​ဖံ​ဖံ​အဲ​မၣ်

တုၤမ့ၢ်ဟီၣ်ခိၣ်တၢ်ဒုးဖးဒိၣ်ခံဘျီတဘျီ၀ံၤအလီၢ်ခံ,ကညီတဖၣ်စးထီၣ်ဃ့ထံဃ့ကီၢ်လၢတၢ်ဘျၢအကျဲန့ၣ်လီၤ.
ဘၣ်ဆၣ်(ဖဆပလ)ပဒိၣ်တခီတဟ့ၣ်ကညီအတၢ်ဃ့အမဲာ်ညါ,အခိၣ်အနၢ်အါဂၤဒူစဃဲးဒီးစံး၀ဲမ့ၢ်ကညီတဖၣ်
အကီၢ်အိၣ်ဘူတဘျီဘျီဧါ,ကညီမ့ၢ်အဲၣ်ဒိးအကီၢ်ကဘၣ်ဒုး၀ဲလီၤ. လၢန့ၣ်အမဲာ်ညါပဲာ်အၢပဲာ်သီကညီဖိတဖၣ်
မၤဃံးမၤကီထီၣ်ကညီဖိအကလုာ်ကလုာ်အဃိကညီဖိတဖၣ်ဘၣ်စးထီၣ်ဒုးအိၣ်ထီၣ်KNDOကညီဂၢၤသးက
ရၢလၢတၢ်ကဟုကယာ်လီၤက့ၤသးအဂီၢ်ဒီးအလီၢ်မ့ၢ်အိၣ်ကအံးလီၤကွၢ်လီၤအသးလၢစုက၀ဲၤတၢ်ပၢၢ်ဆၢအ
ဂီၢ်န့ၣ်လီၤ.

(ဖဆပလ)ပဒိၣ်စ့ၢ်ကီးဒ်သိးကမၤသဘှံးကညီဖိတဖၣ်ခဲလၢာ်တချုးဒံးလၢကညီဖိတဖၣ်အဂံၢ်အဘါဂ့ၤထီၣ်လိၣ်
ထီၣ်ဒံးဘၣ်န့ၣ်,သုးကျဲၤစ့ၢ်ကီး၀ဲဒၣ်လၢတၢ်ကဒုးမၤဟးဂီၤကွံာ်ကညီဖိတဖၣ်အဂီၢ်န့ၣ်လီၤ.လၢအ၀ဲသ့ၣ်အတၢ်
ကျဲၤခူသူၣ်အီၣ်ဆါတၢ်ဒုးသုး(AungSanOperation)အပူၤန့ၣ်အ၀ဲသ့ၣ်ဒွးပာ်၀ဲကညီဖိတဖၣ်အနီၢ်ဂံၢ်အိၣ်တၢ်အ
လီၢ်,အဂံၢ်အဘါတမ့ၢ်ထဲလၢကီၢ်ပယီၤလာ်ခီအံၤဘၣ်.မ့မ့ၢ်ကညီဖိလၢကီၢ်ပယီၤဒီတဘ့ၣ်ညါဒီးလၢအတၢ်ကျဲၤအ
ပူၤဒ်သိးကမၤနၢၤကညီအဂီၢ်န့ၣ်လၢအသုးမုၢ်အိၣ်ပာ်တ့ၢ်လံတဖၣ်အမဲာ်ညါကဒုးအိၣ်ထီၣ်(BTFLEVIES)သုး
လီၤဆီအသီခဲလၢာ်(၂၅)ရ့ၣ် ဖဲ၁၉၄၈နံၣ်အပူၤအစဲၤခံကတၢၢ်န့ၣ်လီၤ. ဒ်(ဖဆပလ) တဖၣ်အတၢ်ကျဲၤအိၣ်အ
သိးဖဲ၁၉၄၉နံၣ်လါယနူၤအါရံၤ(၂၈)သီန့ၣ်ထီၣ်ဒုးKNU လီၢ်ခၢၣ်သး၀ဲၤလီၢ်ဒီးကညီတဖၣ်ဖဲ၀့ၢ်တကူၣ်စါခၠီဖဲသ
ထ့ကူက၀ီၤလီၤ. ဖဲ၁၉၄၉နံၣ် လါယနူၤအါရံၤ (၃၁)သီဂီၤန့ၣ်ထီၣ်ဒုး KNDO လ.ခ.သ. ဖဲအ့စ့ၣ်၀့ၢ်ဒီးနံၤအ၀ဲ
န့ၣ်အ၀ဲသ့ၣ်ဘိးဘၣ်ပာ်ဖျါ၀ဲလၢ (KNDO ဒီး MNDO) ကရၢတဖိးသဲစးဘၣ်န့ၣ်လီၤ.

ကညီတဖၣ်တဒိးလီၤအကိာ်ဒ်စါခၠီအသိးလၢၤဘၣ်. မ့မ့ၢ်ခီၣ်ဆၢဒုၣ်ဒါတဖၣ်ဒူဒူ KNDO လ.ခ.သ. စ့ၢ်ကီးဟ့ၣ်
လီၤတၢ်ကလုၢ်ဆူကညီလၢကီၢ်ပူၤခဲလၢာ်ကဂဲၤဆၢထၢၣ်ဒုးပၢၢ်ဆၢထီဒါဒုၣ်ဒါအဃိ,ကညီစုက၀ဲၤတၢ်ဒုးစးထီၣ်
၀ဲဒၣ်ဒီးဖဲလါယနူၤအါရံၤ(၃၁)သီဘၣ်တၢ်သ့ၣ်ညါပာ်ကဲအီၤဒ်ကညီတၢ်ပၢၢ်ဆၢအမုၢ်နံၤအသိးလီၤ.တုၤမ့ၢ်ကညီ
စုက၀ဲၤတၢ်ပၢၢ်ဆၢတၢ်ဒုးစးထီၣ်ဒီးကညီဒီကလုာ်လၢတၢ်လီၢ်ကိးပူၤဒဲးဆၢထၢၣ်သကိးဃူဃူကညီလၢပၢြပးဒီး
သုးလၢဒုၣ်ဒါအပူၤစ့ၢ်ကီးနုာ်လီၤမၤသကိး၀ဲတၢ်လၢတၢ်ဒုးအပူၤန့ၣ်လီၤ.

ကလုာ်လၢအမၤသကိးတၢ်ဒီးကညီဒ်ကရ့ၣ်နံၣ်,မိၣ်,ပအိၣ်,ကခၠ့ၣ်,ခၠီ,လါဟူး,တဖၣ်အါဖုအါဂၤ,ဒီးကလုာ်အဂၤ
လၢအအိၣ်လၢကညီအသိးအကျါဒ်ယိၤတဖၣ်စ့ၢ်ကီးနုာ်လီၤတၢ်ဒုးအဃိဃုလါအတီၢ်ပူၤမ့ၢ်တမ့ၢ်လၢ၀့ၢ်ဒိၣ်စှၤ
ဖျၢၣ်ဘၣ်ဒီးကညီတဖၣ်မၤန့ၢ်ခူ၀့ၢ်တၢ်လီၢ်တၢ်ကျဲလၢကီၢ်ပယီၤထးခီဒီးယိၤကီၢ်ပူၤ၀့ၢ်ဒ်ပၠ့မနါ,ယမဲသ့,ပၠီၣ်ဘွဲၣ်,မံး
ထံးလၣ်,ကၠီးဆဲၣ်,မါတလ့,မ့ၣ်မၠိ,တီၣ်ကၠံ,ကလီဒီးအဂၤတဖၣ်န့ၣ်လီၤ.ဘၣ်ဆၣ်ခူ၀့ၢ်တၢ်လီၢ်တၢ်ကျဲတဖၣ်အံၤတ
မ့ၢ်တၢ်လီၢ်တၢ်ကျဲလၢကညီဖိဃ့အဃိအးလီၤက့ၤ၀ဲဆူတၢ်ပၢၢ်ဆၢအဂၤတဖၣ်အစုပူၤလီၤ.တၢ်မၤနၢၤဖးဒိၣ်ချ့
မးတဖၣ်အံၤမ့ၢ်တၢ်ကမၢကမၣ်အလီၢ်ဖးဒိၣ်အဃိပကပာ်ဖျါထီၣ်က့ၤတနီၤလၢတၢ်ကွဲးနီၣ်ကွဲးဃါအဂီၢ်န့ၣ်လီၤ.