​ဖံ​ဖံ​အဲ​မၣ်

၁.ကဆီပှၢ်ယီၢ်လီၤဘၣ်က့ၤအတမျိၤ.
ပမ့ၢ်ဒိၣ်မ့ၢ်ထီ,ပမ့မ့ၢ်တၢ်ထဲလဲၣ်ဘၣ်ဆၣ်ပဘၣ်ဘှီက့ၤပသးအလီၢ်အိၣ်၀ဲအါမး,ပမ့ၢ်တဘှီဘၣ်လီၤက့ၤဒီးထံၣ်
လီၤက့ၤပတၢ်ဂံၢ်စၢ်ဘါစၢ်လၢအအိၣ်ဒီးပှၤန့ၣ်ပမၤတၢ်တကဲထီၣ်ကဲထီဘၣ်အဃိဒ်သိးပတၢ်မၤသုတမၤဘၣ်
ဒိဆါက့ၤပှၤတဂ့ၤအဂီၢ်ပြကၢးဘှီလီၤက့ၤပသးလီၤ.

၂.ကုၤ၀ံၣ်ကုၤမူၤပှၤ
ပှၤစံး၀ဲတၢ်အိၣ်မူဖှံဖှံညီညီဖဲပသးစၢ်အကတီၢ်ကဟဲစိာ်န့ၢ်ပှၤတၢ်ဖှီၣ်တၢ်နးဖဲပသးပှၢ်အကတီၢ်န့ၣ်လီၤ.ပမိၢ်ပ
ပၢ်ညီနုၢ်သိၣ်ပှၤကုၤ၀ံၣ်န့ၣ်ကုၤမူၤပှၤလီၤ.ပမ့ၢ်အိၣ်မူဘီၣ်ဘီၣ်ညီညီ,လံၤလူၤကျုဆှါန့ၣ်မုၢ်နံၤခံကတၢၢ်တၢ်နး
တၢ်ဖှီၣ်ကတုၤအိၣ်ပှၤလီၤ.

၃.ကျိၣ်ပကနၣ်လၢအသီၣ်, စ့ပကနၣ်လၢအသဲ.
တၢ်လၢကျိၣ်ဧိၤစ့ဧိၤန့ၣ်မၤဂ့ၤပှၤအိၣ်၀ဲဒီးမၤအၢပှၤအိၣ်၀ဲလီၤ.တၢ်လၢစ့န့ၣ်ပလူၤအီၤတလၢအခၢးန့ၣ်တဂ့ၤ
လၢပဂီၢ်စ့ၢ်ကီးဘၣ့်ပြကၢးလူၤအီၤဖဲအဘၣ်ဒ်အြကၢးအဘၣ်ဒီးပှၤအသိးလီၤ.ပမ့ၢ်သးကွံအီၤလူၤအီၤအါတ
လၢန့ၣ်ကဲထီၣ်န့ၢ်ပှၤလၢတၢ်အၢတၢ်သီသ့၀ဲဒ်အမ့ၢ်တၢ်မၤသံမၤ၀ီ, တၢ်လံၣ်တၢ်လီဒီးအဂၤအိၣ်ဒံး
အါမးလီၤ. အဃိပြကၢးသးကွံအီၤလၢအလီၢ်ကျဲဒၣ်၀ဲဒ်ပမှံၤပပှၢ်အတၢ်ကတိၤဒိဟ့ၣ်ပလီၢ်ပှၤအသိးလီၤ.

၄.ကျီၢ်မိၢ်ပှၢ်ကအီက့ၤကျီၢ်ဖိအနုၢ်ထံ.
စံး၀ဲသးပှၢ်ဘၣ်သန့ၤက့ၤသးလၢဖိသၣ်န့ၣ်လီၤ.ပကညီဖိတကလုာ်အံၤပလုၢ်ပလၢ်အိၣ်လၢတုၤမ့ၢ်ပဒိၣ်တုာ်
ခိၣ်ပှဲၤမၤသ့အီၣ်ဘၣ်တစုပဘၣ်ကွၢ်ထွဲက့ၤပမိၢ်ပပၢ်လၢအသးပှၢ်န့ၣ်လီၤ.တုၤမ့ၢ်ပသးပှၢ်ထီၣ်တစုပဖိပလံၤက
ကွၢ်ထွဲဒီးမၤဒုးအီၣ်က့ၤပှၤန့ၣ်လီၤ. ပမ့ၢ်မၤဒ်န့ၣ်မးပနာ်လၢပကဒိးန့ၢ်တၢ်ဆိၣ်ဂ့ၤဆိၣ်၀ါန့ၣ်လီၤ.

၅.ခိၣ်ထံဘီၣ်သးနါပှၢ်ဘူ.
တုၤမ့ၢ်ပစံးခိၣ်ထံဘီၣ်သးနါပှၢ်ဘူန့ၣ်လီၤဂာ်ဒ်ဖိသၣ်အီနုၢ်လၢအအိၣ်ဖျဲၣ်လီၤသီတဂၤန့ၣ်လီၤ.တသ့ၣ်ညါတၢ်
နီတမံၤဒံးဘၣ်.အဃိပ၀ဲလၢအမ့ၢ်ပှၤလၢအတၢ်ကူၣ်တၢ်ဆးတၢ်သ့ၣ်ညါတလၢပှဲၤထီၣ်ဒံးဘၣ်တဖၣ်ပမှံၤပပှၢ်ဒိ
လီၤ၀ဲလၢ ခိၣ်ထံဘီၣ်သးနါပှၢ်ဘူန့ၣ်လီၤ.

၆. ခိၣ်ဘါမုၢ်ခံဘါဆၣ်.
တၢ်ကတိၤတဖျၢၣ်အံၤပှၤတဲအီၤလၢမုၢ်ဆ့ၣ်မုၢ်ဂီၤန့ၣ်လီၤ.အခီပညီမ့ၢ်၀ဲကျဲကတၢၢ်,ဟုသးလၢာ်ဘၣ်ဟးကွၢ်
ထီၣ်က့ၤပှၤအမဲာ်လၢကဒိးန့ၢ်တၢ်သးကညီၤအဂီၢ်လီၤကမၤတၢ်အဂၤမၤတဘၣ်လၢၤအဃိဘၣ်ကွၢ်ထီၣ်ပှၤ
ဂၤအမဲာ်လီၤ.
 
၇.ခိၣ်ဘိၣ်မၢအီၣ်ခိၣ်ဃံ.
တၢ်အံၤစံး၀ဲဖိသၣ်မၢအီၣ်ကဒါက့ၤလၢသးပှၢ်, ြကၢးလၢပှၤသးပှၢ်ဘၣ်မၢအီၣ်က့ၤလၢအ၀ဲသ့ၣ်တခီလီၤ. ဖိသၣ်မၢအီၣ်သးပှၢ်န့ၣ်တဂ့ၤဘၣ်. တမ့ၢ်အလီၢ်အကျဲဘၣ်.


၈.ချံၣ်တတီကိးဘ့ၣ်, ပျၢ်တတီကိးဘိ.
စံး၀ဲပှၤကညီအံၤအဘၣ်ကိးဂၤန့ၣ်တမ့ၢ်ဘၣ်.အါတက့ၢ်ပ၀ဲပှၤဒူလၢာ်ခိၣ်ဖိတဖၣ်ပအိၣ်ဒီးသးလၢအထံၣ်လီၤ
က့ၤထဲပတၢ်ဘၣ်ယၤအံၤယမၤတၢ်ဘၣ်၀ဲပှိၤ၀ဲမ့ၢ်၀ဲတီ၀ဲအသိးန့ၣ်လီၤ.နာ်သက့တၢ်နီၢ်နီၢ်န့ၣ်ပဘၣ်ကိးဂၤဒဲး
န့ၣ်တမ့ၢ်ဘၣ်.အဃိပမှံၤပပှၢ်ဟ့ၣ်ပလီၢ်ပှၤလၢချံၣ်တတီကိးဘ့ၣ်ပျၢ်တတီကိးဘိဘၣ်.

၉. ဂုၢ်အ့ၣ်တၢ်နီၣ်ဘၣ်လီၤအစုၣ်.
တၢ်လၢပကဲထီၣ်ပှၤဟီၣ်ခိၣ်ဖိအံၤပှၤစံး၀ဲ,ပတပူၤဒီးတၢ်ကမၣ်နီတဂၤဘၣ်.အဃိတၢ်ကတိၤဒိတဖျၢၣ်အံၤစံး
ဘၣ်ပှၤလၢပြကၢးထံၣ်သ့ၣ်ညါလီၤက့ၤပတၢ်သရူးကမၣ်လၢပမၤကမၣ်ဘၣ်တၢ်တဖၣ်ဒီးကွၢ်ကျဲၤမၤဘၣ်လိာ်
ဖိးဒ့က့ၤအီၤန့ၣ်လီၤ.

၁၀.ဃဲာ်ပဲာ်ထံအလီၢ်တဖျါ.
တၢ်မၤလၢအဂ့ၢ်အကျိၤဒီးအခီပညီတအိၣ်န့ၣ်မ့ၢ်တၢ်ကလီကလီလီၤ.

၁၁.ဃဲာ်ဖိအ့ၣ်လၢအြတီးပူၤ.
အခီပညီမ့ၢ်ပှၤတနီၤအသ့၀ဲဘၣ်၀ဲဘၣ်ဆၣ်ပာ်ခူသူၣ်၀ဲလၢအအိၣ်န့ၣ်လီၤ.တမၤဖျါထီၣ်၀ဲလၢပှၤမဲာ်ညါဘၣ်.
ပှၤဟဲမၤထါဖဲပှၤအီၣ်မူးအိၣ်တဘျီ,ပလဲၤမၤထါဒီးပမၤသကိးထါပှီၢ်ပှီၢ်လီၤ.ဘၣ်ဆၣ်ပှၤအိၣ်လၢပဃၢၤတဂၤ
တသီၣ်နီတစဲးဘၣ်.ပတဲအီၤဟဲမၤထါဒီးပှၤသၢၣ်,ပမၤလၢတၢ်အဲၣ်တၢ်ကွံတၢ်ဃူတၢ်ဖိးလီၤ.၀ံၤပမၤသကိးလီၤ.
ပှၤလၢအမၤထါသ့ၣ်တဖၣ်အကမၣ်အိၣ်၀ဲလီၤ.တုၤပှၤန့ၣ်ဟဲနုာ်လီၤတစုမၤထါသ့န့ၢ်ဒံးပှၤအဂၤအဃိ, ပှၤကမၢကမၣ်ဒီးပှၤမဲာ်ဆှးလီၤက့ၤပှၤသးတခီလီၤ. တၢ်အံၤပှၤသးပှၢ်စံး၀ဲဃဲာ်ဖိအ့ၣ်လၢအြတီးပူၤ,
ဒီးပှၤခဲအံၤစံး၀ဲလၢ သၣ်မံညီၤတပာ်ဖျါအစုမ့ၣ်ဘၣ်.

၁၂.ဃိၣ်လိာ်တလီၤသံး,ပနၢ်အနၢၤတလိၤထီၣ်ဘၣ်.
ဃိၣ်လိာ်ကျိအထံလီၤသံးတသ့နီတဘျီဘၣ်,ဒ်န့ၣ်အသိးတၢ်လၢအမၤအသးတသ့တဖၣ်န့ၣ်ပမ့ၢ်မုၢ်လၢ်အီၤ
သပှၢ်ပှၢ်ဒီးကမ့ၢ်တၢ်လၢအမၤလီၤဘှံးလီၤတီၤပှၤဒိၣ်မးလီၤ.ဘၣ်တဘျီဘျီပသူအီၤသ့စ့ၢ်ကီးဒ်ထွံၣ်မဲၢ်က့ၣ်ဖျီၣ်
လၢပီၤတဘျၢထီၣ်ဘၣ်အသိးသ့စ့ၢ်ကီးလီၤ.

၁၃.စုစဲတၢ်အ့ၣ်ဆွးလၢပှၤဂၤ.
တၢ်ကတိၤဒိတဖျၢၣ်အံၤဘၣ်ထွဲဒီးပှၤလၢအတအၢၣ်လီၤအတၢ်ကမၣ်လၢအမၤ၀ဲ,အမဲာ်ညါကိးန့ၢ်အသကိးဒီး
တဲ၀ဲလၢတမ့ၢ်သါတၢ်ကမၣ်ဘၣ်.မ့ၢ်အ၀ဲသ့ၣ်အတၢ်ကမၣ်လီၤ.ပှၤဒ်အံၤအတၢ်ပာ်သးတဖၣ်ပှၤသးပှၢ်လၢပျၢၤဒိ
လီၤလၢ,စုစဲတၢ်အ့ၣ်ဆွး (ဟးထွါ) လၢပှၤဂၤလီၤ.

၁၄.စုနၢဖုၣ်ထီ,သ့ၣ်လၣ်အံၣ်လဲၢ်.
ဒုးနဲၣ်ဖျါထီၣ်၀ဲဒၣ်လၢဟီၣ်ခိၣ်ချၢအံၤစုနၢတဖၣ်ဖုၣ်ထီ၀ဲဒီးသ့ၣ်လၣ်စ့ၢ်ကီးအံၣ်လဲၢ်၀ဲလီၤ.တဒ်သိးလိာ်အသး
ဘၣ်. ပှၤကညီစ့ၢ်ကီးမ့ၢ်ဒ်န့ၣ်အသိးလီၤ. အိၣ်ဒီးပှၤဒိၣ်တနီၤ,အိၣ်ဒီးပှၤဖှီၣ်တနီၤ,အိၣ်ဒီးပှၤဖုၣ်တနီၤထီတနီၤ, သူၣ်ဂ့ၤသး၀ါအိၣ် တနီၤဒီးအသူၣ်က့ၣ်သးကါအိၣ်တနီၤစ့ၢ်ကီးလီၤ.



၁၅. စိး၀ၣ်ဃးယူၤပတကွၢ်ထွဲအခံ, ပှၤမုပှၢ်အတၢ်ကတိၤပတဒိကနၣ်ဘၣ်.
တၢ်လၢပသ့ၣ်ညါအီၤလၢအမ့ၢ်တၢ်တဂိာ်တသီၣ်ဒီးကဲဘျုးကဲဖှိၣ်တသ့ဘၣ်တဖၣ်န့ၣ်ပဒုးဘၣ်ထွဲအီၤဒီးပတၢ်
အိၣ်မူအလီၢ်တအိၣ်ဘၣ်.

ဟံးန့ၢ်အီၤလၢကညီတၢ်ကတိၤဒိတၢ်ကတိၤခွ့ၣ်တဖၣ်လံာ်ပူၤလၢကျိၣ်တၢ်ရၤလီၤလံာ်လဲၢ်ကရူၢ်ထုးထီၣ်၀ဲ
ဟံးန့ၢ်ဖးဒီတဘ့ၣ်