ဟီၣ်ခိၣ်ဒီဘ့ၣ် Blog Day
Blog Day မ့ၢ်၀ဲလါအီကူး၃၁သီန့ၣ်လီၤ. ပှၤကွဲး Blog တဖၣ်နာ်၀ဲလၢအ၀ဲသ့ၣ်စ့ၢ်ကီးြကၢးအိၣ်ဒီး မုၢ်နံၤလီၤဆီတနံၤလၢ ကမၤလၤကပီၤ၀ဲအဂီၢ်န့ၣ်လီၤ. တၢ်ပညိၣ်လၢမုၢ်နံၤအ၀ဲန့ၣ်အဂီၢ်မ့ၢ်၀ဲ ဟီၣ်ခိၣ်ဒီဘ့ၣ် ပှၤကွဲး Blog တဖၣ်ခီလဲလိာ်တၢ်ထံၣ်, ထူသနူတၢ်ဆဲးတၢ်လၤ, တၢ်သးစဲသ့ၣ်တဖၣ်ဒီးအ၀ဲသ့ၣ်ဒုးသ့ၣ်ညါ လိာ်သးကဒဲကဒဲန့ၣ်လီၤ. ဒ်သိးကတုၤထီၣ်ဘး တၢ်ပညိၣ်တခါအံၤအဂီၢ်န့ၣ် ဖဲလါအီကူး ၃၁ သီအနံၤန့ၣ် အ၀ဲသ့ၣ်ဒုးသ့ၣ်ညါဒီးပာ်ဖျါထီၣ်ပှၤအဂၤ Blog ၅ခါလီၤ. Blog လၢအပာ်ဖျါ၀ဲတဖၣ်ကဘၣ်မ့ၢ်စ့ၢ်ကီး တၢ်ဂ့ၢ်ဘၣ်ဃး ထူသနူတၢ်ဆဲးတၢ်လၤ, တၢ်ထံၣ်, တၢ်ပာ်သးလၢအလီၤဆီဒီးအတၢ်ထံၣ်, တၢ်ပာ်သးဒီး အတၢ်ဆဲးတၢ်လၤန့ၣ်လီၤ. တဘၣ်မ့ၢ်လၢ အဒ်သိးလိာ်သးဒီးအီၤဘၣ့် အဃိသတးဒီး အ၀ဲသ့ၣ်တဖၣ် သ့ၣ်ညါအါထီၣ်တဂၤဒီးတဂၤဒီး Blog လၢတသ့ၣ်ညါဘၣ်၀ဲသ့ၣ် တဖၣ်စ့ၢ်ကီးသ့ၣ်ညါအါ ထီၣ်ဘၣ်၀ဲလၢ ဟီၣ်ခိၣ်ဒီဘ့ၣ်န့ၣ်လီၤ. မုၢ်မဆါတနံၤအံၤ Blog သ့ၣ်တဖၣ်အိၣ်၀ဲအါမးလီၤ. ဒ် Blog လၢကလုာ်ဂၤကျိာ် အိၣ်၀ဲအသိး ပ၀ဲကညီဖိသ့ၣ်တဖၣ်စ့ၢ်ကီး ကျဲးစၢးဒုးအိၣ်ထီၣ်၀ဲ Blog တဖၣ်လီၤ. အခဲအံၤ ပထံၣ်ဘၣ် Blog သ့ၣ်တဖၣ်လၢကညီကျိာ်လံ... မ့ၢ်တၢ်သးခုဖးဒိၣ်တမံၤလၢ ပပှၤကလုာ်အဂီၢ်လီၤ. နာ်ယဲလၢ ခီဖျိ တဖၣ်လၢကညီကျိာ်အါထီၣ်ဂီၢ်ထီၣ်အဃိ, ပှၤဖးလံာ်ဖိသ့ၣ်တဖၣ်စ့ၢ်ကီးကအါထီၣ်၀ဲလီၤ. ပဖးလံာ်မ့ၢ်အါ, ပတၢ်သ့ၣ်ညါအါထီၣ်လီၤ. တုၤပသ့ၣ်ညါတၢ်အါထီၣ်တခီ မ့ၢ်တၢ်ဂ့ၤလၢပနီၢ်ကစၢ်ဒီး ပပှၤတ၀ၢအဂီၢ်လီၤ. လၢယနီၢ်ဖိသၣ်အခါ ပှၤသးပှၢ်တဖၣ်စံး "နဖးလံာ်အါ, နကပျုၢ်ဘၣ်ဖုးလီၤ." တမ့ၢ်ပာ်ဒ့ၣ်ပာ်ကမၣ် ပှၤလၢ အစံးတၢ်သ့ၣ်တဖၣ်ဘၣ်. ယဲတခီသးအိၣ် စံးဒ်အံၤလီၤ. ခီဖျိပဖးလံာ်အါအဃိပတၢ်သ့ၣ်ညါ ကအါထီၣ်, ပတၢ်ထံၣ်စ့ၢ်ကီးကလဲၢ်ထီၣ်လီၤ. မ်ပကဖးသကိးလံာ်တက့ၢ်မီၣ်. တၢ်မၤလၤကပီၤမုၢ်တနံၤညါအံၤအဂီၢ်န့ၣ် ကဘၣ်ပါ်ဖျါထီၣ် Blog လီၤ. ဘၣ်ဆၣ်, လၢယသးအိၣ်, သးစဲအိၣ်၀ဲအါမးအဃိ တကွဲးဖျါထီၣ်ဖဲအံၤလၢၤဘၣ်.
ပှဲၤဒီးတၢ်ဆၢဂ့ၤအါ....
တံဖိ
