤ လီၤ က ယံာ် က တၢၢ် က ယံာ် ၀ဲ
သၢ သီ မ့ တ မ့ၢ် လွံၢ် သီ န့ၣ် လီၤ. ယ တဲ အီၤ ယ က က့ၤ ပာ်လီၤ နီၤ. ထံၣ်
လိာ် က့ၤ ပ သး လၢ ယ ဟဲ က့ၤ ထီၣ် နီၤ. ယ က့ၤ ဒီ တ နၤ ယ မံ တ န့ၢ် ဘၣ်. မုၢ်
၀ါ ထီၣ် ယ ဒိး ထီၣ် သိ လ့ၤ ဒီး ယ က့ၤ ဆူ ယ သ ၀ီ လီၤ. ယ က့ၤ တုၤ ဒီး ယ မၤ
၀ံၤ ယ ပၢ် အ တၢ် လဲၤ ပူၤ ကွံာ် ဟီၣ် ခိၣ် ၀ံၤ အီၤ ယ အိၣ် ဘှံး တ သီ ၀ံၤ ယ က
ဟဲ က့ၤ ထီၣ် လီၤ. တ ချုး ယ ဟဲ က့ၤ ထီၣ် ဘၣ် န့ၣ် ယ မိ တဲ ယၤ “ ဖိ ခွါ ဧၢ တ
ချုး န ပၢ် သး သ မူ ဟး ထီၣ် ဒံး ဘၣ် န့ၣ် မၤ လိာ် ထွဲ ၀ဲ ဒ် အံၤ လီၤ. ယ
ဖိ ခွါ တ နံၣ် အံၤ မ့ၢ် ဖျိ က ဘၣ် နုာ် လီၤ မၤ တၢ် လၢ ယ လီၢ် လီၤ. လၢ တၢ်
ပၢၢ် ဆၢ တ က ပၤ ယ တ ဆၢ လၢ ယ စၢၤ က လီၤ တူာ် ဘၣ်. ယ မိ တဲ ၀ဲ မၤ လိာ် တၢ်
၀ံၤ ဒီး သး သ မူ ဟး ထီၣ် ကွံာ် ၀ဲ လီၤ.
လၢ
ယ တၢ် သး ဘၣ် ဒိ အ ပူၤ ယ တဲ အီၤ လၢ မ့ၢ် မိ --- ယ က မၤ တၢ် လၢ ယ ပၢ် အ
လီၢ် လီၤ. ယ မ့ၢ် ဖျိ န မ့ၢ် ဟ့ၣ် ယၤ အ ခွဲး ယ က မၤ သ ပှၢ် က တၢၢ် လီၤ. တုၤ
တၢ် ဆၢ က တီၢ် ဘၣ် ဒီး ဒိး ထီၣ် သိ လ့ၣ် ဒီး ၀ံၢ် ၀ၢ် ယ စု ဒီး ယ မိ ၀ံၤ ယ
ဟဲ က့ၤ ဆူ ယ တၢ် မၤ လိ လီၢ် လီၤ. တုၤ မ့ၢ် ယ က့ၤ ထီၣ် တုၤ ဒီး တ ဘျီ အံၤ
လၢ ယ တၢ် ဆၢ မၤ လၢ ပှဲၤ ယ ပၢ် အ တၢ် မုၢ် လၢ် အါ ကျဲး စၢး ယဲ ဒၣ် လီၤ. ဒီး
ယ ထုး ယံာ် ထီၣ် ယ သး ဒီး နီၢ် ထူ လီၤ. ယ ထုး ယံာ် ယ သး ဘၣ် ဆၣ် ထီ ဘိ ဒ်
တ ဘျီ အ ခါ အ ၀ဲ အၢၣ် လီၤ ယၤ အ သိး အ ၀ဲ အိၣ် ဘူး ဒီး ယၤ , ဟဲ ဟး အိၣ် သ
ကိး ယၤ လၢ ဟံၣ် ထီ ဘိ ဖဲ ကိၠ အိၣ် ဘှံး က တီၢ် လီၤ. အ ၀ဲ ဟ့ၣ် ဆူၣ် ထီၣ် ယ
သး အ ဂံၢ် အ ဘါ ဒီး အ ၀ဲ နၢ် ပၢၢ် ယ တၢ် တူၢ် ဘၣ် တ ဖၣ် လီၤ. ဘၣ် ဆၣ် ယ
တဲ အီၤ လၢ နီၢ် ထူ ဧၢ “ နၤ ဒီး ယၤ ပ ၀ဲ ခံ ဂၤ အံၤ ပ မ့ မ့ၢ် က့ၤ တံၤ သ ကိး
ဒု က ဂ့ၤ န့ၢ် ဒ် ပ ဒီ တၢ် အဲၣ် တီ လီၤ.
အ
၀ဲ တ တဲ ဆၢ တၢ် နီ တ မံၤ ဘၣ် ဒီး အ ၀ဲ ဆိ လီၤ အ ခိၣ် ဒီး အ မဲာ် ထံ လီၤ
ဒီး ယ တဲ အီၤ တ ဘၣ် ဟီၣ် တ ဂ့ၤ ခါ ဆူ ညါ ဒ် ပ တၢ် မုၢ် လၢ် မ့ၢ် လၢ ပှဲၤ
န့ၣ် ပ တၢ် ဟဲ ၀ံ မ့ၢ် လီၤ ဃုာ် သ ပှၢ် က တၢၢ် န့ၣ် ပ က ထံၣ် ဘၣ် လိာ် ပ
သး ဒီး ပ က အိၣ် ဘၣ် တ ပူၤ ဃီ လီၤ. လၢ မဲာ် ထံ မဲာ် နိ ပူၤ ဒီး တဲ ဆၢ ယၤ
မ့ မ့ၢ် ဒ် န့ၣ် န့ၣ် ယ က အိၣ် ခိး နၤ တုၤ န တၢ် မုၢ် လၢ် လၢ ပှဲၤ နီၤ.
ဒီး ယ တဲ အီၤ တီ ဒီး န က လုၢ် နီၤ အ ၀ဲ တဲ ယၤ ထီ ဘိ က တီ ဒီး နၤ လီၤ.
စး
ထီၣ် ဖဲ န့ၣ် ပ ၀ဲ ခံ ဂၤ အံၤ ပ ပာ် လီၤ က့ၤ ပ သး ဒ် သိး ဒီး တံၤ သ ကိး
ဒီး ပ ထီၣ် ကၠိ တ ပူၤ ဃီ , သူၣ် ဖှံ သး ညီ တ ပူၤ ဃီ ဒီး သး အုး အုး ဒ် သိး
လီၤ. ဘၣ် ဆၣ် အ ၀ဲ မ့ မ့ၢ် မၤ တၢ် တ မံၤ မံၤ န့ၣ်အ ၀ဲ တ တဲ စိ ယၤ နီ တ
ဘျီ ဘၣ်. မ့ မ့ၢ် ယၤ ထီ ဘိ ယ ဒုး သ့ၣ် ညါ အီၤ လီၤ. ဘူး ထီၣ် လၢ နံၣ် က
တၢၢ် တၢ် ဒိး စဲး က ဘၣ် အ ဆၢ က တီၢ် နီၢ် ထူ ထီၣ် ကိၠ တ သီ လီၤ မၢ် တ သီ
ခံ သီ မၤ ၀ဲ ဒ် န့ၣ် လီၤ. ဘၣ် တ ဟါ ယ လဲၤ လၢ အ အိၣ် ဒီး ယ သံ ကွၢ် အီၤ န
အိၣ် တ ဆူၣ် ဘၣ် ဧါ. အ ၀ဲ တဲ ယၤ လၢ မ့ၢ် ယ အိၣ် တ ဆူၣ် ဘၣ်. ယ ထီၣ် ကိၠ
စ့ၢ် ကီး တ မုာ် ဒ် သိး လၢ ညါ လၢၤ ဘၣ်.
ယ
ပိၣ် သ ကိး တဲ သ ကိး တၢ် တ စိၢ် ဖိ ဘူး ထီၣ် လၢ မုၢ် က ဟါ လီၤ က တီၢ် ယ
က့ၤ ဆူ ယ ဟံၣ် ဒီး ယ ကျဲး စၢး ယဲ လီၤ. အိၣ် တီၢ် ထဲ တ နွံ လီၤ က ဘၣ် နုာ်
လီၤ တၢ် ဒိး စဲး လီၤ. တ ထံၣ် နီၢ် ထူ ဟဲ ထီၣ် ကိၠ လၢၤ , ယ လဲၤ ဃု လၢ အ ဟံၣ်
ယ တ ထံၣ် ယ လဲၤ သံ ကွၢ် အ မိ ဒီး အ မိ တဲ ယၤ လၢ “ဖိ ဒ်ၣ် ခွါ -- တ နွံ
အံၤ လၢာ် ပ ဟံၣ် ဖိ ဃီ ဖိ ပ က ဘၣ် ဟး ထီၣ် လၢ ကီၢ် သၢ ဘ့ၣ် တ ဘ့ၣ် လီၤ. လၢ
တၢ် ဂ့ၢ် ဒ် အံၤ အ ဃိ န သ ကိး မုၣ် နီၢ် ထူ က့ၤ လီၤ ဟး ဆူ သ ၀ီး ဆူ အ ဖံ
အိၣ် ဖု အိၣ် ဃုာ် ဒီး အ ပါ ဒီး အ ပုၢ် တ ဂၤ လီၤ. ယ တဲ အီၤ ဒ် န့ၣ် တ ခီ
နီၤ မု ဂါ လီၢ် ဂၤ ၀ဲ တ ထံၣ် အ ထီၣ် ကိၠ လၢၤ ဘၣ်. ယ တဲ သ ကိး တၢ် ဒီး အ မိ
၀ံၤ ယ တဲ အီၤ မု ဂါ ယ က က့ၤ လီၤ နီၤ. အ မိ တဲ ယၤ ဖိ ဒိၣ် ခွါ ကျဲ စၢး
ဆူၣ် ဆူၣ် နီၤ. ယ နၢ် ဟူ လၢ န ပါ မ့ၢ် ပှၤ စဲး နီၢ် လီၤ. မၤ တုၤ န ထီၣ် လၢ
န ပါ အ လီၢ် န့ၣ် တ က့ၢ်. ယ အၢၣ် လီၤ အီၤ “မ့ၢ်.”
က
ဘၣ် ဖဲ မုၢ် ဘူၣ် နံၤ ဟါ မ့ တ မ့ၢ် မုၢ်ဒဲး မုၢ်ခီၣ်ထံးနံၤဟါ နီၢ် ထူ ဟဲ
ဆူ ယ အိၣ် ဒီး တဲ ယၤ စီၤ လ့ ဂီၤ ဧၢ. နၤ ဒီး ယၤ ဒု တ တၢ် ဟဲ ၀ံ ဒု က အိၣ်
ဒ် အံၤ လီၤ. ယ နၢ် ဟူ လၢ အ ၀ဲ ကိး ယ မံၤ တ ဘျီ အံၤ ယ ဖုး ဘၣ် ယ သး လီၤ. ယ
ပာ်ယ သး ဒ် သိး ယ တ သ့ၣ် ညါ ဘၣ် အ သိး ဒီး ယ သံ ကွၢ် န တဲ တၢ် မ နုၤ လဲၣ်.
အ ၀ဲ တဲ ယၤ လၢ မုၢ် ဟး ထီၣ် Monday ယ
က ဘၣ် ဟး ထီၣ် လီၤ. ယ သံ ကွၢ် အီၤ န တဲ တၢ် န့ၣ် အ နီၢ် ကီၢ် ဧါ - အ ၀ဲ
တဲ ယၤ နီၢ် ကီၢ် လီၤ. - ယ တဲ အီၤ ယ သ့ၣ် ညါ ပာ် စၢၤ ဖး ယံာ် လံ လၢ န တ
အိၣ် ဘၣ် န က့ၤ လီၤ ဆူ သ ၀ီ လံ န့ၣ် လီၤ. ယ သံ ကွၢ် အီၤ ဘၣ် မ နုၤ န တ တဲ
စိ ယၤ လဲၣ်. အ ၀ဲ တဲ ဆၢ ယၤ လၢ ယ မ့ၢ် တဲ စိ နၤ န့ၣ် ယ ဘၣ် ယိၣ် လၢ ယ တ
အိၣ် ဘၣ် လၢ န က ပၤ လၢၤ ဘၣ်. ဒီး ယ တဲ အီၤ လၢ န တၢ် လဲၤ တ ဘျီ အံၤ ဒု ယ
ဟ့ၣ် နၤ တၢ် တ အိၣ် နီၤ တ မံၤ ဘၣ်. ယ က တဲာ် က တီၤ ဃာ် နီၢ် တ ယၢ် တ ဘ့ၣ်
လၢ န ဂီၢ် လီၤ.
န
မ့ၢ် က ညီ ဖိ အ သိး န မ့ၢ် တုၤ လၢ က လုာ် ဂၤ ကျါ ဒီး ထီ ဘိ ပာ် ဒိၣ် န
ကျိာ် ဒီး တၢ် ဆဲး တၢ် လၤ တ က့ၢ်. အ ၀ဲ တဲ ယၤ လၢ နဲ ဒၣ် စ့ၢ် ကီး မၤ လၢ
ပှဲၤ န တၢ် မုၢ် လၢ် ဒီး န ပၢ် အ တၢ် မုၢ် လၢ် တ က့ၢ်. န မ့ၢ် နာ် ယၤ လၢ က
ညီ မုၣ် တ ဂၤ န့ၣ် အိၣ် ခိး ယၤ တုၤ ယ ဟဲ က့ၤ တုၤ ဆူ န အိၣ် တ က့ၢ်. ဒီး ယ
တဲ အီၤ မ့ၢ် ခဲ အံၤ ခီ ဖျိ လၢ ခဲ မုၢ် ဆ့ၣ် န က ဘၣ် လဲၤ တၢ် ဒီး ယၤ စ့ၢ်
ကီး က ဘၣ် နုာ် လီၤ တၢ် ဒိး စဲး ပူၤ လီၤ. တၢ် ဒိး စဲး ၀ံၤ ဒီး ယ မၤ နၢၤ တၢ်
လီၤ. တုၤ မ့ၢ် တၢ် ဆၢ က တီၢ် ဘၣ် လၢ ကိၠ ပျၢ် အ မူး ဒီး ယ လဲၤ ဟံး န့ၢ်
လံာ် အုၣ် သး လီၤ. သး တ ဖှံ ဘၣ် ခီ ဖျိ ယ မိ တ ဟဲ ယ ပါ တ အိၣ် လၢ , ပှၤ လၢ ယ
အဲၣ် အီၤ တ ဂၤ စ့ၢ် ကီး က ဟဲ သး ဖှံ ဒီး ယၤ တ အိၣ် ဘၣ် အ ဃိ လီၤ. တၢ်
ရဲၣ် တၢ် ကျဲၤ ၀ံၤ ပ က့ၤ ဆူ ဟံၣ် ဒီး အိၣ် ဘှံးလီၤ.
ပှၤ စဲ ဆှၢ လံာ် ဆူ ယ အိၣ် ဒီး ကွဲး အ သး ဒ် အံၤ လီၤ.
ဆူ
ဖိ ဒိၣ် ခွါ စီၤ လ့ ဂီၤ အိၣ်
တ
နံၤ အံၤ န တၢ် မၤ လိ ၀ံၤ လံ , န ပၢ် တဲ ၀ဲ လၢ တၢ် မၤ လိ မ့ၢ် ၀ံၤ န က ဘၣ်
နုာ် လီၤ မၤ တၢ် လၢ အ လီၢ် အ ဃိ အ ခဲ အံၤ ပ ဒုး သ့ၣ် ညါ နၤ ဒီး ပ ကွဲ
မုာ် နၤ လီၤ.
ယ
သး ခု ဒိၣ် မး လၢ တၢ် ကွဲ မုာ် အ ဃိ လီၤ. တ ဘျီ ဃီ ယ က့ၤ ဆူ ယ မိၢ် အိၣ်
၀ံၤ ယ တဲ ယ မိၢ် တၢ် ဂ့ၢ် ၀ံၤ ဒီး ယ လဲၤ ဆူ တၢ် ပၢၢ် ဆၢ တၢ် မၤ ဒီး ယ ထီၣ်
တၢ် မၤ လိ က ယံာ် ၀ဲ တ နံၣ် ဘျဲၣ် ဒီး ယ ဟဲ က့ၤ အိၣ် ဘှံး လၢ ယ က စၢ် သုး
ပၣ် ဒၣ် ၀ဲ လီၤ.
ဖဲ ယ အိၣ် ဘှံး ဒီး အိၣ် သါ က တီၢ် လဲၤ ဟး လိာ် ကွဲ လၢ သူ မှဲ ကျိ ကၢၢ် ခိၣ် လီၤ. ဒီး ဆ့ၣ် နီၤ ဆိ က မိၣ် ထီၣ် က့ၤ က ညီ မုၣ် တ ဂၤ အ တၢ် က တိၤ လၢ “န မ့ၢ် နာ် ယၤ လၢ က ညီ မုၣ် တ ဂၤ န့ၣ် အိၣ် ခိး ယၤ နီၤ ထီ
ဘိ ယ အိၣ် ခိး အီၤ လီၤ. ဒီး တၢ် ဆၢ က တီၢ် ပူၤ ကွံာ် လံ အ ဃိ တ ချုး ယ
က့ၤ ထီၣ် ဆူ ယ ဒဲ ပူၤ ဘၣ် , ယ ဟံ န့ၢ် လၢၢ် တ ဖျၣ် ဒီး ကွံာ် လီၤ ယဲ ဆူ ထံ
ကျိ ပူၤ ဒီး ယ ဟဲ က့ၤ ယဲ လီၤ.
တၢ် ဘျုး. . . . .ပှၤ ဖး လံာ် ဖိ ကိး ဂၤ/မ် သု ဘၣ် အ မုာ် တ က့ၢ်. (သး ပ့ၢ် ဆှါ ဆူ တၢ် မၤ နၢၤ)
http://www.ksngkaren.org/2012/08/blog-post_18.html
