​ဖံ​ဖံ​အဲ​မၣ်

မၤ ထူရၤ မုၢ် နံၤ တၢ် ကတိၤ ကျိာ် ထံ
ပှၤ ဒူ ပှၤ ဃိၤ လၢ အဟ့ၣ် လီၤ တ့ၢ် လံ အသး လၢ တၢ်ဒုး ပျီ ပူၤ သ့ၣ် တ ဖၣ် အ တၢ်ကတိၤ ကျိာ် ထံ

ခိၣ် နၢ် ပှၤ ဒူ ပှၤ ဃိၤ ဒီး သုး မုၢ် သံၣ် ဘိ လၢ အဟ့ၣ် လီၤ သး ဒီး သံ တ့ၢ် လၢ တၢ်ဒုး ပျီ ပူၤ တ ဖၣ် န့ၣ် တ ဟူး တ ဂဲၤ အိၣ် ၀ဲ ဘှ့ၣ် ယုၢ် ကလာ် လီၤ.
“ယ အိၣ် လၢ တၢ် နး ဒီး တၢ် ဖှီၣ် အံၤ အကျဲ”

ဖဲ လၢ မုၢ် နၤ တၢ် ဘှ့ၣ် အ ခါ ဒ် နၣ် ရံၣ် လဲၤ တၢ် သီၣ် ချဲး ချဲး ချဲး အသိး န့ၣ် အ ၀ဲသ့ၣ် တ ဖၣ် မၤ သး ဒ် အ ကတိၤ ကသွံ တၢ် ဒီး ပှၤ လၢ အ စံး ၀ဲ
“ ယ ရ့ ဒီး ပှၤ စီ ဆှံ မုာ် ယဲ ဆံး ဒိၣ် လဲၣ်”

ပ ၀ဲ သ့ၣ် တ ဖၣ် အံၤ လၢ တၢ် အဲၣ် ဘၣ် ပ ပှၤ ကလုာ်ဒီး ထံ ကီၢ် အဂီၢ် အ ဃိ ပ တ ပါ် ပ သး သ မူ အ လုၢ် အပှ့ၤ လၢ တၢ် နီ တမံၤ ဘၣ်.ဒီး ပ တူၢ် သံဟ့ၣ် လီၤ ပ သး လံ
“လၢ ကစၢ် အပူၤ န့ၣ် ယ ထံၣ် တၢ် ဘျုး ဒိၣ်¬”

ပ ၀ဲ သ့ၣ် တ ဖၣ် လၢ ပ တူၢ် သံ ပသး ဒီး ဟ့ၣ် လီၤ တ့ၢ် လံ ပသး နာ် က့ တၢ် ဖံး တၢ် မၤ တ ခီ တ ၀ံၤ တ တဲာ် ဒံးဘၣ်.
ပ ပာ်လီၤ တဲာ် တ့ၢ် တၢ် မၤ လၢ သု ၀ဲ လၢ အအိၣ် မူ ဒံး သ့ၣ် တ ဖၣ် အစု ပူၤ လီၤ.
“လၢ စၢ် အ မဲာ် ညါ န့ၣ် မိၣ် အိၣ် ယဲ ထီဘိ”

ပ တၢ် တူၢ် သံ ပ သး အံၤ တ မ့ၢ် လၢ ပဂီၢ် ဒၣ် ပ ၀ဲ ဘၣ်.မ့ မ့ၢ် ပှၤ လၢ အအိၣ် မူ တ့ၢ်သ့ၣ်တဖၣ် အ ဂီၢ် ဧိၤ လီၤ.
“ဖဲ န့ၣ် အလီၢ် မုာ်”

ပ တၢ် တူၢ် သံ ပ သး အံၤ မ် အ သု တ မ့ၢ် တၢ် ကလီ ကလီ တဂ့ၤ, ပ တၢ် တူၢ် သံ ပသး အံၤ ပ တဲ က့ၤ အ ဂ့ၢ် တ သ့ လၢၤ ဘၣ်.ပှၤ လၢ အ က တိၤ ဒီး တဲ ၀ဲ သ့ န့ၣ် မ့ၢ် ဒၣ် ထဲ ပှၤ လၢ အိၣ် မူ ဒံး သု ၀ဲ သ့ၣ် တဖၣ် န့ၣ် ဧိၤ လီၤ.
“လၢ ကစၢ် အ မဲာ် ညါ န့ၣ် မိၣ် အိၣ် ယဲ ထီ ဘိ”

ပ တၢ် တူၢ် သံ ပသး အံၤ မ် အသု တ ကဲ ထီၣ် တၢ် က လီ က လီ တ ဂ့ၤ.မ် အ အိ ၣ် ဒီး အ ခီ ပ ညီ ဒီး ဒုး အိၣ် က့ၤ အီၤ န့ၣ် တ က့ၢ်.ဒီး သ့ၣ် နီၣ် ထီၣ် စ့ၢ် ကီး ပှၤ တ က့ၢ်.
“ယ ဖံး အၢ ညၣ် အၢ အံၤ စၢ် ဧၢ ြ တီ ယ ကျဲ”

ပ အိၣ် လၢ တၢ် ကသွံ ဒံ အ လီၢ် , ပ အဲၣ် ဒိး ကတိၤ တၢ် ဒီး သု , ဒီး ဘူး ဒီး တံၢ် ,ဒီး ဖိ မါ သ့ၣ် တဖၣ် ဘၣ် ဆၣ် , က တိၤ ပ ၀ဲ တ သ့ လၢၤ ဘၣ်.သ့ၣ် နီၣ် ထီၣ် စ့ၢ် ကီး ပပှၤ ထံ ဖိ ကီၢ် ဖိ တ က့ၢ်.
“မ် ဒ် န့ၣ် ယသး အိၣ် ဒ် သိး က ပူၤ ဖျဲး”

ပ တၢ် တူၢ် သံ ပ သး အံၤ မ် အသု တ ကဲ ထီၣ် တၢ် က လီ က လီ တ ဂ့ၤ.ဒုး အိၣ် ထီၣ် က့ၤ တၢ် မၤ နၢၤ အ က ရၢ ကရိ သ့ၣ် တဖၣ် ဒီး ပာ် ဖျါ ထီၣ် က့ၤ ပ တၢ် တူၢ် သံ ပသး အ ခီ ပ ညီ တက့ၢ်.
“ခဲ အံၤ လ့ ပစီ န့ၣ် ဒ် ပီၣ် လဲၣ် လုၢ် ဘၢ”

ပ အိၣ် ပ ၀ဲ လၢ တၢ် လီ ၢ် လၢ ပှၤ တဲ တ သ့ တဲ တ ဘၣ် , ဘၣ် ဆၣ် ပ ကွၢ် ဃီၤ တၢ် ဆူ သု အိၣ် , ပှဲၤ ဒီး တၢ် ယူး ယီၣ် ဒီး တၢ် မုၢ် လၢ် သ့ၣ် တ ဖၣ် န့ၣ် လီၤ.
“ခဲ ကိာ် လၢ န မဲာ် ညါ က စီ ဆှံ ခဲ လၢာ်”
မ် ပ တၢ် ဃ့ လၢ သး အံၤ ဒုး အိၣ် ထီၣ် န့ၢ် က့ၤ ပှၤ အ ခီ ပ ညီ တ က့ၢ်.

“ဖဲ န့ၣ် အလီၢ် မုာ်”
မ် ပ တၢ် ဟ့ၣ် လၢ သး အံၤ ဒုး အိၣ် ထီၣ် န့ၢ် က့ၤ ပှၤ အ ခီ ပ ညီ တ က့ၢ်.
“လၢ ကစၢ် အ မဲာ် ညါ န့ၣ် မိၣ် အိၣ် ယဲ ထီ ဘိ”

 
တိၢ်နီၣ် -တၢ် သး ၀ံၣ် အ နိး န့ၣ် ဖျါ ဖဲ -လံာ် သး ၀ံၣ် ကစၢ် ယွၤ အိၣ် ဃုာ် ဒီး နိး ( ၄၇၁)