​ဖံ​ဖံ​အဲ​မၣ်

ကညီသုးရ့ၣ် (၂) မ့ၢ်ပှၤလၢအဒုးဘၣ်ပှၤအဂီၤတဖၣ်အါမးဒုးနၢၤကွံာ်ပှၤအဂီၤတဖၣ်လၢကီၢ်ပယီၤတၢ်ခၢၣ်သးဒ်
မါတလ့,မၠ့ခၠၣ်,မံးထံးလၣ်,မကွ့,မ့ဘူ,သယဲး,အၣ်လၣ်တဖၣ်ဒီးနာ်န့ၢ်လီၤအသးကိၤမးအိၣ်ဒီးတၢ်စုက၀ဲၤလၢအ
ဂ့ၤဒ်အြကၢးအသိးန့ၣ်လီၤ. တချုးကညီတၢ်ပၢၢ်ဆၢတၢ်ဒုးအ၀ဲသ့ၣ်ဟဲက့ၤပၠ့ၣ်,တၢ်လီၢ်လၢကညီတအိၣ်ဘၣ်ဒီး
အ၀ဲသ့ၣ်ဟံၣ်ဖိဃီဖိခဲလၢာ်အိၣ်ဃုာ်ဒီးအ၀ဲသ့ၣ်လီၤ. တၢ်ဟ့ၣ်ကူၣ်အ၀ဲသ့ၣ်လၢကဆှၢဆိအဟံၣ်ဖိဃိဖိဆူက
ညီအဒူသ၀ီလၢသၣ်ယၣ်၀တံၣ်မ့ၢ်ဂ့ၤ, ဟီကတးမ့ၢ်ဂ့ၤဘၣ်ဆၣ်အ၀ဲသ့ၣ်တမၤ၀ဲဘၣ်.တုၤမ့ၢ်စုက၀ဲၤတၢ်ပၢၢ်ဆၢ
ကဲထီၢ်ဒီးအ၀ဲသ့ၣ်တိနိၣ်ဘၣ်ဒီးတၢ်ကီတၢ်ခဲလၢဟံၣ်ပူၤဃီပူၤတဖၣ်န့ၣ်လီၤ.ဒုၣ်ဒါမၤဟးဂီၤတိၤတဖၣ်လၢလဲးပ
တါဒီးပၠ့ၣ်အဘၢၣ်စၢၤဒီးကသဘျိၣ်လီၤ၀ဲချ့ချ့တညီလၢအ၀ဲသ့ၣ်အဂီၢ်ဘၣ်. 

တုၤမ့ၢ်တၢ်ပၢၢ်ဆၢတၢ်ဒုးကဲထီၣ်ဒီးအ၀ဲသ့ၣ်ဟးထီၣ်၀ဲတဘျီဃီတသ့ဘၣ်.  ဘၣ်ကွၢ်ဆဲးကျိးလိာ်အသးဒီးအ
သုးဒ့လၢ၀့ၢ်ဖိဘူတံၢ်တဖၣ်,ဘၣ်အိၣ်ခိးကညီသုးဖိလၢအအိၣ်လၢ (၂၁) UMP လၢအအိၣ်ဖဲအၣ်လၣ်တခီတုၤ
လီၤလၢ၁၉၄၉နံၣ်လါဖ့ၤြဘူၤအါရံၤ (၅) သီန့ၣ်အ၀ဲသ့ၣ်ဟးထီၣ်၀ဲလၢပၠ့ၣ်ဒီးသိလ့ၣ်လဲလၢာ်(၂၀၀)ဘျဲၣ်,ဒုၣ်ဒါ
ခိးလီၤအခိၣ်လၢကျဲဒီဘိညါ ပှၤအဂီၤတဖၣ်လူၤမၤတံာ်တာ်အီၤဒီး လူၤဒုးအ၀ဲသ့ၣ်လၢတၢ်ကပၤဒီးတၢ်လီၢ်ခံ
ကိးကပၤဒဲးလီၤ.ဘၣ်ဆၣ်ဒ်အသုးဖိအါဒီးစုက၀ဲၤဂ့ၤအသိးဒုးဒုၣ်ဒါနၢၤတတီၤဘၣ်တတီၤတုၤအမၤန့ၢ်တၢ်လီၢ်
လၢလ့ၣ်မ့ၣ်အူ,သိလ့ၣ်ကျဲတဖၣ်ဒွဲၣ်ကွံာ်၀ဲ,အသုးဒ့ခိၣ်ဘးလးစ့ၣ်အမံၤဒိၣ်လၢဂီၢ်မုၢ်န့ၣ်လီၤ.တိၤတဖၣ်ဘၣ်တၢ်
ဘိးကၢ်အီၤဒီးတၢ်ခိးခးအီၤအဃိအ၀ဲသ့ၣ်ဟဲက့ၤလီၤ၀ဲချ့ချ့တသ့လၢၤဘၣ်. တၢ်ဒုးဆူၣ်ဟံၣ်ဖိဃီဖိတဖၣ်တ
ထံၣ်ဘူတၢ်ဒုးဘၣ်.သုးဖိသံၣ်ဖိတနီၤကဟုကယာ်က့ၤအဟံၣ်ဖိဃီဖိအဃိပှၤဘၣ်အိၣ်လၢတၢ်မဲာ်ညါဒုးတၢ်မ့ၢ်ဒၣ်
ပှၤတ၀ာ်ဖိတဖၣ်န့ၣ်လီၤ.တုၤလီၤဖဲသၣ်အီကၣ်တိၤ(သ၁ေအ၁င်ကုန်း)ကဘီယူၤစးထီခးအ၀ဲသ့ၣ်အသိလ့ၣ်ဒီး
ဖဲန့ၣ်အသိလ့ၣ်တနီၤဟးဂူာ်ဟးဂီၤဒီးလဲၤတၢ်လၢမုၢ်ဆါခီတသ့တဘူၣ်ဘၣ်.

မုၢ်ဆါခီတၢ်ကိၢ်,မုၢ်နၤခီတၢ်ဂိၢ်,ကဖီအီၣ်တၢ်အဂီၢ်တညီဘၣ်.ဟံၣ်ဖိဃိဖိတဖၣ်တလုၢ်ဘၣ်ထံတလုၢ်ဘၣ်နိတဆှုၣ်
ဘၣ်ကူကၤတဖၣ်ဘၣ်.သုးဖိတဖၣ်အိၣ်ဘှံးဘၣ်ဘၣ်.တၢ်ခးအီၤကိးကပၤဒဲးပၢၢ်လၢကဘိယူၤဒၣ်လဲာ်န့ၣ်လီၤ.
တုၤလီၤလၢကၠိပ့ၣ်ကီးန့ၣ်တၢ်ဒုးဆူၣ်မးကညီဖိတဖၣ်ဆီၣ်နၢၤကွံာ်ဒုၣ်ဒါBTFသုး(၂)ဒ့လၢဘိၣ်မ့လွ့ၣ်ဒီးဘိၣ်ခၠံး
ပၢဆှၢ၀ဲဒုၣ်ဒါဂုၤက့ၤအလီၢ်ခံဘၣ်ဆၣ်ကဘီယူၤခးလီၤကညီအသိလ့ၣ်ဒိးဘၣ်လၢသိလ့ၣ်တီၣ်ကျိချံပှာ်သၣ် ဒီးအူအီၣ်ကွံာ်သုးစုက၀ဲၤဒီးကျိချံပှာ်သၣ်တနီၤန့ၣ်လီၤ.ဒုၣ်ဒါသုးခိၣ်စါယူး,စ့ၣ်မီၣ်,ကၠီၣ်ထ့ၣ်တဖၣ်ဘၣ်တီခိၣ်ရိၣ်
မဲက့ၤအသုးန့ၣ်လီၤ.ဖဲတၢ်ဒုးဆူၣ်မးဒီးဒုၣ်ဒါလီၤဘှံးဘူးကဂုၤက့ၤအခံအခါဒုၣ်ဒါအသုးမၤစၢၤတၢ်လၢထံထၣ်
စွ့တခီဘၣ်တၢ်ဆှၢလီၤအီၤလၢပီၣ်လဲၣ်ကျီၤအကျဲခီဖျိ၀့ၢ်တကူၣ်ဆူသၣ်ယၣ်၀တံၣ်ဒီးဆူတၢ်ဒုးကဲထီၣ်အလီၢ်ဖဲ
ကၠိပ့ၣ်ကီးန့ၣ်လီၤ. ကညီသုးတဖၣ်လီၤြပံလီၤြပါသုးမုၢ်တနီၤဃ့ၢ်ထိၣ်ကွံာ်ဆူ​ ပကိရိမးဒီးခီက့ၤဆူမုၢ်ထီၣ်ဖဲ
၁၉၄၉နံၣ်လါဖ့ၤြဘူၤါရံၤ(၁၁)သီန့ၣ်သုးရ့ၣ်ခိၣ်မၠးမီၣ်,သုးရ့ၣ်ခိၣ်ခံထူမီၣ်,၀ဲၢ်လီၢ်ခိၣ်ဒဲးကဆ့ၣ်ဒီးသုးခိၣ်အဂၤ
တနီၤသုးဖိသံၣ်ဖိဒီးဟံၣ်ဖိဃီဖိခဲလၢာ်ခံကယၤဂၤဒုၣ်ဒါဖီၣ်န့ၢ်ဒီးဆှၢလီၤအ၀ဲသ့ၣ်ဆူ၀့ၢ်တကူၣ်န့ၣ်လီၤ. လၢကျဲဒီဘိတၢ်တသူမျိာ်ဒီးကျိအဒိၣ်တဖၣ်အါအါဘၣ်.တၢ်ပာ်အီၤလၢတၢ်ဒုးလၢလၢ၀့ၢ်တကူၣ်အဂီၢ်မျိာ်အ
ဒိၣ်အဂ့ၤဒီးကျိချံပှာ်သၣ်အဂ့ၤတဖၣ် ဒုၣ် ဒါမၤန့ၢ်က့ၤ၀ဲခဲလၢာ်န့ၣ်လီၤ.

တၢ်ကွၢ်ကဒါက့ၤတၢ်မၤနၢၤတဖၣ်
တၢ်မၤနၢၤလၢ(၆)လါအတီၢ်ပူၤ၁၉၄၉နံၣ်လါယနူၤအါရံၤ၃၁သီတုၤယူၤလံ.

မ့တမ့ၢ်လၢ၀့ၢ်ဒိၣ်တနီၤဒီးကညီတဖၣ်မၤန့ၣ်တၢ်လီၢ်လၢကညီဃ့၀ဲတဖၣ်ဃၣ်ဃၣ်န့ၣ်လီၤ.​ ကီၢ်ပယီၤပူၤ၀့ၢ်
(၆၀)ဖျၢၣ်ဘျဲၣ်.

လၢမုၢ်ထီၣ်တခီကညီမၤန့ၢ်လ့ၣ်မ့ၣ်အူကျဲတဖၣ်ဒီးဒုးလဲၤလ့ၣ်မ့ၣ်အူလၢယ့ၣ်တၣ်ရှ့ၣ်,ဖၠူၣ်တဖၣ်အဘၢၣ်စၢၤတ
ဘိ,ညီၣ်လ့ပၣ်ဒီးမးတီၣ်ဒီနံၣ်ညါလၢမုၢ်နုာ်တခီကညီလဲၤဒုးလ့ၣ်မ့ၣ်အူလၢဒါဘံၣ်ဒီးမၠၣ်အီၣ်အဘၢၣ်စၢၤဒီနံၣ်ညါ
စ့ၢ်ကီးန့ၢ်လီၤ.

လၢမုၢ်ထီၣ်တခီကညီမၤန့ၢ်သိလ့ၣ်ကျဲတဖၣ် ဒီးသိလ့ၣ်လဲၤသ့တၢ်လီၢ်သကုၤဆး ဒးန့ၣ်လီၤ.

လၢမုၢ်နုာ်တခီန့ၣ်ပျ့ၣ်ကျိဒီးအဒ့အြတၢ်တနီၤအဃိကဘီသိလ့ၣ်တဖၣ်လ့ၢ်ထီၣ်လ့ၢ်လိၤသကုၤဃၣ်ဃၣ်လၢ
ကညီအိၣ်တၢ်လီၢ်စ့ၢ်ကီးန့ၣ်လီၤ.

ဒုၣ်ဒါဘၣ်အိၣ်ခိးတၢ်လၢ၀့ၢ်တကူၣ်အါကတၢၢ်ကညီမၤန့ၢ်ကျဲမုၢ်ကျိဘိတဖၣ်ဒီးဒုၣ်ဒါဘၣ်တၢ်သ့ၣ်
ညါအီၤဒ်၀့ၢ်တကူၣ်(၇)မံာ်လာ်ပဒိၣ်ကလီၤတဲာ်ြတီၤလိၣ်ဒၣ်စုမုၢ်(၂)ဒူန့ၣ်လီၤ. ဘၣ်ဆၣ်တၢ်မၤ
နၢၤတဖၣ်တယံာ်ဘၣ်. တုၤလီၤလၢ၁၉၄၉နံၣ်လါအီကူးအပူၤဒုၣ်ဒါစးထီၣ်ဒုးဒီးကညီဃၣ်ကွံာ်၀ဲ
လၢတၢ်လီၢ်တနီၤဒီးဘၣ်ဂုာ်က့ၤအခံစ့ၢ်ကီးလၢတၢ်လီၢ်ဘူးဒီး၀့ၢ်တကူၣ်တဖၣ်ဒီးဒုၣ်ဒါမၤန့ၢ်က့ၤ
အတၢ်လဲၤတၢ်က့ၤအကျဲအကါဒိၣ်တဖၣ်တချုး၁၉၄၉နံၣ်လၢာ်ဒံးဘၣ်န့ၣ်လီၤ.