ဟဲ လၢ - မီၣ် ဂ့ၤ
တၢ် အဲၣ် တီ ပ ဆိ မိၣ် အီၤ ,
ပှၤ အါ ဂၤ အ သး လီၤ ဘှံး
ခီ ဖျိ လၢ တၢ် အဲၣ် အ ပျံၤ
မ့ၢ် လၢ တၢ် အဲၣ် သ ဟီၣ် ဆူၣ်
ဖီ တၢၣ် တ တုာ် အိၣ် ဒီ ဒူၣ် ,
ဘူး က ဖျိ ထီၣ် တၢ် မၤ လိ
န့ၢ် ဖိ န့ၢ် ၀ၤ အိၣ် ထီ ဘိ
က တဲ သု ဒ့ မုၣ် ဒ့ ဖိ
ဂုၤ ကျဲး စၢး ဆိ တၢ် မၤ လိ ,
တၢ် ကူၣ် သ့ မ့ၢ် အိၣ် ဒီး ပှၤ
ပှၤ သူ ပှၤ တၢ် လီၢ် ကိး ပၤ
မ့ၢ် ပၤ တၢ် အဲၣ် ပၤ ခုၣ် ခုၣ်
က ညီ ခွါ ဒီး က ညီ မုၣ် ,
တ နီၤ ဘၣ် ကွၢ် ဆၢၣ် မဲၤ ဒီး
တၢ် သး ဖှီၣ် တၢ် သး ဟး ဂီၤ
တၢ် အိၣ် သး မ့ၢ် တၢ် အ ဘၣ်
ပ သး စၢ် ထီ ဒါ ၀ ဲဒၣ် ,
ဃု ကျဲ ထဲ မၤ မုာ် အ သး
ကဲ ထီၣ် ပှၤ ဟး ဂီၤ အါ မး
နံၤ က မှံ လၢ ကျဲ က ပၤ
ပ ကွၢ် ဒီး ဘၣ် ဒိ ပ သး ,
ဟ့ၣ် က လီ ကွံၤ အ နီၢ် ခိ
ဆူ မုာ် ဖံး မုၣ် ညၣ် အ ဃိ
သး စၢ် န့ၣ် အိၣ် ဒီး ခွဲး ယာ်
သူ န့ၣ် သူ လၢ တၢ် သး ဆး ,
ဆၢ က တီၢ် ကိး နံၤ ကိး နာ်
ထီ ဘိ ဘၣ် ပ လီၢ် ပ သး
မ့ၢ် ဘၣ် ဃး ဒီး တၢ် ကူၣ် သ့
ဟံး နဲ ဒၣ် ခဲ လၢာ် ခဲ စ့ ,
ကီၠ ကီၠ က ကွဲး ထဲ အံၤ လီၤ
မ့ၢ် က မၣ် နၢ် ပၢၢ် ကီၠ နီၤ
