ပှၤတီၣ်ထီၣ်တၢ်ကွဲး : ဖံအဲမၣ်မုၣ်ရံး

ပှိၢ်ဒီးစှီၤအဒူၣ်အထၢတဖၣ်ဟးထီၣ်လၢကီၢ်စံၣ်ဒီးပိာ်လိာ်ထံကျိဃိၣ်လိာ် “နါခိၣ်” ဒီးသုးလီၤအသးဆူအဖီလာ်
တတီၤဘၣ်တတီၤဒီးပာ်လီၤအတၢ်အိၣ်တၢ်ဆိးလီၢ်ဖဲဃိၣ်လိာ်အကၢၢ်ခိၣ်မုၢ်ထီၣ်တကပၤဒီးတၢ်လီၢ်န့ၣ်ကိးဝဲ
လၢဒူယီၣ်ကွဲၢ်ကဘီတုၤမုၢ်မဆါတနံၤအံၤလီၤ.ဒူယီၣ်ကွဲၢ်ကဘီအံၤတဘျီန့ၣ်မ့ၢ်တၢ်လီၢ်ဖဲပှၤကညီအဒူၣ်အထၢ
အကလုာ်ကလုာ်တဖၣ်ကၢၤဖှိၣ်အသးဒီးမ့ၢ်ဝဲပှၤကညီအဝ့ၢ်မိၢ်ပှၢ်ဖးဒိၣ်တဖျၢၣ်ဒီးဝ့ၢ်ဖိယဲၢ်ဝ့ၢ်ဝးတရံးအီၤလီၤ.
ဝ့ၢ်ဖိအိၣ်ဝးတရံးအီၤတဖၣ်မ့ၢ်ဝဲ…
(၁) ဝ့ၢ်ကၠဲး
(၂) ၀့ၢ်ထါကၠံး
(၃) ဝ့ၢ်လဲပွဲ
(၄) ဝ့ၢ်ကစဲၤ
(၅) သီခိၣ်ပှၤပှိၢ်ဝ့ၢ်တဖၣ်လီၤ
ဝ့ၢ်တဖၣ်အံၤခဲအံၤတအိၣ်လၢၤဘၣ်. ပှၤကညီစီၤပၤပၢတၢ်လၢဒူယီၣ်တဘျုးဂၤတဘျုးစိၤလီၤ.

တၢ်မၤအသးတဘျီလၢကီၤလၤသူဒီးအဖိကးြပါကိးလီၤအသးလၢတလၢၤတဖၣ်အံၤတုၤမ့ၢ်အအိၣ်လၢပှၤက

ညီအတၢ်ပၢတၢ်ြပးယံာ်ယံာ်ဒီးတလၢၤအစီၤပၤတံသးလၢဒူသတူာ်ဟ့ၣ်ကူၣ်ဟ့ၣ်ဖးအီၤလၢကပူထီၣ်လီထီၣ်ပှၤ
ကညီအစီၤပၤလီၤ.ဒ်န့ၣ်အသိးတလၢၤတဖၣ်ပူထီၣ်ပှၤကညီစီၤပၤသတူာ်ကလာ်ဒီးမ့ၢ်လၢပှၤကညီတပလီၢ်ပ
ဒီသးအဃိ,တလၢၤမၤဃၣ်ပှၤကညီဒီးပှၤကညီဘၣ်ဃ့ၢ်မှံဟးဖျိးကွံာ်ဆူယူၣ်တရၣ်ယိၤကီၢ်တနီၤလီၤ.ပှၤကညီ
တဖၣ်တုၤမ့ၢ်အလဲၤဃ့ၢ်အိၣ်ဖဲယူၣ်တရၣ်ယိၤကီၢ်န့ၣ်တုၤမ့ၢ်အသးသယုၢ်ဘၣ်ဝဲအခူအဝ့ၢ်အထံအကီၢ်န့ၣ်မၤ
လုၢ်အုၣ်ထါဝဲဒ်အံၤ.

တလၢၤပူထီၣ်ပှၤကညီ
ကညီဘၣ်ဃ့ၢ်မှံဟးဖျိး
ဆူကံၢ်မဲက့ၤအိၣ်တနီၤ
ဆူယိၤကီၢ်က့ၤအိၣ်တနီၤ

မံလၢမုၢ်နၤမ့ၢ်ပၢၢ်ထီၣ်
လီၢ်အိၣ်လီၢ်ဆိးသ့ၣ်နီၣ်ထီၣ်
ကွၢ်လီၤဒူယီၣ်,ကွဲၢ်ကဘီ
သယုၢ်သတွၤမဲာ်ထံလီၤ

စံးဝဲလၢတလၢၤပူထီၣ်ဒီးမၤနၢၤပှၤကညီစီၤပၤအဃိ,ပှၤကညီဟးဃ့ၢ််ဒီးက့ၤအိၣ်လၢယူၣ်တရၣ်ယိၤကီၢ်တနီၤ

လီၤ. တုၤမ့ၢ်အဝဲသ့ၣ်မံဒီးပၢၢ်ထီၣ်လၢမုၢ်နၤ, သ့ၣ်နီၣ်ထီၣ်က့ၤအထံလိာ်ကီၢ်ပူၤ, အတၢ်အိၣ်တၢ်ဆိးလီၢ်, ကွၢ်လီၤတၢ်ဆူဒူယီၣ်ကွဲၢ်ကဘီတၢ်သယုၢ်ဘၣ်အီၤဒီးအမဲာ်ထံလီၤဝဲလီၤ.

တုၤတလၢၤမၤဃၣ်ပှၤကညီဝံၤဒီးတလၢၤအစီၤပၤတံသးလၢဒူသတူာ်တီၣ်ထီၣ်ပှၤကညီစကီၤလးစွဲၤလၢမၠိးစါ, ပှၤအီၣ်ဝ့ၢ်ဒူယီၣ်န့ၣ်လီၤ. အခါဖဲန့ၣ်ပှၤပၢတၢ်သၢဂၤလီၤ.တၢတဂၤမ့ၢ်ဝဲလးစွဲၤပၢတၢ်လၢဒူယီၣ်ဒီးအမါအမံၤမ့ၢ်

နီၢ်ခၣ်ရံလီၤ.ခံဂၤတဂၤမ့ၢ်စီၤပၠညၤအံၣ်တးပၢတၢ်လၢပၣ်တရီဒူၣ်ဒီးသၢဂၤတဂၤမ့ၢ်တံသးပၢတၢ်လၢဒူသတူာ်လီၤ. ဖဲလးစွဲၤအသးအိၣ်၃၅နံၣ်အခါပၢတၢ်လၢတလၢၤစီၤပၤတံသးအဖီလာ်ဒ်မၠိးစါအသိးအနံၣ်၂၀၀ံၤဒီးတလၢၤစီၤ
ပၤတံသးသံဒီးလးစွဲၤကဲက့ၤဒၣ်ဝဲပှၤကညီစီၤပၤဖဲဒူယီၣ်အပူၤ ၃၁နံၣ်လီၤ. ဒ်န့ၣ်အသိးအဝဲပၢတၢ်ခဲလၢာ် ၅၁နံၣ်ဒီးသံဝဲဖဲအသးအိၣ် ၈၆နံၣ်အခါန့ၣ်လီၤ. လးစွဲၤသံဝံၤဒီးစီၤပၤပၢတၢ်လၢအလီၢ်တဘျုးဂၤန့ၣ်လီၤ.

ဒ်န့ၣ်အသိးတုၤစီၤပၤတံသးသံဒီးစီၤအံၣ်တးကဲထီၣ်က့ၤစ့ၢ်ကီးစီၤပၤလၢဝ့ၢ်ပၣ်တရီဒူၣ်ဒီးတအိၣ်လၢၤဘၣ်လၢ

တလၢၤစီၤပၤအတၢ်ပၢအဖီလာ်ဘၣ်. စီၤပၤပၢတၢ်လၢဒူယီၣ်,ပၣ်တရီဒူၣ်ဒီးဒူသတူာ်တဖၣ်အံၤဒိၣ်စိဒိၣ်ကမီၤ
လိာ်လၢအဖီခိၣ်ခီဘျီခီဘျီလီၤ. ဘၣ်တဘျီဘျီပှၤကညီစီၤပၤကဲဒိၣ်လၢတလၢၤစီၤပၤအဖီခိၣ်,ဒီးတဘျီဘျီတ
လၢၤစီၤပၤကဲဒိၣ်လၢပှၤကညီစီၤပၤအဖီခိၣ်ဒ်န့ၣ်ယၢ်ခီယၢ်ခီလီၤ.

ပှၤကညီစီၤပၤအိၣ်ဘၣ်လၢတလၢၤစီၤပၤအဖီလာ်ဖဲ ခ.န. ၁၀၄၉နံၣ်န့ၣ်လီၤ. ဒီးဖဲ ခ.န.၁၀၅၀ နံၣ်န့ၣ်ပယီၤ

စီၤပၤအနီၣ်ရထၣ်ဟဲဒုးတလၢၤဒီးမၤနၢၤဝဲဒီးဟံးန့ၢ်ဃုာ်ပှၤကညီအကီၢ်ခဲလၢာ်ဒီးဒုးကဲထီၣ်အသုးခိၣ်ဖးဒိၣ်
လဲးဝဲသူၣ်ယးလၢပှၤအီၣ်ကီၢ်(မၠိးစါ)ဖဲဒူသတူာ်န့ၣ်လီၤ.နာ်သက့လၢခံပှၤကညီမၤန့ၢ်က့ၤအထံအကီၢ်ဒီးပၢက့ၤ
တၢ်တဘျီဒံးလီၤ. ၀ံၤဒီးဖဲခ.န. ၁၂၈ရနံၣ်ပှၤကညီဒီးယိၤကးြပါအမံၤမ့ၢ်ဝဲမးကဒူးပၢၢ်ထီၣ်တဂၤ, ကဲစီၤပၤ ၁၉နံၣ်ဖဲ ခ.န. ၁၂၈ရဒီး ၁၃၀၆ နံၣ်အပူၤအတ့ၤဒီးပၢဘၣ်က့ၤကီၢ်ဒီကီၢ်ညါဒီးဟံးန့ၢ်အမံၤ “ပွဲး”
လၢ၀ၣ်ရံရူလီၤ. ဒီးလၢခံဖဲ ခ.န. ၁၇၅ရနံၣ် န့ၣ်ပယီၤစီၤပၤ(အလီမံတယါကၠံ)ဟဲဒုးန့ၢ်က့ၤတလၢၤအကီၢ်ဒီးဖဲ ခ.န.၁၈၂၄နံၣ်န့ၣ်,ပှၤအဲကလံးဖိဟံးန့ၢ်တကူၣ်,တညီၣ်,တဝဲၣ်ဘျံးမိတမးဒီးပကိလီၤ.ဒီးဖဲခ.န၁၈၅၂နံၣ်န့ၣ်ပှၤ

အဲကလံးဖိပၢဘၣ်က့ၤကီၢ်ပယီၤလာ်ခီတုၤလၢဝ့ၢ်ပၠ့ၣ်ဒီးတီအူလီၤ.မၤကဒီးဖဲခ.န၁၈၈၅နံၣ်န့ၣ်ပှၤအဲကလံးဖိ
ပၢဘၣ်ကီၢ်ပယီၤထးခီလီၤ.ပယီၤစီၤပၤသံၣ်ပီဘၣ်တၢ်ဖီၣ်န့ၢ်အီၤဝံၤတၢ်ဆှၢအီၤဆူမးတရး,ဝံၤကဒီးဆူရးတနး
ဒီးသံဝဲဖဲတၢ်လီၢ်န့ၣ်ဖဲ ခ.န. ၁၉၁၆နံၣ်န့ၣ်လီၤ.

ဟံးန့ၢ်အီၤလၢ“စီၤအီၣ်လးကွဲး”ကညီတၢ်စံၣ်စိၤတဲစိၤလံာ်ပူၤ

Leave a Reply

Subscribe to Posts | Subscribe to Comments

ဖးတၢ်ကွဲးအသီခီဖျိအံမ့

နမ့ၢ်အဲၣ်ဒိးဖးတၢ်ကွဲးအသီဖၢနုာ်လီၤနအံမ့လၢလာ်အံၤ:

ကညီဒီကလုာ်နီၢ်တယၢ်

Ayar Font

ပ​ယီၤ​လံာ်​နံၣ်​လံာ်​လါ

ယေန့သည် ြဖစ်​သည်​။​

တၢ်ကွဲးခိၣ်တီတဖၣ်

နီၢ်ဂံၢ်ရဲၣ်တဖၣ်

နုာ်လီၤကဲကရၢဖိ

တ​မှံၤ​ထံ​ကီၢ်​တ​ဖၣ်

free counters

ပှၤဟဲကွၢ်ခဲလၢာ်

Copyright ©All Rights Reserved: ​ဖံ​ဖံ​အဲ​မၣ် ပှာ်ယဲၤသန့တဘ့ၣ်အံၤဘၣ်တၢ်ဒုးအိၣ်ထီၣ်အီၤဖဲ ၁၄.၀၂.၂၀၁၁ လၢစီၤကွဲၤကညီ.